ਨਵੀਂ ਦਿੱਲੀ: ਨੈਸ਼ਨਲ ਟੈਸਟਿੰਗ ਏਜੰਸੀ ਨੇ ਜੇਈਈ ਮੇਨ 2019 ਦੇ ਨਤੀਜਿਆਂ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਪ੍ਰੀਖਿਆ ਵਿੱਚ ਪਟਿਆਲਾ ਦੇ ਜੈਏਸ਼ ਸਿੰਗਲਾ ਤੇ ਦਿੱਲੀ ਦੇ ਸ਼ੁਭਮ ਸ੍ਰੀਵਾਸਤਵ ਨੇ ਜੇਈਈ ਮੇਨ ਟਾਪਰ ਦਾ ਖ਼ਿਤਾਬ ਆਪਣੇ ਨਾਂਅ ਕਰ ਲਿਆ ਹੈ।
ਦੱਸ ਦਈਏ, ਜੇਈਈ ਮੇਨ ਦਾ ਨਤੀਜਾ ਅਤੇ ਉਸ ਦੀ ਰੈਕਿੰਗ ਅਧਿਕਾਰਿਤ ਵੈਬਸਾਈਟ jeemain.nic.in ’ਤੇ ਵੇਖੀ ਜਾ ਸਕਦੀ ਹੈ। ਇਸ ਦੇ ਨਾਲ ਹੀ ਪ੍ਰੀਖਿਆ ਦੀ ਉੱਤਰ ਕਾਪੀ ਪਹਿਲਾਂ ਹੀ ਜਾਰੀ ਕਰ ਦਿੱਤੀ ਗਈ।
ਇਸ ਸਬੰਧੀ ਐੱਨਟੀਏ ਨੇ ਪਹਿਲਾਂ ਕਿਹਾ ਸੀ ਕਿ ਨਤੀਜਾ 30 ਅਪ੍ਰੈਲ ਤੱਕ ਐਲਾਨ ਕੀਤਾ ਜਾਵੇਗਾ। ਇਸ ਵਾਰ ਲਗਭਗ ਢਾਈ ਤੋਂ ਤਿੰਨ ਲੱਖ ਵਿਦਿਆਰਥੀ ਜੇਈਏ ਐਡਵਾਂਸ ਲਈ ਕੁਆਲੀਫ਼ਾਈ ਕਰਾਉਣ ਦੀ ਤਿਆਰੀ ਵਿੱਚ ਹਨ। ਐੱਨਟੀਏ ਨੇ ਅਪ੍ਰੈਲ ਦੇ ਪਹਿਲੇ ਅਤੇ ਦੂਜੇ ਹਫ਼ਤੇ 'ਚ ਇਸ ਪ੍ਰੀਖਿਆ ਦੀ ਕਾਰਵਾਈ ਕੀਤੀ ਸੀ।
