ਚੰਡੀਗੜ੍ਹ: ਸਾਲ 2022 ਵਿੱਚ ਕੇਂਦਰ ਸਰਕਾਰ ਵੱਲੋਂ ਲਿਆਂਦੀ ਗਈ ਅਗਨੀਵੀਰ ਭਰਤੀ ਯੋਜਨਾ ਨੂੰ ਲੈਕੇ ਬਹੁਤ ਵੱਡਾ ਵਿਵਾਦ ਹੋਇਆ ਸੀ ਅਤੇ ਕਈ ਸੂਬਿਆਂ ਵਿੱਚ ਭੜਕੇ ਨੌਜਵਾਨਾਂ ਨੇ ਭੰਨਤੋੜ ਵੀ ਕੀਤੀ ਸੀ ਪਰ ਪੰਜਾਬ ਸਰਕਾਰ ਨੇ ਸੂਬੇ ਦੇ ਅਗਨੀਵੀਰਾਂ ਲਈ ਇੱਕ ਵੱਡਾ ਐਲਾਨ ਕੀਤਾ ਹੈ।
ਸੇਵਾ ਮੁਕਤੀ ਮਗਰੋਂ ਸਰਕਾਰੀ ਨੌਕਰੀ
ਦੱਸ ਦਈਏ ਅਗਨੀਵੀਰ ਸਕੀਮ ਤਹਿਤ ਫੌਜ ਵਿੱਚ ਭਰਤੀ ਹੋਏ ਨੌਜਵਾਨਾਂ ਦਾ ਕਾਰਜਕਾਲ ਇਸ ਸਕੀਮ ਮੁਤਾਬਿਕ 2027 ਵਿੱਚ ਪੂਰਾ ਹੋਣ ਜਾ ਰਿਹਾ ਹੈ ਅਤੇ 2027 ਵਿੱਚ ਇਨ੍ਹਾਂ ਫੌਜੀ ਜਵਾਨਾਂ ਨੂੰ ਇਸ ਸਕੀਮ ਤਹਿਤ ਸੇਵਾ ਮੁਕਤ ਕਰ ਦਿੱਤਾ ਜਾਵੇਗਾ। ਪੰਜਾਬ ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਸਾਲ 2027 ਵਿੱਚ ਸੇਵਾ ਮੁਕਤ ਹੋ ਰਹੇ ਪੰਜਾਬ ਦੇ 800 ਅਗਨੀਵੀਰਾਂ ਨੂੰ ਸਰਕਾਰੀ ਨੌਕਰੀ ਦਿੱਤੀ ਜਾਵੇਗੀ। ਇਸ ਸਬੰਧੀ ਐਕਸ ਉੱਤੇ ਵਿਧਾਇਕਾ ਜੀਵਨਜੋਤ ਕੌਰ ਨੇ ਪੋਸਟ ਕਰਕੇ ਜਾਣਕਾਰੀ ਵੀ ਸਾਂਝੀ ਕੀਤੀ ਹੈ।
BIG DECISION FOR AGNIVEERS
— MLA Jeevan Jyot Kaur. (@jeevanjyot20) November 13, 2024
Punjab Government to provide jobs to Agniveers after retirement in 2027..
That's how a Pro People Sarkar works.
ਨੌਜਵਾਨਾਂ ਦੇ ਮਨ ਵਿੱਚ ਡਰ
ਅਗਨੀਵੀਰ ਯੋਜਨਾ ਭਾਰਤੀ ਫੌਜ ਵੱਲੋਂ ਕੇਂਦਰ ਸਰਕਾਰ ਦੇ ਦਿਸ਼ਾ ਨਿਰਦੇਸ਼ ਮੁਤਾਬਿਕ ਸਾਲ 2022 ਵਿੱਚ ਪੇਸ਼ ਕੀਤੀ ਗਈ ਸੀ। ਇਸ ਯੋਜਨਾ ਤਹਿਤ ਭਰਤੀ ਹੋਣ ਵਾਲੇ ਫੌਜੀ ਜਵਾਨਾਂ ਦਾ ਕਾਰਜਕਾਲ ਮਹਿਜ਼ 4 ਸਾਲ ਦਾ ਹੈ। ਅਗਨੀਵੀਰ ਭਰਤੀ ਸਕੀਮ ਦਾ ਸਾਲ 2022 ਵਿੱਚ ਸਿਆਸੀ ਲੋਕਾਂ ਅਤੇ ਨੌਜਵਾਨਾਂ ਵੱਲੋਂ ਵਿਰੋਧ ਕੀਤਾ ਗਿਆ ਸੀ ਕਿਉਂਕਿ ਨੌਜਵਾਨਾਂ ਦਾ ਕਹਿਣਾ ਸੀ ਕਿ 4 ਸਾਲ ਬਾਅਦ ਸੇਵਾ ਮੁਕਤ ਹੋਕਣ ਮਗਰੋਂ ਭਵਿੱਖ ਵਿੱਚ ਉਹ ਕੀ ਕਰਨਗੇ। ਭਾਵੇਂ ਕੇਂਦਰ ਸਰਕਾਰ ਨੇ ਬਹੁਤ ਸਾਰੇ ਸਪੱਸ਼ਟੀਕਰਨ ਅਤੇ ਫਾਇਦੇ ਇਸ ਸਕੀਮ ਦੇ ਗਿਣਵਾਏ ਸਨ ਪਰ ਫਿਰ ਵੀ ਨੌਜਵਾਨਾਂ ਦੇ ਮਨਾਂ ਵਿੱਚ ਡਰ ਨੇ ਘਰ ਕਰ ਲਿਆ ਸੀ।
That's indeed appreciable!!
— MLA Jeevan Jyot Kaur. (@jeevanjyot20) November 13, 2024
अग्निवीरों के लिए पंजाब सरकार का बड़ा फैसला
रिटायरमेंट के बाद अग्निवीरों को नौकरी देगी सरकार
कैबिनेट मंत्री मोहिंदर भगत ने किया ऐलान
2027 में रिटायर होने वाले 800 अग्निवीरों को देंगे नौकरी
- "ਜੇ ਮੈਂ ਨਹੀਂ, ਤਾਂ ਮੇਰਾ ਮੁੰਡਾ ਬਣੇਗਾ ਪੀਐਮ", ਨੀਟੂ ਸ਼ਟਰਾਂ ਵਾਲੇ ਨੇ ਚੰਨੀ ਦੇ ਬਿਆਨ ਦਾ ਦਿੱਤਾ ਜਵਾਬ, ਹੋਰ ਕੀ ਕੁੱਝ ਕਿਹਾ ਦੇਖੋ ਵੀਡੀਓ
- "ਸੁਖਜਿੰਦਰ ਰੰਧਾਵਾ ਆਪਣੇ 'ਤੇ ਕੰਟਰੋਲ ਕਰਨ" ਮੰਤਰੀ ਧਾਲੀਵਾਲ ਨੇ ਕਾਂਗਰਸ 'ਤੇ ਸਾਧਿਆ ਨਿਸ਼ਾਨਾ, ਰਵਨੀਤ ਬਿੱਟੂ ਨੂੰ ਲੈ ਕੇ ਵੀ ਦਿੱਤਾ ਵੱਡਾ ਬਿਆਨ
- ਸਰਦੀਆਂ ਦੇ ਅਗਾਜ਼ ਦੇ ਨਾਲ ਵਧੇ ਹਰੀਆਂ ਸਬਜ਼ੀਆਂ ਦੇ ਭਾਅ, ਆਮ ਆਦਮੀ ਦੀ ਪਹੁੰਚ ਤੋਂ ਹੋਈਆਂ ਬਾਹਰ
ਸੇਵਾ ਮੁਕਤੀ ਮਗਰੋਂ ਆਰਥਿਕ ਸੁਰੱਖਿਆ
ਦੱਸ ਦਈਏ ਅਗਨੀਵੀਰ ਸਕੀਮ ਤਹਿਤ ਭਰਤੀ ਪਹਿਲਾ ਬੈਚ 2027 ਵਿੱਚ ਸੇਵਾ ਮੁਕਤ ਹੋਵੇਗਾ ਅਤੇ ਪੰਜਾਬ ਸਰਕਾਰ ਨੇ ਲਗਭਗ ਤਿੰਨ ਸਾਲ ਪਹਿਲਾਂ ਹੀ ਇਹ ਐਲਾਨ ਕੀਤਾ ਹੈ ਕਿ ਉਹ ਨੌਜਵਾਨਾਂ ਨੂੰ ਨੌਕਰੀ ਦੇਣਗੇ ਪਰ ਇੱਥੇ ਇਹ ਵੀ ਵਿਚਾਰਨ ਯੋਗ ਹੈ ਕਿ 2027 ਤੱਕ ਮੌਜੂਦਾ ਪੰਜਾਬ ਸਰਕਾਰ ਦਾ ਕਾਰਕਾਲ ਵੀ ਖਤਮ ਹੋਵੇਗਾ ਅਤੇ ਅਜਿਹੇ ਵਿੱਚ ਇਸ ਐਲਾਨ ਨੂੰ ਵਿਰੋਧੀ ਸਿਆਸੀ ਸਟੰਟ ਨਾਲ ਵੀ ਜੋੜਨਗੇ ਪਰ ਇਸ ਐਲਾਨ ਨਾਲ ਪੰਜਾਬ ਦੇ ਅਗਨੀਵੀਰ ਸਕੀਮ ਤਹਿਤ ਭਰਤੀ ਨੌਜਵਾਨਾਂ ਨੂੰ ਆਰਥਿਕ ਸੁਰੱਖਿਆ ਦਾ ਭਾਵ ਜ਼ਰੂਰ ਮਿਲੇਗਾ।
