ਕੋਲੰਬੋ: ਸ੍ਰੀਲੰਕਾ ਦੇ ਰਾਸ਼ਟਰਪਤੀ ਚੋਣਾਂ ਲਈ ਵੋਟਾਂ ਪਾਉਣ ਦੀ ਪ੍ਰਕਿਰਿਆਂ ਨੂੰ ਕੁਝ ਹੀ ਸਮਾਂ ਬਚਿਆ ਹੈ। ਮੁੱਖ ਧਾਰਾ ਅਤੇ ਸੋਸ਼ਲ ਮੀਡੀਆ ਦੋਵਾਂ 'ਤੇ ਧਿਆਨ ਕੇਂਦ੍ਰਤ ਹੈ, ਕਿਉਂਕਿ ਪ੍ਰਚਾਰ ਦੌਰਾਨ ਝੂਠੀਆਂ ਖ਼ਬਰਾਂ 'ਤੇ ਚਿੰਤਾ ਬਣੀ ਰਹੀ।
ਚੋਣਾਂ ਦੀ ਸ਼ੁਰੂਆਤ 'ਤੇ ਈਟੀਵੀ ਭਾਰਤ ਨੇ ਮਸ਼ਹੂਰ ਮੀਡੀਆ ਵਿਸ਼ਲੇਸ਼ਕ ਨਲਕਾ ਗੁਨਵਰਦਨੇ ਨਾਲ ਵਿਸ਼ੇਸ਼ ਤੌਰ 'ਤੇ ਗੱਲ ਕੀਤੀ, ਜਿਨ੍ਹਾਂ ਨੇ ਝੂਠੀਆਂ ਖ਼ਬਰਾਂ ਦੇ ਖ਼ਤਰੇ ਅਤੇ ਚੋਣਾਂ ਦੌਰਾਨ ਵੋਟਰਾਂ 'ਤੇ ਪੈਣ ਵਾਲੇ ਮਾੜੇ ਪ੍ਰਭਾਵਾਂ ਬਾਰੇ ਵਿਸਥਾਰ ਨਾਲ ਦੱਸਿਆ।
ਉਨ੍ਹਾਂ ਕਿਹਾ ਕਿ ਅਫ਼ਵਾਹਾਂ ਉੱਤੇ ਧਿਆਨ ਨਾ ਦਿੱਤਾ ਜਾਵੇ। ਗੁਨਵਰਦਨੇ ਨੇ ਦੱਸਿਆ ਕਿ ਹਾਲਾਂਕਿ ਚੋਣ ਪ੍ਰਚਾਰ ਦੌਰਾਨ ਖੁਦ ਦੇ ਉਮੀਦਵਾਰਾਂ ਨੂੰ ਸਹੀਂ ਤੇ ਵਿਰੋਧੀ ਧਿਰ ਦੇ ਉਮੀਦਵਾਰ ਬਾਰੇ ਝੂਠੇ ਦਾਅਵੇ ਅਕਸਰ ਕੀਤੇ ਜਾਂਦੇ ਹਨ, ਪਰ ਇਸ ਵਾਰ ਸਥਿੱਤੀ ਇਸ ਤੋਂ ਵੀ ਮਾੜੀ ਰਹੀ। ਖ਼ਾਸਕਰ ਨਸਲੀ ਅਤੇ ਘੱਟ ਗਿਣਤੀ ਭਾਈਚਾਰੇ ਨੂੰ ਵੰਡ ਵਧਾਉਣ ਦਾ ਨਿਸ਼ਾਨਾ ਬਣਾਇਆ ਗਿਆ ਸੀ। ਇਹੋ ਜਿਹੇ ਹਾਲਾਤ ਈਸਟਰ ਬੰਬ ਧਮਾਕੇ ਤੋਂ ਬਾਅਦ ਦੇ ਚੱਲਦੇ ਤਣਾਅ ਨੂੰ ਹੋਰ ਵਧਾ ਸਕਦਾ ਹੈ।
ਸ੍ਰੀਲੰਕਾ ਦੇ ਸਮੁੱਚੇ ਮੀਡੀਆ ਲੈਂਡਸਕੇਪ ਦਾ ਵਰਣਨ ਕਰਦਿਆਂ, ਗੁਨਵਰਦਨੇ ਨੇ ਦੱਸਿਆ ਕਿ ਪ੍ਰਸਾਰਣ ਟੈਲੀਵੀਜ਼ਨ ਟਾਪੂ ਉੱਤੇ ਜਾਣਕਾਰੀ ਦਾ ਸਭ ਤੋਂ ਵੱਡਾ ਸਰੋਤ ਸੀ ਜਿਸ ਵਿੱਚ ਇੰਟਰਨੈਟ ਵੀ ਇੱਕ ਮਹੱਤਵਪੂਰਣ ਭੂਮਿਕਾ ਨਿਭਾਉਂਦਾ ਸੀ। ਉਨ੍ਹਾਂ ਕਿਹਾ ਕਿ, "ਸਭ ਤੋਂ ਵਧੀਆ ਰੇਟਿੰਗ ਵਾਲੇ ਪੰਜ ਚੈਨਲ ਸਾਰੇ ਪ੍ਰਾਈਵੇਟ ਚੈਨਲ ਹਨ। ਉਨ੍ਹਾਂ ਨੇ 2 ਮੁੱਖ ਉਮੀਦਵਾਰਾਂ ਵਿਚੋਂ ਇਕ ਦੀ ਹਿਮਾਇਤ ਕਰਨ ਦੀ ਚੋਣ ਕੀਤੀ ਹੈ। ਇਹ ਵੱਡੇ ਟੀਵੀ ਨੈਟਵਰਕਾਂ ਵਿਚਾਲੇ ਉਨੀਂ ਹੀ ਲੜਾਈ ਹੈ, ਜਿੰਨੀ ਉਮੀਦਵਾਰਾਂ ਵਿਚਾਲੇ ਲੜਾਈ ਹੈ।"
ਉਨ੍ਹਾਂ ਅੱਗੇ ਦੱਸਿਆ ਕਿ ਚੋਣ ਪ੍ਰਚਾਰ ਦੌਰਾਨ ਵੱਡੇ ਪ੍ਰਸਾਰਕਾਂ ਵਲੋਂ ਨਾ ਸਿਰਫ਼ ਇੱਕ ਉਮੀਦਵਾਰ ਨੂੰ, ਬਲਕਿ ਸਾਰੇ ਸਮੂਹਾਂ ਨੂੰ ਨਕਾਰਾਤਮਕ ਰੂਪ ਵਿੱਚ ਪੇਸ਼ ਕਰਨ, ਪ੍ਰਦਰਸ਼ਨ ਕਰਨ ਅਤੇ ਚਿੱਤਰਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ।
ਮੀਡੀਆ ਦੀ ਆਜ਼ਾਦੀ ਅਤੇ ਚੁਣੌਤੀਆਂ ਬਾਰੇ ਬੋਲਦਿਆਂ ਗੁਨਵਰਦਨੇ ਨੇ ਕਿਹਾ ਕਿ ਦੋ ਮੁੱਖ ਉਮੀਦਵਾਰਾਂ ਨੇ ਪ੍ਰਗਟਾਵੇ ਦੀ ਆਜ਼ਾਦੀ ਪ੍ਰਤੀ ਆਪਣੀ ਵਚਨਬੱਧਤਾ ਜ਼ਾਹਰ ਕੀਤੀ ਸੀ।
ਉਨ੍ਹਾਂ ਕਿਹਾ ਕਿ, "ਚੁਣੌਤੀਆਂ ਹਨ, ਪਰ ਪਿੱਛਲੀਆਂ ਚੋਣਾਂ ਤੋਂ ਬਾਅਦ ਮੀਡੀਆ ਦੀ ਆਜ਼ਾਦੀ ਵਿੱਚ ਸੁਧਾਰ ਹੋਇਆ ਹੈ। ਅਸੀਂ ਵਰਲਡ ਪ੍ਰੈਸ ਫ੍ਰੀਡਮ ਸੂਚੀ ਵਿੱਚ ਵੀ ਅੰਕ ਪ੍ਰਾਪਤ ਕੀਤੇ ਹਨ।"
ਇਹ ਵੀ ਪੜ੍ਹੋ:ਰਾਸ਼ਟਰਪਤੀ ਚੋਣਾਂ, ਸ੍ਰੀਲੰਕਾ: ਮੁਸਲਿਮ ਕੌਂਸਲ ਦੇ ਉਪ-ਰਾਸ਼ਟਰਪਤੀ ਹਿਲਮੀ ਅਹਿਮਦ ਨਾਲ ਵਿਸ਼ੇਸ਼ ਗੱਲਬਾਤ
ਗੁਨਵਰਦਨੇ ਨੇ ਕਿਹਾ ਕਿ ਮੀਡੀਆ ਦੀ ਮੌਜੂਦਾਂ ਪ੍ਰਥਾ ਨੂੰ ਨਿਯਮਤ ਨਹੀਂ ਕੀਤਾ ਜਾ ਸਕਦਾ, ਕਿਉਂਕਿ ਇਹ ਸ੍ਰੀਲੰਕਾ ਦੇ ਸਮਾਜ ਅਤੇ ਰਾਜਨੀਤੀ ਨੂੰ ਨੁਕਸਾਨ ਪਹੁੰਚਾ ਰਹੀ ਹੈ। "ਜਿਹੜਾ ਵੀ ਜਿੱਤੇਗਾ ਉਸ ਨੂੰ ਮੀਡੀਆ ਨਾਲ ਕੰਮ ਕਰਨਾ ਪਵੇਗਾ, ਕੁਝ ਸਵੀਕਾਰ ਮੀਡੀਆ ਰੈਗੂਲੇਟਰੀ ਢਾਂਚੇ ਨੂੰ ਲੱਭਣ ਲਈ।"
