ਨਵੀਂ ਦਿੱਲੀ: ਖੋ-ਖੋ ਫੈਡਰੇਸ਼ਨ ਆਫ ਇੰਡੀਆ (ਕੇਕੇਐਫਆਈ) ਨੇ ਅੰਤਰਰਾਸ਼ਟਰੀ ਖੋ-ਖੋ ਫੈਡਰੇਸ਼ਨ ਦੇ ਸਹਿਯੋਗ ਨਾਲ 2025 ਵਿੱਚ ਭਾਰਤ ਵਿੱਚ ਪਹਿਲਾ ਖੋ-ਖੋ ਵਿਸ਼ਵ ਕੱਪ ਕਰਵਾਉਣ ਦਾ ਐਲਾਨ ਕੀਤਾ ਹੈ। ਇਸ ਇਤਿਹਾਸਕ ਸਮਾਗਮ ਵਿੱਚ 6 ਮਹਾਂਦੀਪਾਂ ਦੇ 24 ਦੇਸ਼ ਹਿੱਸਾ ਲੈਣਗੇ। ਇਸ ਵਿੱਚ 16 ਪੁਰਸ਼ ਅਤੇ 16 ਮਹਿਲਾ ਟੀਮਾਂ ਸ਼ਾਮਲ ਹੋਣਗੀਆਂ, ਜੋ ਖੋ-ਖੋ ਦੀ ਭਾਵਨਾ ਦਾ ਜਸ਼ਨ ਮਨਾਉਣ ਅਤੇ ਵਿਸ਼ਵ ਏਕਤਾ ਨੂੰ ਉਤਸ਼ਾਹਿਤ ਕਰਨ ਲਈ ਇਕੱਠੇ ਹੋਣਗੀਆਂ।
#WATCH | Delhi: Kho Kho Federation President Sudhanshu Mittal says, " very soon in india, the first world cup kho kho championship is going to take place. i am proud to say that international kho kho federation has granted world cup rights to kho kho federation of india...teams… pic.twitter.com/ZRHsrSEp2N
— ANI (@ANI) October 1, 2024
54 ਦੇਸ਼ ਖੋ-ਖੋ ਖੇਡਦੇ
ਖੋ-ਖੋ ਦੀਆਂ ਜੜ੍ਹਾਂ ਭਾਰਤ ਵਿੱਚ ਹਨ ਅਤੇ ਇਹ ਵਿਸ਼ਵ ਕੱਪ ਖੇਡ ਦੀ ਅਮੀਰ ਸੱਭਿਆਚਾਰਕ ਵਿਰਾਸਤ ਅਤੇ ਮੁਕਾਬਲੇ ਦੀ ਭਾਵਨਾ ਨੂੰ ਉਜਾਗਰ ਕਰੇਗਾ। ਮਿੱਟੀ ਤੋਂ ਸ਼ੁਰੂ ਹੋਈ ਇਹ ਖੇਡ ਅੱਜ ਮੈਟ ’ਤੇ ਆ ਗਈ ਹੈ। ਹੁਣ ਇਸ ਗੇਮ ਨੇ ਦੁਨੀਆ ਭਰ ਦੇ 54 ਦੇਸ਼ਾਂ ਦੇ ਨਾਲ ਗਲੋਬਲ ਮੌਜੂਦਗੀ ਬਣਾ ਲਈ ਹੈ। ਵਿਸ਼ਵ ਕੱਪ ਤੋਂ ਪਹਿਲਾਂ ਖੇਡ ਨੂੰ ਪ੍ਰਫੁੱਲਤ ਕਰਨ ਲਈ, ਭਾਰਤੀ ਖੋ-ਖੋ ਫੈਡਰੇਸ਼ਨ ਇਸ ਖੇਡ ਨੂੰ 10 ਸ਼ਹਿਰਾਂ ਦੇ 200 ਕੁਲੀਨ ਸਕੂਲਾਂ ਵਿੱਚ ਲਿਜਾਣ ਦੀ ਯੋਜਨਾ ਬਣਾ ਰਹੀ ਹੈ। ਫੈਡਰੇਸ਼ਨ ਵਿਸ਼ਵ ਕੱਪ ਤੋਂ ਪਹਿਲਾਂ ਘੱਟੋ-ਘੱਟ 50 ਲੱਖ ਖਿਡਾਰੀਆਂ ਨੂੰ ਰਜਿਸਟਰ ਕਰਨ ਦੇ ਉਦੇਸ਼ ਨਾਲ ਸਕੂਲੀ ਵਿਦਿਆਰਥੀਆਂ ਲਈ ਮੈਂਬਰਸ਼ਿਪ ਮੁਹਿੰਮ ਵੀ ਚਲਾਏਗੀ।
"ਅਸੀਂ ਪਹਿਲੇ ਖੋ-ਖੋ ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕਰਨ ਲਈ ਬਹੁਤ ਉਤਸ਼ਾਹਿਤ ਹਾਂ। ਇਹ ਟੂਰਨਾਮੈਂਟ ਨਾ ਸਿਰਫ਼ ਮੁਕਾਬਲੇ ਦੀ ਮਿਸਾਲ ਵਜੋਂ ਕੰਮ ਕਰੇਗਾ ਸਗੋਂ ਦੇਸ਼ਾਂ ਨੂੰ ਇਕੱਠੇ ਲਿਆਉਣ, ਸੱਭਿਆਚਾਰਕ ਅਦਾਨ-ਪ੍ਰਦਾਨ ਨੂੰ ਉਤਸ਼ਾਹਿਤ ਕਰਨ ਅਤੇ ਦੁਨੀਆ ਨੂੰ ਖੋ-ਖੋ ਦੀ ਸੁੰਦਰਤਾ ਅਤੇ ਤੀਬਰਤਾ ਦਿਖਾਉਣ ਦਾ ਕੰਮ ਵੀ ਕਰੇਗਾ। ਸਾਡਾ ਅੰਤਮ ਟੀਚਾ ਖੋ-ਖੋ ਨੂੰ 2032 ਤੱਕ ਓਲੰਪਿਕ ਖੇਡ ਵਜੋਂ ਮਾਨਤਾ ਦਿਵਾਉਣਾ ਹੈ ਅਤੇ ਇਹ ਵਿਸ਼ਵ ਕੱਪ ਉਸ ਸੁਪਨੇ ਵੱਲ ਪਹਿਲਾ ਕਦਮ ਹੈ"। ਭਾਰਤੀ ਖੋ-ਖੋ ਫੈਡਰੇਸ਼ਨ ਦੇ ਪ੍ਰਧਾਨ ਸੁਧਾਂਸ਼ੂ ਮਿੱਤਲ
ਟੂਰਨਾਮੈਂਟ ਵਿੱਚ ਮੈਚਾਂ ਦੀ ਇੱਕ ਹਫ਼ਤਾ-ਲੰਬੀ ਲੜੀ ਹੋਵੇਗੀ, ਜਿਸ ਵਿੱਚ ਵਿਸ਼ਵ ਭਰ ਦੇ ਚੋਟੀ ਦੇ ਪੱਧਰ ਦੇ ਖਿਡਾਰੀ ਆਪਣੇ ਹੁਨਰ, ਚੁਸਤੀ ਅਤੇ ਟੀਮ ਵਰਕ ਦਾ ਪ੍ਰਦਰਸ਼ਨ ਕਰਨਗੇ। ਇਸ ਦੌਰਾਨ ਖੋ-ਖੋ ਵਿਸ਼ਵ ਕੱਪ ਦਾ ਟੀਚਾ ਇਸ ਦੇਸੀ ਭਾਰਤੀ ਖੇਡ ਨੂੰ ਕੌਮਾਂਤਰੀ ਮੰਚ 'ਤੇ ਲਿਜਾਣਾ ਹੈ। ਇਸ ਇਤਿਹਾਸਕ ਟੂਰਨਾਮੈਂਟ ਦੀ ਮੇਜ਼ਬਾਨੀ ਕਰਕੇ, KKFI 2032 ਤੱਕ ਓਲੰਪਿਕ ਖੇਡਾਂ ਵਿੱਚ ਖੋ-ਖੋ ਦਾ ਸਥਾਨ ਪੱਕਾ ਕਰਨ ਦੀ ਇੱਛਾ ਰੱਖਦੀ ਹੈ, ਜੋ ਕਿ ਖੇਡ ਦੇ ਇਤਿਹਾਸ ਵਿੱਚ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ।
ਭਾਰਤੀ ਖੋ-ਖੋ ਫੈਡਰੇਸ਼ਨ ਬਾਰੇ
ਖੋ-ਖੋ ਫੈਡਰੇਸ਼ਨ ਆਫ ਇੰਡੀਆ (KKFI) ਭਾਰਤ ਵਿੱਚ ਖੋ-ਖੋ ਲਈ ਰਾਸ਼ਟਰੀ ਸੰਚਾਲਨ ਸੰਸਥਾ ਹੈ, ਜਿਸਦਾ ਮੁਖੀ ਸੁਧਾਂਸ਼ੂ ਮਿੱਤਲ ਹੈ। ਸਾਰੀਆਂ ਸਟੇਟ ਐਸੋਸੀਏਸ਼ਨਾਂ ਰਾਸ਼ਟਰੀ ਫੈਡਰੇਸ਼ਨ ਨਾਲ ਸਬੰਧਤ ਹਨ, ਜੋ ਹਰ ਸਾਲ ਪੁਰਸ਼ਾਂ, ਔਰਤਾਂ ਅਤੇ ਜੂਨੀਅਰ ਵਰਗਾਂ ਲਈ ਰਾਸ਼ਟਰੀ ਚੈਂਪੀਅਨਸ਼ਿਪਾਂ ਦਾ ਆਯੋਜਨ ਕਰਦੀ ਹੈ। ਅਲਟੀਮੇਟ ਖੋ-ਖੋ (UKK), ਇੱਕ ਫਰੈਂਚਾਇਜ਼ੀ-ਅਧਾਰਤ ਭਾਰਤੀ ਖੋ-ਖੋ ਲੀਗ ਹੈ ਜੋ ਹਰ ਸਾਲ KKFI ਦੇ ਸਹਿਯੋਗ ਨਾਲ ਆਯੋਜਿਤ ਕੀਤੀ ਜਾਂਦੀ ਹੈ।
- ਨੀਰਜ ਚੋਪੜਾ ਨੂੰ ਲੱਗਿਆ ਵੱਡਾ ਝਟਕਾ, ਓਲੰਪਿਕ ਤੇ ਵਿਸ਼ਵ ਚੈਂਪੀਅਨ ਬਣਾਉਣ ਵਾਲੇ ਕੋਚ ਨੇ ਛੱਡਿਆ ਸਾਥ - Neeraj Chopra Coach
- ਰੋਹਿਤ ਦੇ ਹਿੱਸੇ ਆਈ ਬੱਸ ਪ੍ਰਸ਼ੰਸਾ, ਜੈਸਵਾਲ ਅਤੇ ਸਿਰਾਜ ਨੂੰ ਮਿਲਿਆ ਫੀਲਡਰ ਆਫ ਦਾ ਸੀਰੀਜ਼ ਅਵਾਰਡ - Fielder of the Series
- ਵਿਨੇਸ਼ ਫੋਗਾਟ ਨੇ PM ਮੋਦੀ ਨਾਲ ਫੋਨ 'ਤੇ ਗੱਲ ਕਰਨ ਤੋਂ ਕੀਤਾ ਸੀ ਇਨਕਾਰ, ਕਿਹਾ- 'ਦੇਸ਼ ਛੱਡਣ ਦਾ ਸੀ ਮਨ' - Vinesh Phogat
