ਗੁਵਾਹਾਟੀ: ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਚੰਦਰਯਾਨ-2 ਦੇ ਪ੍ਰੀਖਣ ਦਾ ਅਭਿਆਸ ਸਫ਼ਲਤਾਪੂਰਵਕ ਪੂਰਾ ਕਰ ਲਿਆ ਹੈ। ਇਹ ਮਿਸ਼ਨ 22 ਜੁਲਾਈ ਨੂੰ ਦੁਪਹਿਰ 2:43 ਮਿੰਟ ਉੱਤੇ ਉਡਾਣ ਭਰੇਗਾ। ਕੁੱਝ ਹੀ ਘੰਟੀਆਂ ਤੋਂ ਬਾਅਦ ਭਾਰਤ ਦਾ ਨਾਮ ਇਤਹਾਸ ਦੇ ਪੰਨੀਆਂ ਉੱਤੇ ਦਰਜ ਹੋ ਜਾਵੇਗਾ। ਇਸ ਤੋਂ ਪਹਿਲਾਂ ਚੰਦਰਯਾਨ–2 ਨੂੰ 15 ਜੁਲਾਈ ਨੂੰ ਤੜਕੇ 2:51 ਮਿੰਟ 'ਤੇ ਉਡਾਨ ਭਰਨ ਵਾਲਾ ਸੀ, ਪਰ ਤਕਨੀਕੀ ਖਰਾਬੀ ਕਾਰਨ ਇੱਕ ਘੰਟਾ ਪਹਿਲਾਂ ਹੀ ਅਭਿਆਨ ਰੋਕ ਦਿੱਤਾ ਗਿਆ।
ਜਿਕਰਯੋਗ ਹੈ ਕਿ ਚੰਦਰਯਾਨ ਲੈਂਡਰ ਦੇ ਰੂਪ ਵਿੱਚ ਚੰਦਰਮਾ 'ਤੇ ਉਤਰੇਗਾ ਅਤੇ ਇਸ ਤਰ੍ਹਾਂ ਭਾਰਤ ਦਾ ਨਵਾਂ ਇਤਹਾਸ ਲਿਖਿਆ ਜਾਵੇਗਾ। ਇਸ ਇਤਹਾਸ ਨੂੰ ਬਣਾਉਣ ਵਿੱਚ ਅਸਮ ਦੇ ਵਿਗਿਆਨੀ ਡਾ. ਜਿਤੇਂਦਰ ਨਾਥ ਗੋਸਵਾਮੀ ਦੀ ਅਹਿਮ ਭੂਮਿਕਾ ਰਹੀ ਹੈ। ਜਿਤੇਂਦਰ ਦੇ ਜੋਰਹਾਟ ਜਿਲ੍ਹੇ ਦੇ ਬੋਰਭੇਟਾ ਦੇ ਨਿਵਾਸੀ ਸ੍ਰੀਨਾਥ ਗੋਸਵਾਮੀ ਤੇ ਰੰਭਾ ਗੋਸਵਾਮੀ ਦੇ ਪੁੱਤਰ ਹਨ। ਉਹ ਅਸਮ ਵਿਧਾਨਸਭਾ ਪ੍ਰਧਾਨ ਹਿਤੇਂਦਰ ਨਾਥ ਗੋਸਵਾਮੀ ਦੇ ਵੱਡੇ ਭਰਾ ਹਨ। ਉਨ੍ਹਾਂ ਨੇ ਆਪਣੀ ਸਕੂਲੀ ਸਿੱਖਿਆ ਬੋਰਭੇਟਾ ਪਬਲਿਕ ਸਕੂਲ ਤੇ ਜੋਰਹਾਟ ਗਵਰਨਮੇਂਟ ਹਾਇਰ ਸੇਕੇਂਡਰੀ ਅਤੇ ਮਲਟੀਪਰਪਸ ਸਕੂਲ ਤੋਂ ਪ੍ਰਾਪਤ ਕੀਤੀ।
ਇਹ ਵੀ ਪੜ੍ਹੋ: ਚੰਦਰਯਾਨ-2 : ਭਲਕੇ ਚੰਨ 'ਤੇ ਜਾਣ ਵਾਲਾ ਚੌਥਾ ਮੁਲਕ ਹੋਵੇਗਾ ਭਾਰਤ!
ਡਾ. ਜਿਤੇਂਦਰ ਦੇ ਜੋਰਹਾਟ ਸਥਿਤ ਨਿਵਾਸ 'ਤੇ ਉਨ੍ਹਾਂ ਦੀ ਚਾਚੀ ਬੀਨੂ ਗੋਸਵਾਮੀ ਰਹਿੰਦੀ ਹੈ ਤੇ ਉਨ੍ਹਾਂ ਦੀ ਮਦਦ ਕਰਦੀ ਹੈ। ਬੀਨੂ ਗੋਸਵਾਮੀ ਨੂੰ ਡਾ. ਜਿਤੇਂਦਰ ਦੀ ਉਪਲੱਬਧੀ ਉੱਤੇ ਮਾਨ ਹੈ। ਗੋਸਵਾਮੀ ਨੇ ਦੱਸਿਆ ਕਿ ਉਹ ਪੜਾਈ ਵਿੱਚ ਚੰਗੇ ਹੋਣ ਦੇ ਇਲਾਵਾ ਕਈ ਵੱਖ-ਵੱਖ ਗਤੀਵਿਧੀਆਂ ਵਿੱਚ ਵੀ ਰੁੱਝੇ ਰਹਿੰਦੇ ਹਨ।
ਡਾ. ਜਿਤੇਂਦਰ ਦੇ ਕਰੀਬੀ ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਜ਼ਮੀਨ ਨਾਲ ਜੁੜੇ ਵਿਅਕਤੀ ਹਨ। ਸਾਨੂੰ ਉਨ੍ਹਾਂ ਉੱਤੇ ਮਾਨ ਹੈ ਕਿ ਅਸੀ ਉਨ੍ਹਾਂ ਦੇ ਘਰ ਵਿੱਚ ਕੰਮ ਕਰਦੇ ਹਾਂ। ਜੋਰਹਾਟ ਦੇ ਤਾਰਾਮੰਡਲ ਦੇ ਨਿਦੇਸ਼ਕ ਪ੍ਰਣਬ ਜੋਤੀ ਚੇਤੀਆ ਨੇ ਦੱਸਿਆ ਕਿ ਭਾਰਤ ਚੰਦਰਯਾਨ ਅਭਿਆਨ ਲਾਂਚ ਕਰਨ ਵਾਲਾ ਦੁਨੀਆ ਦਾ ਚੌਥਾ ਦੇਸ਼ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਡਾ. ਜਿਤੇਂਦਰ ਉੱਤੇ ਪੂਰੇ ਅਸਮ ਨੂੰ ਮਾਨ ਹੈ।
