ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਟੀਮ ਨੂੰ ਤਿੰਨ ਮੈਚਾਂ ਦੀ ਸੀਰੀਜ਼ 'ਚ ਨਿਊਜ਼ੀਲੈਂਡ ਹੱਥੋਂ ਕਲੀਨ ਸਵੀਪ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਸੀਰੀਜ਼ ਨੂੰ 3-0 ਨਾਲ ਗੁਆਉਣ ਤੋਂ ਬਾਅਦ ਟੀਮ ਇੰਡੀਆ ਨੂੰ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (WTC) 2023-25 'ਚ ਵੱਡਾ ਝਟਕਾ ਲੱਗਾ ਹੈ। ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ 'ਚ ਮਿਲੀ ਹਾਰ ਨਾਲ ਭਾਰਤ ਨੇ WTC ਅੰਕ ਸੂਚੀ 'ਚ ਨੰਬਰ ਇੱਕ ਸਥਾਨ ਗੁਆ ਦਿੱਤਾ ਹੈ।
New Zealand wrap up a remarkable Test series with a 3-0 whitewash over India following a thrilling win in Mumbai 👏 #WTC25 | 📝 #INDvNZ: https://t.co/XMfjP9Wm9s pic.twitter.com/vV9OwFnObv
— ICC (@ICC) November 3, 2024
ਭਾਰਤ ਨੇ WTC ਪੁਆਇੰਟ ਟੇਬਲ ਵਿੱਚ ਨੰਬਰ 1 ਸਥਾਨ ਗੁਆਇਆ
ਹੁਣ ਤੱਕ ਟੀਮ ਇੰਡੀਆ WTC ਪੁਆਇੰਟ ਟੇਬਲ 'ਚ ਪਹਿਲੇ ਨੰਬਰ 'ਤੇ ਸੀ। ਮੁੰਬਈ ਟੈਸਟ 'ਚ ਨਿਊਜ਼ੀਲੈਂਡ ਹੱਥੋਂ 25 ਦੌੜਾਂ ਦੀ ਹਾਰ ਨਾਲ ਟੀਮ ਇੰਡੀਆ ਦੂਜੇ ਨੰਬਰ 'ਤੇ ਆ ਗਈ ਹੈ। ਇਸ ਦੇ ਨਾਲ ਹੀ ਆਸਟ੍ਰੇਲੀਆ ਕ੍ਰਿਕਟ ਟੀਮ ਨੇ ਨੰਬਰ ਵਨ ਸਥਾਨ ਹਾਸਲ ਕਰ ਲਿਆ ਹੈ। ਇਸ ਸਮੇਂ ਭਾਰਤੀ ਟੀਮ ਦੇ 98 ਅੰਕ ਹਨ ਅਤੇ ਉਸ ਦਾ ਪੀਟੀਸੀ 58.33 ਹੈ। ਦੂਜੇ ਪਾਸੇ, ਆਸਟਰੇਲੀਆ ਦੇ ਇਸ ਸਮੇਂ 90 ਅੰਕ ਹਨ ਪਰ ਉਨ੍ਹਾਂ ਦਾ ਪੀਟੀਸੀ 62.50 ਹੈ, ਜਿਸ ਕਾਰਨ ਉਸ ਨੇ ਪਹਿਲੇ ਨੰਬਰ 'ਤੇ ਕਬਜ਼ਾ ਕਰ ਲਿਆ ਹੈ।
ਨਿਊਜ਼ੀਲੈਂਡ ਨੇ ਇੱਕ ਸਥਾਨ ਦੀ ਛਾਲ ਮਾਰੀ
ਇਸ ਜਿੱਤ ਦੇ ਨਾਲ ਹੀ ਨਿਊਜ਼ੀਲੈਂਡ ਦੀ ਕ੍ਰਿਕਟ ਟੀਮ ਡਬਲਯੂਟੀਸੀ ਅੰਕ ਸੂਚੀ ਵਿੱਚ ਚੌਥੇ ਨੰਬਰ 'ਤੇ ਪਹੁੰਚ ਗਈ ਹੈ। ਨਿਊਜ਼ੀਲੈਂਡ ਦੇ 42 ਅੰਕ ਹਨ ਅਤੇ ਇਸ ਦਾ ਪੀਟੀਸੀ 54.55 ਹੈ। ਅਜਿਹੇ 'ਚ ਉਹ ਤੀਜੇ ਨੰਬਰ 'ਤੇ ਮੌਜੂਦ ਸ਼੍ਰੀਲੰਕਾ ਤੋਂ ਬਾਅਦ ਚੌਥੇ ਸਥਾਨ 'ਤੇ ਬਰਕਰਾਰ ਹੈ।
India lose their top spot in the #WTC25 standings to Australia ahead of the Border-Gavaskar series 👀
— ICC (@ICC) November 3, 2024
More ➡ https://t.co/NhIdk0D9Bc#INDvNZ pic.twitter.com/QOal6bA5tD
ਡਬਲਯੂਟੀਸੀ ਅੰਕ ਸੂਚੀ ਵਿੱਚ ਦੱਖਣੀ ਅਫਰੀਕਾ ਪੰਜਵੇਂ ਸਥਾਨ 'ਤੇ ਹੈ, ਜਦਕਿ ਇੰਗਲੈਂਡ ਛੇਵੇਂ ਅਤੇ ਪਾਕਿਸਤਾਨ ਦੀ ਟੀਮ ਸੱਤਵੇਂ ਸਥਾਨ 'ਤੇ ਹੈ। ਅੰਕ ਸੂਚੀ ਦੀਆਂ ਆਖਰੀ ਦੋ ਟੀਮਾਂ ਬੰਗਲਾਦੇਸ਼ ਅਤੇ ਵੈਸਟਇੰਡੀਜ਼ ਹਨ।
