ਨਵੀਂ ਦਿੱਲੀ : ਭਾਰਤ ਦੀ ਸਟੀਰ ਸ਼ਟਲਰ ਅਤੇ ਚੋਟੀ ਉੱਤੇ ਮੌਜੂਦ ਖਿਡਾਰਣ ਪੀਵੀ ਸਿੰਧੂ ਨੇ ਆਪਣੀ ਵਿਰੋਧੀ ਖਿਡਾਰਣ ਖਿਲਾਫ ਸ਼ਾਨਦਾਰ ਜਿੱਤ ਦਰਜ ਕੀਤੀ ਹੈ। ਉਸ ਨੇ ਬੁੱਧਵਾਰ ਨੂੰ ਚੱਲ ਰਹੇ ਪੈਰਿਸ ਓਲੰਪਿਕ 2024 ਦੇ ਮਹਿਲਾ ਸਿੰਗਲਜ਼ ਪੂਲ ਐਮ, ਮੈਚ ਵਿੱਚ ਐਸਟੋਨੀਆ ਦੀ ਕ੍ਰਿਸਟਿਨ ਕੁਬਾ ਨੂੰ ਸਿੱਧੇ ਸੈੱਟਾਂ ਵਿੱਚ ਹਰਾ ਕੇ ਰਾਉਂਡ ਆਫ 16 ਦੇ ਦੌਰ ਲਈ ਕੁਆਲੀਫਾਈ ਕੀਤਾ ਹੈ।
🇮🇳 𝗦𝗶𝗻𝗱𝗵𝘂 𝘄𝗶𝗻𝘀 𝘄𝗶𝘁𝗵 𝗲𝗮𝘀𝗲! A terrific performance from PV Sindhu to defeat Kristin Kuuba in her final group game to move one step closer to Olympic glory for the third time. She won her match in straight games, 21-05 & 21-10.
— India at Paris 2024 Olympics (@sportwalkmedia) July 31, 2024
🏸 Kristin had no answer to Sindhu's… pic.twitter.com/9TJr9mZ2Ko
ਇੱਕ ਪਾਸੜ ਜਿੱਤ ਕੀਤੀ ਦਰਜ: ਸਟਾਰ ਸ਼ਟਲਰ ਪੀਵੀ ਸਿੰਧੂ ਨੇ ਸ਼ੁਰੂ ਤੋਂ ਹੀ ਮੈਚ 'ਤੇ ਦਬਦਬਾ ਬਣਾਇਆ ਅਤੇ ਪਹਿਲਾ ਸੈੱਟ 21-5 ਨਾਲ ਆਸਾਨੀ ਨਾਲ ਜਿੱਤ ਲਿਆ। ਉਸ ਦੀ ਵਿਰੋਧੀ ਨੇ ਸਿੰਧੂ ਦੇ ਬੈਕਹੈਂਡ ਸ਼ਾਟਸ ਨੂੰ ਵਾਪਸ ਕਰਨ ਲਈ ਸੰਘਰਸ਼ ਕੀਤਾ, ਜਿਸ ਨਾਲ ਸਿੰਧੂ ਨੇ ਦੂਜਾ ਸੈੱਟ 21-10 ਨਾਲ ਜਿੱਤ ਲਿਆ ਅਤੇ ਅਰਾਮ ਨਾਲ ਗੇਮ ਵੀ ਜਿੱਤ ਲਈ। ਪੀਵੀ ਸਿੰਧੂ ਤੋਂ ਭਾਰਤੀ ਦਰਸ਼ਕ ਹੁਣ ਇੱਕ ਹੋਰ ਮੈਡਲ ਦੀ ਉਮੀਦ ਕਰ ਰਹੇ ਹਨ। ਪੀਵੀ ਸਿੰਧੂ ਨੇ ਓਲੰਪਿਕ ਵਿੱਚ ਪਹਿਲਾਂ ਵੀ ਭਾਰਤ ਦਾ ਮਾਣ ਵਧਾਇਆ ਹੈ।
ਸ਼ਟਲਰ ਸਟਾਰ ਦੀਆਂ ਪ੍ਰਾਪਤੀਆਂ: ਦੱਸ ਦਈਏ ਪੀਵੀ ਸਿੰਧੂ ਦਾ ਪੂਰਾ ਨਾਮ ਪੁਸਾਰਲਾ ਵੈਂਕਟਾ ਸਿੰਧੂ ਹੈ ਅਤੇ ਉਹ ਇੱਕ ਭਾਰਤੀ ਬੈਡਮਿੰਟਨ ਖਿਡਾਰਣ ਹੈ ਜਿਸ ਨੂੰ ਭਾਰਤ ਦੇ ਸਭ ਤੋਂ ਸਫਲ ਖਿਡਾਰੀਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਉਹ ਬੈਡਮਿੰਟਨ ਵਿਸ਼ਵ ਚੈਂਪੀਅਨ ਬਣਨ ਵਾਲੀ ਇਕਲੌਤੀ ਭਾਰਤੀ ਹੈ ਅਤੇ ਓਲੰਪਿਕ ਖੇਡਾਂ ਵਿੱਚ ਲਗਾਤਾਰ ਦੋ ਤਗਮੇ ਜਿੱਤਣ ਵਾਲੀ ਭਾਰਤ ਦੀ ਦੂਜੀ ਐਥਲੀਟ ਹੈ। ਪੀਵੀ ਸਿੰਧੂ ਨੇ 2019 ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਸੋਨ ਤਮਗਾ ਅਤੇ BWF ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਕੁੱਲ ਪੰਜ ਤਗਮੇ ਜਿੱਤੇ ਹਨ। 2 ਅਪ੍ਰੈਲ 2017 ਵਿੱਚ ਉਹ ਕਰੀਅਰ ਦੀ ਉੱਚ ਵਿਸ਼ਵ ਰੈਂਕਿੰਗ 'ਤੇ ਪਹੁੰਚ ਗਈ ਸੀ। ਪੀਵੀ ਸਿੰਧੂ ਨੂੰ ਸ਼ਾਨਦਾਰ ਪ੍ਰਦਰਸ਼ਨ ਲਈ ਅਰਜੁਨ ਅਵਾਰਡ ਅਤੇ ਰਾਜੀਵ ਗਾਂਧੀ ਖੇਲ ਰਤਨ ਦੇ ਨਾਲ-ਨਾਲ ਭਾਰਤ ਦੇ ਚੌਥੇ-ਸਭ ਤੋਂ ਉੱਚੇ ਨਾਗਰਿਕ ਪੁਰਸਕਾਰ, ਪਦਮ ਸ਼੍ਰੀ ਅਤੇ ਤੀਜੇ-ਉੱਚ ਨਾਗਰਿਕ ਪੁਰਸਕਾਰ ਪਦਮ ਭੂਸ਼ਣ ਨਾਲ ਨਵਾਜਿਆ ਗਿਆ ਹੈ।
