ਅੰਮ੍ਰਿਤਸਰ: ਕਿਸਾਨ ਆਗੂ ਸਰਵਨ ਸਿੰਘ ਪੰਧੇਰ ਨੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਜਿੱਥੇ ਅੱਜ ਰੇਲ ਰੋਕੋ ਅੰਦੋਲਨ ਦਾ ਐਲਾਨ ਕੀਤਾ ਸੀ, ਉੱਥੇ ਹੀ ਅੱਜ ਪੰਜਾਬ ਦੀਆਂ ਮੰਗਾਂ ਨੂੰ ਲੈ ਕੇ ਉਨ੍ਹਾਂ ਨੇ 12 ਵਜੇ ਤੱਕ ਦਾ ਅਲਟੀਮੇਟਮ ਦਿੱਤਾ ਸੀ ਕਿ ਸਾਡੇ ਨਾਲ ਬਹਿ ਕੇ ਕੋਈ ਗੱਲ ਨਿੱਬੇੜ ਲਓ। ਉਨ੍ਹਾਂ ਕਿਹਾ ਕਿ ਜੇਕਰ ਅਜਿਹਾ ਨਹੀਂ ਹੁੰਦਾ ਤਾਂ ਸੰਘਰਸ਼ ਹੋਰ ਤੇਜ ਕੀਤਾ ਜਾਵੇਗਾ। ਉਸ ਤੋਂ ਬਾਅਦ ਡੀਸੀ ਅਤੇ ਪ੍ਰਸ਼ਾਸਨ ਦੀ ਨਾਲ ਕਿਸਾਨਾਂ ਦੀ ਮੁਲਾਕਾਤ ਹੋਈ। ਇਸ ਦੌਰਾਨ ਡੀਸੀ ਤੇ ਪ੍ਰਸ਼ਾਸਨ ਨੇ ਕਿਸਾਨਾਂ ਨੂੰ ਸਰਕਾਰ ਸਾਹਮਣੇ ਆਪਣੀਆਂ ਮੰਗਾਂ ਰੱਖਣ ਦਾ ਭਰੋਸਾ ਦਿੱਤਾ ਗਿਆ ਹੈ। ਜਿਸ ਤੋਂ ਬਆਦ ਕਿਸਾਨ ਆਗੂਆਂ ਨੇ ਅੰਮ੍ਰਿਤਸਰ ਵਿੱਚ ਰੇਲਵੇ ਟਰੈਕ ਰੋਕਣ ਦਾ ਫੈਸਲਾ ਫਿਲਹਾਲ ਟਾਲ ਦਿੱਤਾ ਹੈ।
ਹਰਿਆਣਾ ਦੇ ਸੀਐਮ ਖੱਟਰ ਦਾ ਬਿਆਨ
ਇਸ ਤੋਂ ਪਹਿਲਾਂ, ਕਿਸਾਨ ਆਗੂ ਸਰਵਨ ਸਿੰਘ ਪੰਧੇਰ ਨੇ ਕਿਹਾ ਸੀ ਕਿ ਜਿਵੇਂ ਪਰਾਲੀ ਵਾਲਾ ਮਸਲਾ ਅਤੇ ਸ਼ਹੀਦ ਪਰਿਵਾਰਾਂ ਨੂੰ ਮੁਆਵਜਾ ਤੇ ਕੁਝ ਹੋਰ ਮੰਗਾਂ ਹਨ। ਉਨ੍ਹਾਂ ਕਿਹਾ ਕਿ ਇਸ ਵੇਲੇ 9 ਸਾਲ ਹੋ ਚੁੱਕੇ ਹਰਿਆਣੇ ਦੇ ਸੀਐਮ ਖੱਟਰ ਦਾ ਬਿਆਨ ਜੋ ਮੀਡੀਆ ਵਿੱਚ ਚੱਲ ਰਿਹਾ ਹੈ। ਉਨ੍ਹਾਂ ਨੇ ਜੋ ਕੁਝ ਵੀ ਬੋਲਿਆ ਹੈ ਕਿ ਅਸੀਂ ਭਾਰੀ ਬੈਰੀਕੇਟਿੰਗ ਕਰਕੇ ਕਿਸਾਨਾਂ ਨੂੰ ਰੋਕਿਆ ਹੈ ਤੇ ਉਹ ਕਹਿ ਰਿਹਾ ਹੈ ਕਿ ਹਰਿਆਣੇ ਦੇ ਇਸ ਨਾਲ ਲੋਕ ਖੁਸ਼ ਹੋ ਗਏ ਹਨ।
'100 ਬੰਦਾ ਇਕੱਠਾ ਹੋ ਜਾਓ ਅਤੇ ਡਾਂਗਾਂ ਹੱਥ 'ਚ ਫੜ ਲਓ'
ਸਰਵਨ ਸਿੰਘ ਪੰਧੇਰ ਨੇ ਕਿਹਾ ਸੀ ਕਿ ਵੇਖੋ ਸੱਚ ਮੂੰਹ ਚੋਂ ਨਿਕਲ ਹੀ ਆਇਆ ਹੈ। ਇਹ ਹੁਣ ਉਹੀ ਮੰਤਰੀ ਹਨ, ਜੋ ਹਰਿਆਣਾ ਦੇ ਵਪਾਰੀਆਂ ਨੂੰ ਕਹਿੰਦਾ ਸੀ ਕਿ ਇਹੀ ਕਿਸਾਨ ਹਨ, ਜੋ ਰਾਹ ਰੋਕਣ ਵਾਲੇ ਹਨ। ਟਰਾਂਸਪੋਰਟ ਰਾਹ ਤੇ ਆਮ ਜਨਤਾ ਨੂੰ ਵੀ ਇਸ ਮੰਤਰੀ ਕਿਹਾ ਕਿ ਪੰਜਾਬ ਤੇ ਹਰਿਆਣਾ ਦੀ ਆਰਥਿਕਤਾ ਦਾ ਵੱਡਾ ਨੁਕਸਾਨ ਕੀਤਾ ਹੈ। ਇਹ ਓਹੀ ਖੱਟਰ ਸਾਹਿਬ ਹਨ, ਜਿਨਾਂ ਦੇ ਉਪਦਰਵੀ ਬਿਆਨ ਪਹਿਲਾਂ ਵੀ ਆ ਚੁੱਕੇ ਹਨ। ਪਹਿਲਾਂ ਵੀ ਖੱਟਰ ਨੇ ਕਿਸਾਨ ਪ੍ਰਦਰਸ਼ਨਾਕਰੀਆਂ ਨੇ ਕਿਹਾ ਸੀ ਕਿ100 ਬੰਦਾ ਇਕੱਠਾ ਹੋ ਜਾਓ ਅਤੇ ਡਾਂਗਾਂ ਹੱਥ 'ਚ ਫੜ ਲਓ, ਜੇ ਕਿਤੇ ਕਿਸਾਨ ਮਿਲਦੇ ਹਨ, ਤਾਂ ਰੱਜ ਕੇ ਡਾਂਗ ਫੇਰ ਦਿਓ ਅਤੇ ਜੇਕਰ ਜ਼ੇਲ੍ਹ ਹੋ ਗਈ ਤਾਂ ਵੱਡੇ ਲੀਡਰ ਬਣ ਕੇ ਨਿਕਲੋਗੇ। ਸਰਵਨ ਸਿੰਘ ਪੰਧੇਰ ਨੇ ਦੱਸਿਆ ਹੈ ਕਿ ਖੱਟਰ ਨੇ ਆਪਣੇ ਬਿਆਨ 'ਤੇ ਮਾਫੀ ਵੀ ਮੰਗੀ ਸੀ। ਉਨ੍ਹਾਂ ਦੇ ਇਹ ਬਿਆਨ ਬੜੇ ਮਸ਼ਹੂਰ ਹਨ। ਇਸ ਕਰਕੇ ਹੁਣ ਬਿਆਨਬਾਜੀ ਹਰਿਆਣੇ ਦੇ ਇਲੈਕਸ਼ਨ ਨੂੰ ਧਿਆਨ ਵਿੱਚ ਰੱਖ ਕੇ ਦਿੱਤੀ ਜਾ ਰਹੀ ਹੈ।
ਮੁੱਦਿਆਂ ਨੂੰ ਡੀਰੇਲ ਕਰਨਾ
ਸਰਵਨ ਸਿੰਘ ਪੰਧੇਰ ਨੇ ਕਿਹਾ ਸੀ ਕਿ ਸਾਡੇ ਮੁੱਦਿਆਂ ਨੂੰ ਡੀਰੇਲ ਕਰਨ ਲਈ ਕਿਸਾਨਾਂ ਦੇ ਅਕਸ ਖਰਾਬ ਕਰਨ ਲਈ ਇੱਕ ਬੰਨੇ ਸ਼ਿਵਰਾਜ ਚੌਹਾਨ ਕਹਿ ਰਿਹਾ ਸੀ ਕਿ ਕਿਸਾਨਾਂ ਨਾਲ ਮੀਟਿੰਗਾਂ ਕਰ ਰਹੇ ਹਾਂ। ਉਹ ਵੀ ਸਾਰਾ ਕੁਝ ਗਿਣ ਮਿੱਥ ਕੇ ਕੰਟਰੋਲ ਕਰਦਾ ਰਿਹਾ। ਹਰਿਆਣਾ ਦੇ ਲੋਕ 5 ਅਕਤੂਬਰ ਨੂੰ ਜਵਾਬ ਦੇਣਾ ਹੈ ਅਤੇ 8 ਅਕਤੂਬਰ ਨੂੰ ਸਾਹਮਣੇ ਆ ਜਾਵੇਗਾ ਕਿ ਸੀਐਮ ਖੱਟਰ ਦੇ ਫੈਸਲੇ ਨਾਲ ਹਰਿਆਣਾ ਵਾਸੀ ਖੁਸ਼ ਹਨ ਜਾਂ ਨਹੀਂ। ਕਿਹਾ ਕਿ ਪਹਿਲਾਂ ਅਨਿਲ ਵਿੱਜ ਹੋਰਾਂ ਨੇ ਸੱਚ ਬੋਲਿਆ ਸੀ ਜੋ ਬਾਰਡਰਾਂ 'ਤੇ ਗੋਲੀ ਚੱਲੀ ਹੈ, ਜੋ ਕੁਝ ਵੀ ਹੋਇਆ ਮੈਂ ਉਹਦੀ ਜਿੰਮੇਵਾਰੀ ਤੋਂ ਭੱਜਦਾ ਨਹੀਂ ਹਾਂ, ਹੁਣ ਖੱਟਰ ਸਾਹਿਬ ਨੇ ਸ਼ੁਭਕਰਨ ਦੇ ਕਤਲ ਨਾਲ ਹੱਥ ਰੰਗੇ ਹਨ।
ਬਿਆਨ ਵੀ ਗ਼ਲਤ ਹੋ ਜਾਣਾ ਹੈ
ਸਰਵਨ ਸਿੰਘ ਪੰਧੇਰ ਨੇ ਕਿਹਾ ਸੀ ਕਿ ਸਾਰਾ ਕੁਝ ਸੱਚ ਲੋਕਾਂ ਦੇ ਸਾਹਮਣੇ ਆ ਹੀ ਜਾਣਾ ਹੈ। ਕੰਗਨਾ ਜੋ ਬੀਜੇਪੀ ਦੀ ਐਮਪੀ ਹੈ, ਇੰਨ੍ਹੇ ਕਿਹਾ ਕਿ ਇਹ ਮੇਰਾ ਨਿੱਜੀ ਬਿਆਨ ਹੈ, ਤਾਂ ਪੰਧੇਰ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਇਹ ਬਿਆਨ ਵੀ ਗ਼ਲਤ ਹੋ ਜਾਣਾ ਹੈ। ਜਿਸ ਮੁੱਦੇ 'ਤੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਮਾਫੀ ਮੰਗ ਚੁੱਕੇ ਹੋਣ, ਜਿਸ ਮੁੱਦੇ 'ਤੇ ਸਰਕਾਰ ਤੇ ਭਾਜਪਾ ਪਿੱਛੇ ਕਰਨ ਦੀ ਉਨ੍ਹਾਂ ਦੀ ਚੁਣੀ ਹੋਈ ਐਮਪੀ ਬਿਆਨ ਦੇਵੇ, ਉਹਦੇ ਖਿਲਾਫ ਪਾਰਟੀ ਦੀ ਜਾਪਤਾ ਕਾਰਵਾਈ ਬਣਦੀ ਹੈ। ਪਰ, ਸਾਨੂੰ ਪਤਾ ਕਿ ਇਹ ਗਿਣ ਮਿੱਥ ਕੇ ਭਾਜਪਾ ਸਾਰੇ ਬਿਆਨ ਦਵਾ ਰਹੀ ਹੈ।
ਅਖੌਤੀ ਲੋਕਤੰਤਰ ਦੇ ਚੁਣੇ ਹੋਏ ਨੁਮਾਇੰਦੇ
ਸਰਵਨ ਸਿੰਘ ਪੰਧੇਰ ਨੇ ਕਿਹਾ ਸੀ ਕਿ ਅੱਗੇ ਪੰਜ ਅਕਤੂਬਰ ਤੋਂ ਇਹ ਬਿਆਨਬਾਜੀ ਇਦਾਂ ਹੀ ਜਾਰੀ ਰਹੇਗੀ। ਫਿਰ ਇਹ ਮਹਾਰਾਸ਼ਟਰ ਦੀ ਇਲੈਕਸ਼ਨ ਨੂੰ ਵੀ ਸਾਹਮਣੇ ਦੇ ਕੇ ਕੀਤੀ ਜਾਵੇਗੀ। ਹਰਿਆਣੇ ਦੇ ਲੋਕਾਂ ਨੇ ਆਉਣ ਵਾਲੇ ਸਮੇਂ ਵਿੱਚ ਸਾਰੀਆਂ ਗੱਲਾਂ ਦਾ ਜਵਾਬ ਦੇਣਾ ਹੈ ਅਤੇ ਸਾਰਾ ਦੇਸ਼ ਜਾਣਦਾ ਹੈ ਕਿ ਕੌਣ ਕਿਸਾਨ ਹਨ ਅਤੇ ਕੌਣ ਅਖੌਤੀ ਲੋਕਤੰਤਰ ਦੇ ਚੁਣੇ ਹੋਏ ਨੁਮਾਇੰਦੇ ਹਨ। ਜਿਹੜੇ ਪਰਦੇ ਦੇ ਪਿੱਛੇ ਬੁਰਕੇ ਦੇ ਪਿੱਛੇ ਡਿਕਟੇਟ੍ਰਸ਼ਿਪ ਕਰਦੇ ਹਨ, ਪਰ ਕਿਸਾਨਾਂ ਮਜ਼ਦੂਰਾਂ ਨਾਲ ਧੱਕਾ ਕਰਦੇ ਹਨ।