ਦੱਖਣੀ ਕੋਰੀਆ: 51 ਠੀਕ ਹੋਏ ਕੋਰੋਨਾ ਮਰੀਜ਼ ਮੁੜ ਨਿਕਲੇ ਪੌਜ਼ੀਟਿਵ

ਦੇਸ਼ ਵਿੱਚ ਕੋਰੋਨਾ ਵੱਡੇ ਪੱਧਰ ਤੇ ਨਿਯੰਤਰਿਤ ਹੋ ਗਿਆ ਹੈ ਪਰ ਸਿਰਫ ਦੱਖਣੀ ਕੋਰੀਆ ਹੀ ਨਹੀਂ ਬਲਕਿ ਦੂਜੇ ਦੇਸ਼ਾਂ ਦੀਆਂ ਚਿੰਤਾਵਾਂ ਵੀ ਉਸ ਵੇਲੇ ਵੱਧ ਗਈਆਂ ਜਦੋਂ 51 ਠੀਕ ਹੋਏ ਮਰੀਜ਼ ਮੁੜ ਪੌਜ਼ੀਟਿਵ ਪਾਏ ਗਏ।

ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਦੀ ਲਾਗ ਨੂੰ ਰੋਕਣ ਲਈ, ਜਿਸ ਦੇਸ਼ ਦੀ ਵਿਸ਼ਵ ਭਰ ਵਿੱਚ ਪ੍ਰਸ਼ੰਸਾ ਕੀਤੀ ਜਾ ਰਹੀ ਹੈ, ਉਸ ਦੇਸ਼ ਵਿੱਚ ਇੱਕ ਵਾਰ ਫਿਰ ਤੋਂ ਠੀਕ ਹੋਏ 51 ਮਰੀਜ਼ ਮੁੜ ਪੌਜ਼ੀਟਿਵ ਪਾਏ ਗਏ ਹਨ। ਦੱਖਣੀ ਕੋਰੀਆ ਨੇ ਕੋਰੋਨਾ ਦਾ ਕੇਸ ਸ਼ੁਰੂ ਹੁੰਦੇ ਹੀ ਵੱਡੀ ਗਿਣਤੀ ਵਿੱਚ ਲੋਕਾਂ ਦੇ ਟੈਸਟ ਕੀਤੇ। ਇਸ ਦੇ ਕਾਰਨ, ਦੇਸ਼ ਵਿੱਚ ਕੋਰੋਨਾ ਵੱਡੇ ਪੱਧਰ 'ਤੇ ਨਿਯੰਤਰਿਤ ਹੋ ਗਿਆ ਹੈ ਪਰ ਸਿਰਫ ਦੱਖਣੀ ਕੋਰੀਆ ਹੀ ਨਹੀਂ ਬਲਕਿ ਦੂਜੇ ਦੇਸ਼ਾਂ ਦੀਆਂ ਚਿੰਤਾਵਾਂ ਵੀ ਉਲ ਵੇਲੇ ਵੱਧ ਗਈਆਂ ਹਨ ਜਦੋਂ 51 ਠੀਕ ਹੋਏ ਮਰੀਜ਼ ਮੁੜ ਪੌਜ਼ੀਟਿਵ ਪਾਏ ਗਏ।

ਦੱਖਣੀ ਕੋਰੀਆ ਦੇ ਡਾਗੂ ਵਿੱਚ ਕੋਰੋਨਾ ਵਾਇਰਸ ਨਾਲ ਪੌਜ਼ੀਟਿਵ ਪਾਏ ਗਏ ਲੋਕਾਂ ਨੂੰ ਅਲੱਗ ਕੀਤਾ ਗਿਆ ਸੀ ਪਰ ਟੈਸਟ ਦੇ ਨਤੀਜੇ ਨੈਗੇਟਿਵ ਆਉਣ ਤੋਂ ਬਾਅਦ, ਉਨ੍ਹਾਂ ਨੂੰ ਕੁਆਰੰਟੀਨ ਤੋਂ ਛੁੱਟੀ ਦੇ ਦਿੱਤੀ ਗਈ ਪਰ ਬੜੀ ਹੈਰਾਨੀ ਨਾਲ ਕੁੱਝ ਦਿਨਾਂ ਬਾਅਦ, 51 ਲੋਕ ਮੁੜ ਤੋਂ ਪੌਜ਼ੀਟਿਵ ਹੋ ਗਏ। ਦੱਖਣੀ ਕੋਰੀਆ ਦੇ ਸਿਹਤ ਅਧਿਕਾਰੀ ਮੰਨਦੇ ਹਨ ਕਿ ਕੋਰੋਨਾ ਵਾਇਰਸ ਮਨੁੱਖਾਂ ਦੇ ਅੰਦਰ ਅਜਿਹੀ ਜਗ੍ਹਾ 'ਤੇ ਲੁਕ ਜਾਂਦਾ ਹੈ ਜਿਸਦਾ ਪਤਾ ਲਗਾਉਣਾ ਮੁਸ਼ਕਲ ਹੁੰਦਾ ਹੈ।

ਦੱਖਣੀ ਕੋਰੀਆ ਦੇ ਬਿਮਾਰੀ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰ (ਕੇ.ਸੀ.ਡੀ.ਸੀ.) ਦਾ ਕਹਿਣਾ ਹੈ ਕਿ ਅਜਿਹਾ ਲਗਦਾ ਹੈ ਕਿ ਮਰੀਜ਼ ਦੁਬਾਰਾ ਸੰਕਰਮਿਤ ਨਹੀਂ ਹੋਇਆ ਸੀ ਪਰ ਵਾਇਰਸ ਫਿਰ ਤੋਂ ਕਿਰਿਆਸ਼ੀਲ ਹੋ ਗਿਆ ਹੈ। ਹਾਲਾਂਕਿ, ਬ੍ਰਿਟਿਸ਼ ਮਾਹਰ ਦਾ ਕਹਿਣਾ ਹੈ ਕਿ ਅਜੇ ਤੱਕ ਕੋਈ ਸਬੂਤ ਨਹੀਂ ਮਿਲਿਆ ਹੈ ਕਿ ਇਹ ਸਾਬਤ ਕਰਨ ਲਈ ਕਿ ਮਰੀਜ਼ ਦੇ ਅੰਦਰ ਵਾਇਰਸ ਦੁਬਾਰਾ ਸਰਗਰਮ ਹੋ ਗਏ ਹਨ।

ਪੂਰਬੀ ਐਂਗਲੀਆ, ਯੂ.ਕੇ. ਦੀ ਯੂਨੀਵਰਸਿਟੀ ਵਿਖੇ ਲਾਗ ਦੀਆਂ ਬਿਮਾਰੀਆਂ ਦੇ ਪ੍ਰੋਫੈਸਰ ਪਾਲ ਹੰਟਰ ਨੇ ਕਿਹਾ- ਮੇਰਾ ਮੰਨਣਾ ਹੈ ਕਿ ਇਹ ਮਰੀਜ਼ ਦੁਬਾਰਾ ਸੰਕਰਮਿਤ ਨਹੀਂ ਹੋਏ ਹੁੰਦੇ। ਪਰ ਮੈਂ ਇਹ ਵੀ ਨਹੀਂ ਸੋਚ ਰਿਹਾ ਹਾਂ ਕਿ ਵਾਇਰਸ ਦੁਬਾਰਾ ਕਿਰਿਆਸ਼ੀਲ ਹੋ ਜਾਂਦੇ ਹਨ। ਮੈਨੂੰ ਲਗਦਾ ਹੈ ਕਿ ਗ਼ਲਤੀ ਨਾਲ ਪਹਿਲਾਂ ਉਨ੍ਹਾਂ ਦੀ ਜਾਂਚ ਰਿਪੋਰਟ ਵਿਚ ਨੈਗੇਟਿਵ ਨਤੀਜਾ ਆਇਆ ਹੋ ਸਕਦਾ ਹੈ।

ਪ੍ਰੋਫੈਸਰ ਹੰਟਰ ਨੇ ਕਿਹਾ ਕਿ ਰਵਾਇਤੀ ਤੌਰ ਤੇ ਕੀਤੇ ਗਏ ਕੋਰੋਨਾ ਵਾਇਰਸ ਟੈਸਟਾਂ ਦੇ 20 ਤੋਂ 30 ਪ੍ਰਤੀਸ਼ਤ ਸੰਭਾਵਤ ਤੌਰ ਤੇ ਗਲਤ ਨਤੀਜੇ ਦਿੱਤੇ ਜਾ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਕੁਆਰੰਟੀਨ ਤੋਂ ਛੱਡੇ ਗਏ ਇੰਨਾਂ ਵਿਅਕਤੀਆਂ ਦੀ ਰਿਪੋਰਟ ਸਹੀ ਨਹੀਂ ਆਈ ਹੋਵੇਗੀ। ਹੋ ਸਕਦਾ ਉਸ ਸਮੇਂ ਮਰੀਜ਼ ਸੰਕਰਮਿਤ ਹੋਏ ਹੋਣਗੇ।

ਕੋਰੀਆ ਦੇ ਬਿਮਾਰੀ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰ (KCDC) ਦੇ ਡਾਇਰੈਕਟਰ ਜਨਰਲ, ਯੂਨ ਕੀਓਂਗ ਦਾ ਕਹਿਣਾ ਹੈ ਕਿ ਡੱਗੂ ਵਿੱਚ ਇਨ੍ਹਾਂ ਮਾਮਲਿਆਂ ਦੀ ਜਾਂਚ ਲਈ ਇੱਕ ਟੀਮ ਭੇਜੀ ਗਈ ਹੈ। ਇਸ ਤੋਂ ਪਹਿਲਾਂ ਵੀ ਜਪਾਨੀ ਮਾਹਰਾਂ ਨੇ ਚਿੰਤਾ ਜ਼ਾਹਰ ਕੀਤੀ ਸੀ ਕਿ ਮਰੀਜ਼ਾਂ ਨੂੰ ਦੁਬਾਰਾ ਲਾਗ ਲੱਗ ਸਕਦੀ ਹੈ, ਕਿਉਂਕਿ ਉੱਥੇ ਇਕ ਔਰਤ ਅਤੇ ਆਦਮੀ ਦੇ ਫਿਰ ਤੋਂ ਸਕਾਰਾਤਮਕ ਹੋਣ ਦੀ ਗੱਲ ਸਾਹਮਣੇ ਆਈ ਸੀ।

ਲੀਡਜ਼ ਯੂਨੀਵਰਸਿਟੀ ਦੇ ਵਾਇਰਲੌਜੀ ਦੇ ਪ੍ਰੋਫੈਸਰ ਮਾਰਕ ਹੈਰਿਸ ਨੇ ਕਿਹਾ ਹੈ ਕਿ ਮਰੀਜ਼ਾਂ ਦੀ ਮੁੜ ਸਕਾਰਾਤਮਕ ਪਾਏ ਜਾਣ ਦੀ ਰਿਪੋਰਟ ਸਪੱਸ਼ਟ ਤੌਰ ‘ਤੇ ਚਿੰਤਾਜਨਕ ਹੈ। ਇਹ ਘੱਟ ਸੰਭਾਵਨਾ ਹੈ ਕਿ ਮਰੀਜ਼ ਦੁਬਾਰਾ ਸੰਕਰਮਿਤ ਹੋਣਗੇ ਕਿਉਂਕਿ ਪਹਿਲੀ ਵਾਰ ਉਨ੍ਹਾਂ ਵਿਚ ਇਮਿਊਨ ਪ੍ਰਤੀਕ੍ਰਿਆ ਵਿਕਸਤ ਹੁੰਦੀ ਹੈ।

ਪ੍ਰੋਫੈਸਰ ਮਾਰਕ ਹੈਰਿਸ ਨੇ ਕਿਹਾ ਕਿ ਦੂਜੀ ਸੰਭਾਵਨਾ ਇਹ ਹੈ ਕਿ ਨਕਾਰਾਤਮਕ ਰਿਪੋਰਟ ਦੇ ਸਮੇਂ, ਮਰੀਜ਼ ਅਸਲ ਵਿੱਚ ਲਾਗ ਤੋਂ ਮੁਕਤ ਨਹੀਂ ਹੋਏ। ਹਾਲਾਂਕਿ, ਮਾਹਰ ਇਹ ਵੀ ਕਹਿੰਦੇ ਹਨ ਕਿ ਅਜਿਹੇ ਕੇਸ ਸਿਰਫ ਇੱਕ ਅਪਵਾਦ ਵਜੋਂ ਆਉਂਦੇ ਹਨ।