ਠਾਣੇ (ਮੁੰਬਈ) : ਸਾਬਕਾ ਭਾਰਤੀ ਕ੍ਰਿਕਟਰ ਵਿਨੋਦ ਕਾਂਬਲੀ ਨੂੰ ਦਿਮਾਗ 'ਚ ਗਤਲਾ ਹੋਣ ਕਾਰਨ ਠਾਣੇ ਜ਼ਿਲ੍ਹੇ ਦੇ ਆਕ੍ਰਿਤੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਉਪ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਸਾਬਕਾ ਭਾਰਤੀ ਕ੍ਰਿਕਟਰ ਦੀ ਮਦਦ ਲਈ ਅੱਗੇ ਆਏ ਹਨ ਅਤੇ ਉਨ੍ਹਾਂ ਦੇ ਓਐਸਡੀ (ਸਪੈਸ਼ਲ ਡਿਊਟੀ ਅਧਿਕਾਰੀ) ਨੇ ਉਨ੍ਹਾਂ ਦਾ ਹਾਲ-ਚਾਲ ਪੁੱਛਿਆ। ਨਾਲ ਹੀ, ਉਸਨੇ ਆਕ੍ਰਿਤੀ ਹਸਪਤਾਲ ਦੇ ਡਾਕਟਰਾਂ ਨੂੰ ਸਾਬਕਾ ਭਾਰਤੀ ਓਪਨਰ ਦਾ ਖਾਸ ਖਿਆਲ ਰੱਖਣ ਲਈ ਕਿਹਾ ਹੈ।
ਸ਼ਿੰਦੇ ਫਾਊਂਡੇਸ਼ਨ ਦੁਆਰਾ ਸਹਾਇਤਾ
ਕਲਿਆਣ ਹਲਕੇ ਦੇ ਸੰਸਦ ਮੈਂਬਰ ਅਤੇ ਏਕਨਾਥ ਸ਼ਿੰਦੇ ਦੇ ਪੁੱਤਰ ਡਾ. ਸ਼੍ਰੀਕਾਂਤ ਸ਼ਿੰਦੇ ਨੇ ₹ 5 ਲੱਖ ਦੀ ਵਿੱਤੀ ਸਹਾਇਤਾ ਦਾ ਐਲਾਨ ਕੀਤਾ ਹੈ। ਇਹ ਸਹਾਇਤਾ ਡਾਕਟਰ ਸ਼੍ਰੀਕਾਂਤ ਸ਼ਿੰਦੇ ਦੇ ਫਾਊਂਡੇਸ਼ਨ ਰਾਹੀਂ ਅਗਲੇ ਹਫਤੇ ਦਿੱਤੀ ਜਾਵੇਗੀ ਅਤੇ ਸ਼੍ਰੀਕਾਂਤ ਸ਼ਿੰਦੇ ਨੇ ਭਰੋਸਾ ਦਿੱਤਾ ਹੈ ਕਿ ਭਾਰਤੀ ਕ੍ਰਿਕਟਰ ਲਈ ਕੁਝ ਹੋਰ ਸਹਾਇਤਾ ਦਿੱਤੀ ਜਾਵੇਗੀ। ਕ੍ਰਿਕਟਰ ਵਿਨੋਦ ਕਾਂਬਲੀ ਨੇ ਮਿਲੀ ਮਦਦ ਲਈ ਧੰਨਵਾਦ ਪ੍ਰਗਟਾਇਆ ਹੈ।
ਕਾਂਬਲੀ ਨੂੰ ਪਹਿਲਾਂ ਵੀ ਸਿਹਤ ਸੰਬੰਧੀ ਸਮੱਸਿਆਵਾਂ ਦਾ ਕਰਨਾ ਪਿਆ ਸੀ ਸਾਹਮਣਾ
10 ਅਗਸਤ ਨੂੰ ਸੋਸ਼ਲ ਮੀਡੀਆ 'ਤੇ ਵਿਨੋਦ ਕਾਂਬਲੀ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਸੀ। ਇਸ ਵਿੱਚ ਦਿਖਾਇਆ ਗਿਆ ਸੀ ਕਿ ਕਾਂਬਲੀ ਨੂੰ ਤੁਰਨ ਵਿੱਚ ਮੁਸ਼ਕਲ ਆ ਰਹੀ ਸੀ। ਦੋ ਵਿਅਕਤੀ ਉਸ ਨੂੰ ਸਹੀ ਢੰਗ ਨਾਲ ਚੱਲਣ ਵਿਚ ਮਦਦ ਕਰ ਰਹੇ ਸਨ। ਇਸ ਤੋਂ ਇਲਾਵਾ ਰਮਾਕਾਂਤ ਆਚਰੇਕਰ ਮੈਮੋਰੀਅਲ ਦੇ ਉਦਘਾਟਨ ਦੇ ਇੱਕ ਪ੍ਰੋਗਰਾਮ ਦੌਰਾਨ ਵੀ ਉਹ ਮੁਸੀਬਤ ਵਿੱਚ ਨਜ਼ਰ ਆਏ। ਇਵੈਂਟ ਦੌਰਾਨ ਉਹ ਆਪਣੇ ਬਚਪਨ ਦੇ ਦੋਸਤ ਅਤੇ ਭਾਰਤੀ ਟੀਮ ਦੇ ਸਾਥੀ ਸਚਿਨ ਤੇਂਦੁਲਕਰ ਨੂੰ ਮਿਲ ਕੇ ਭਾਵੁਕ ਹੁੰਦੇ ਦੇਖਿਆ ਗਿਆ।
- IND ਬਨਾਮ AUS ਚੌਥੇ ਟੈਸਟ ਲਈ ਬਦਲਿਆ ਸਮਾਂ, ਜਾਣੋ ਕਦੋਂ, ਕਿੱਥੇ ਅਤੇ ਕਿਸ ਸਮੇਂ ਤੁਸੀਂ ਲਾਈਵ ਮੈਚ ਵੇਖ ਸਕੋਗੇ
- ਮੈਲਬੋਰਨ 'ਚ ਖਤਰਨਾਕ ਅਸਟ੍ਰੇਲੀਅਨ ਗੇਂਦਬਾਜ਼ ਦੀ ਟੀਮ ਅੰਦਰ ਐਂਟਰੀ,ਟੀਮ ਇੰਡੀਆ ਲਈ ਬਣ ਸਕਦਾ ਹੈ ਵੱਡਾ ਖਤਰਾ
- ਕੇਐਲ ਰਾਹੁਲ ਦਾ ਕੱਟਿਆ ਪੱਤਾ ? ਜਾਣੋ ਕੌਣ ਕਰੇਗਾ ਬਾਕਸਿੰਗ ਡੇ ਟੈਸਟ 'ਚ ਪਾਰੀ ਦੀ ਸ਼ੁਰੂਆਤ
ਵਿਨੋਦ ਕਾਂਬਲੀ ਦਾ ਅੰਤਰਰਾਸ਼ਟਰੀ ਕਰੀਅਰ
ਤੁਹਾਨੂੰ ਦੱਸ ਦੇਈਏ ਕਿ ਸਾਬਕਾ ਭਾਰਤੀ ਕ੍ਰਿਕਟਰ ਕਾਂਬਲੀ ਨੇ 17 ਟੈਸਟ ਮੈਚ ਖੇਡੇ ਹਨ ਅਤੇ 54.20 ਦੀ ਔਸਤ ਨਾਲ 1084 ਦੌੜਾਂ ਬਣਾਈਆਂ ਹਨ ਅਤੇ 104 ਵਨਡੇ ਵਿੱਚ 32.59 ਦੀ ਔਸਤ ਨਾਲ 2477 ਦੌੜਾਂ ਬਣਾਈਆਂ ਹਨ। ਖੱਬੇ ਹੱਥ ਦਾ ਇਹ ਬੱਲੇਬਾਜ਼ ਹਾਲ ਹੀ 'ਚ ਆਪਣੀ ਸਿਹਤ ਖਰਾਬ ਹੋਣ ਕਾਰਨ ਸੁਰਖੀਆਂ 'ਚ ਰਿਹਾ ਹੈ।
