ਲੁਧਿਆਣਾ: ਕੋਲਕਾਤਾ ਡਾਕਟਰ ਨਾਲ ਬਲਾਤਕਾਰ ਅਤੇ ਕਤਲ ਮਾਮਲੇ ਵਿੱਚ ਚੱਲ ਰਹੇ ਵਿਰੋਧ ਵਿਚਾਲੇ ਲੁਧਿਆਣਾ 'ਚ ਅੱਜ ਸਾਰੇ ਹੀ ਨਿੱਜੀ ਹਸਪਤਾਲਾਂ ਦੇ ਵਿੱਚ ਓਪੀਡੀ ਸੇਵਾਵਾਂ ਪੂਰੀ ਤਰ੍ਹਾਂ ਬੰਦ ਰਹਿਣਗੀਆਂ ਆਈਐਮਏ ਵੱਲੋਂ ਸਾਂਝੇ ਤੌਰ 'ਤੇ ਇਹ ਫੈਸਲਾ ਲਿਆ ਗਿਆ ਹੈ । ਬੀਤੇ ਦਿਨ ਹੋਈ ਬੈਠਕ ਤੋਂ ਬਾਅਦ ਅੱਜ ਸਾਰੇ ਹੀ ਨਿੱਜੀ ਹਸਪਤਾਲਾਂ ਦੀਆਂ ਓਪੀਡੀ ਬੰਦ ਰੱਖਣ ਦਾ ਫੈਸਲਾ ਲਿਆ ਗਿਆ ਹੈ। ਜੋ ਕਿ ਅੱਜ ਸਵੇਰੇ 6 ਵਜੇ ਤੋਂ ਦੇਸ਼ ਭਰ ਦੇ ਵਿੱਚ ਮੋਟਰ ਮੈਡੀਸਨ ਤੇ ਡਾਕਟਰਾਂ ਵੱਲੋਂ ਵੀ ਸੇਵਾਵਾਂ ਬੰਦ ਰੱਖਣ ਦਾ ਫੈਸਲਾ ਲਿਆ ਗਿਆ ਸੀ। ਹਾਲਾਂਕਿ ਇਹ ਸੇਵਾਵਾਂ 18 ਅਗਸਤ ਤੋਂ ਮੁੜ ਤੋਂ ਸ਼ੁਰੂ ਕਰ ਦਿੱਤੀਆਂ ਜਾਣਗੀਆਂ। ਅੱਜ ਆਈ ਐਮ ਏ ਹਾਲ ਦੇ ਵਿੱਚ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋਏ ਜਿਨਾਂ ਨੇ ਕਿਹਾ ਕਿ ਉਹਨਾਂ ਵੱਲੋਂ ਇੱਕ ਰੋਸ ਮਾਰਚ ਵੀ ਕੱਢਿਆ ਜਾਵੇਗਾ।
ਇਸ ਦੇ ਚਲਦੇ ਹੀ ਅੱਜ ਕੋਈ ਵੀ ਡਾਕਟਰ ਕੋਈ ਸਰਜਰੀ ਵੀ ਨਹੀਂ ਕਰ ਰਿਹਾ। ਹਾਲਾਂਕਿ ਕੁਝ ਐਮਰਜੰਸੀ ਸੇਵਾਵਾਂ ਜਰੂਰ ਲੋਕਾਂ ਦੇ ਲਈ ਚਾਲੂ ਰੱਖੀਆਂ ਗਈਆਂ ਹਨ। ਪਰ ਬਾਕੀ ਹਸਪਤਾਲਾਂ ਦੇ ਵਿੱਚ ਸਾਰੀਆਂ ਸੇਵਾਵਾਂ ਪੂਰੀ ਤਰ੍ਹਾਂ ਠੱਪ ਨੇ। ਇਥੋਂ ਤੱਕ ਕਿ ਕੁਝ ਚੈਰੀਟੇਬਲ ਹਸਪਤਾਲਾਂ ਦੀ ਓਪੀਡੀ ਵੀ ਬੰਦ ਕਰਵਾਈ ਗਈ ਹੈ, ਤਾਂ ਜੋ ਸਮੂਹਿਕ ਤੌਰ 'ਤੇ ਇਸ ਘਟਨਾ ਤੇ ਸਖਤ ਸੁਨੇਹਾ ਦਿੰਦੇ ਹੋਏ ਡਾਕਟਰਾਂ ਵੱਲੋਂ ਰੋਸ ਜਤਾਇਆ ਜਾਵੇ।
- ਕੋਲਕਾਤਾ ਡਾਕਟਰ ਰੇਪ-ਮਰਡਰ ਕੇਸ: ਕਈ ਇੰਟਰਨ ਅਤੇ ਡਾਕਟਰ ਸ਼ਾਮਿਲ, ਮਾਪਿਆਂ ਨੇ ਸੀਬੀਆਈ ਨੂੰ ਦੱਸਿਆ - Kolkata Doctor Rape murder case
- ਯੂਪੀ ਵਿੱਚ ਇੱਕ ਹੋਰ ਵੱਡਾ ਰੇਲ ਹਾਦਸਾ; ਕਾਨਪੁਰ 'ਚ ਸਾਬਰਮਤੀ ਐਕਸਪ੍ਰੈਸ ਦੀਆਂ 22 ਬੋਗੀਆਂ ਪਟੜੀ ਤੋਂ ਉਤਰੀਆਂ, ਅੱਧੀ ਰਾਤ ਨੂੰ ਮਚੀ ਚੀਕ-ਪੁਕਾਰ - Kanpur Train Accident
- ਬੰਗਲਾਦੇਸ਼ 'ਚ ਕਿਵੇਂ ਹੋਇਆ ਤਖਤਾਪਲਟ, ਸ਼ੇਖ ਹਸੀਨਾ ਨੂੰ ਕਿਉਂ ਛੱਡਣਾ ਪਿਆ ਦੇਸ਼? ਜਾਣੋ ਹਿੰਸਕ ਪ੍ਰਦਰਸ਼ਨ ਦਾ ਕਾਰਨ - political landscape in Dhaka
ਪ੍ਰਦਰਸ਼ਨ ਦੇ ਵਿੱਚ ਮਹਿਲਾ ਡਾਕਟਰ ਵੀ ਵੱਡੀ ਗਿਣਤੀ ਦੇ ਵਿੱਚ ਇਕੱਤਰ ਹੋਈਆਂ ਹਨ ਉਹਨਾਂ ਨੇ ਕਿਹਾ ਕਿ ਅਸੀਂ ਲੋਕਾਂ ਦੀ ਜਾਨ ਬਚਾਉਂਦੇ ਹਨ, ਪਰ ਸਾਡੀ ਜਾਨ ਦਾ ਰਾਖਾ ਕੌਣ ਹੈ? ਉਹਨਾਂ ਨੇ ਕਿਹਾ ਕਿ ਸੁਰੱਖਿਆ ਦੇ ਪ੍ਰਬੰਧ ਚੰਗੇ ਹੋਣੇ ਚਾਹੀਦੇ ਹਨ। ਮਹਿਲਾ ਡਾਕਟਰਾਂ ਨੂੰ ਸੁਰੱਖਿਆ ਮੁਹਈਆ ਕਰਵਾਉਣਾ ਪ੍ਰਸ਼ਾਸਨ ਦਾ ਕੰਮ ਹੈ। ਉਹਨਾਂ ਨੇ ਕਿਹਾ ਕਿ ਜੋ ਦਰਿੰਦਗੀ ਹੋਈ ਹੈ। ਉਸ ਦਾ ਸਾਰੇ ਹੀ ਡਾਕਟਰਾਂ ਦਾ ਹਿਰਦਾ ਵਲੂੰਧਰਿਆ ਗਿਆ ਹੈ। ਉਹਨਾਂ ਨੇ ਕਿਹਾ ਕਿ ਇਸ ਤੇ ਸਖਤ ਐਕਸ਼ਨ ਲੈਂਦੇ ਹੋਏ ਪ੍ਰਸ਼ਾਸਨ ਨੂੰ ਅੱਗੇ ਤੋਂ ਅਹਿਦ ਕਰਨਾ ਚਾਹੀਦਾ ਹੈ ਤਾਂ ਜੋ ਅਜਿਹੀਆਂ ਘਟਨਾਵਾਂ ਮੁੜ੍ਹ ਤੋਂ ਨਾ ਹੋਣ ਉਹਨੇ ਕਿਹਾ ਕਿਸੇ ਕਰਕੇ ਅੱਜ ਅਸੀਂ ਸਾਰੇ ਇਕੱਠੇ ਹੋਏ ਹਨ।
