ਨਵੀਂ ਦਿੱਲੀ: ਵਿਰਾਟ ਕੋਹਲੀ ਦੇ ਪ੍ਰਸ਼ੰਸਕ ਹਮੇਸ਼ਾ ਉਸ ਦੀ ਇੱਕ ਝਲਕ ਪਾਉਣ ਲਈ ਬੇਤਾਬ ਰਹਿੰਦੇ ਹਨ। ਦਿੱਲੀ ਦੇ ਅਰੁਣ ਜੇਤਲੀ ਕ੍ਰਿਕਟ ਸਟੇਡੀਅਮ ਦੇ ਬਾਹਰ ਵੀ ਇਹੀ ਬੇਸਬਰੀ ਦੀ ਸਥਿਤੀ ਦੇਖੀ ਗਈ। ਅੱਜ ਇਸ ਮੈਦਾਨ 'ਤੇ ਦਿੱਲੀ ਅਤੇ ਰੇਲਵੇ ਵਿਚਕਾਰ ਰਣਜੀ ਟਰਾਫੀ ਮੈਚ ਖੇਡਿਆ ਜਾ ਰਿਹਾ ਹੈ। ਵਿਰਾਟ ਕੋਹਲੀ ਇਸ ਮੈਚ ਵਿੱਚ ਦਿੱਲੀ ਵੱਲੋਂ ਖੇਡਣ ਆਏ ਹਨ। ਮੈਚ ਸ਼ੁਰੂ ਹੋਣ ਤੋਂ ਪਹਿਲਾਂ, ਹਜ਼ਾਰਾਂ ਪ੍ਰਸ਼ੰਸਕ ਕੋਹਲੀ ਦੀ ਇੱਕ ਝਲਕ ਪਾਉਣ ਲਈ ਸਟੇਡੀਅਮ ਦੇ ਬਾਹਰ ਪਹੁੰਚ ਗਏ। ਇਸ ਦੌਰਾਨ ਸਟੇਡੀਅਮ ਵਿੱਚ ਦਾਖਲ ਹੁੰਦੇ ਸਮੇਂ ਕੁਝ ਲੋਕ ਜ਼ਖ਼ਮੀ ਵੀ ਹੋਏ ਹਨ।
ਭੀੜ ਹੋਈ ਬੇ-ਕਾਬੂ
MADNESS AT ARUN JAITLEY STADIUM TO WITNESS VIRAT KOHLI 🥶
— Johns. (@CricCrazyJohns) January 30, 2025
- King owns Cricket Streets in India...!!!! pic.twitter.com/oIRVbwiceT
ਭੀੜ ਨੇ ਗੇਟ ਨੰਬਰ 16 ਦੇ ਬਾਹਰ ਧੱਕਾ-ਮੁੱਕੀ ਕੀਤੀ। ਇੱਕ ਜੋੜਾ ਐਂਟਰੀ ਗੇਟ ਦੇ ਨੇੜੇ ਡਿੱਗ ਪਿਆ ਅਤੇ ਜ਼ਖ਼ਮੀ ਹੋ ਗਿਆ। ਇੱਕ ਪੁਲਿਸ ਬਾਈਕ ਨੂੰ ਨੁਕਸਾਨ ਪਹੁੰਚਿਆ ਅਤੇ ਬਹੁਤ ਸਾਰੇ ਲੋਕਾਂ ਨੇ ਆਪਣੀਆਂ ਜੁੱਤੀਆਂ ਤੱਕ ਉੱਥੇ ਹੀ ਛੱਡ ਦਿੱਤੀਆਂ ਅਤੇ ਭੱਜਣ ਲੱਗੇ। ਇਸ ਦੌਰਾਨ ਘੱਟੋ-ਘੱਟ 3 ਲੋਕ ਜ਼ਖ਼ਮੀ ਹੋ ਗਏ। ਡੀਡੀਸੀਏ ਸੁਰੱਖਿਆ ਅਤੇ ਪੁਲਿਸ ਨੇ ਗੇਟ ਦੇ ਨੇੜੇ ਉਨ੍ਹਾਂ ਦਾ ਇਲਾਜ ਕੀਤਾ। ਉਨ੍ਹਾਂ ਵਿੱਚੋਂ ਇੱਕ ਦੀ ਲੱਤ 'ਤੇ ਪੱਟੀ ਬੰਨ੍ਹਣੀ ਪਈ। ਇੱਕ ਸੁਰੱਖਿਆ ਗਾਰਡ ਵੀ ਜ਼ਖ਼ਮੀ ਹੋ ਗਿਆ। ਦਿੱਲੀ ਪੁਲਿਸ ਨੇ ਕਿਹਾ ਕਿ ਦਾਖਲੇ ਸਮੇਂ ਭੀੜ ਸੀ ਕਿਉਂਕਿ ਡੀਡੀਸੀਏ ਵੱਲੋਂ ਸਿਰਫ਼ ਇੱਕ ਗੇਟ ਵਰਤਿਆ ਜਾ ਰਿਹਾ ਸੀ, ਇਸ ਲਈ ਹੋਰ ਗੇਟ ਵੀ ਜਲਦੀ ਹੀ ਖੋਲ੍ਹ ਦਿੱਤੇ ਗਏ।
This is what GENUINE fan following looks like. No PR, no Paid Trolls, rote raho haters #ViratKohli 🇮🇳 pic.twitter.com/A55rqBa1er
— Sushant Mehta (@SushantNMehta) January 30, 2025
ਕਈ ਸੁਰੱਖਿਆ ਕਰਮੀ ਵੀ ਹੋਏ ਜ਼ਖਮੀ
ਪ੍ਰਸ਼ੰਸਕਾਂ ਦੀ ਵੱਡੀ ਗਿਣਤੀ ਨੂੰ ਦੇਖਦੇ ਹੋਏ, ਗੇਟ ਨੰਬਰ 18 ਨੂੰ ਵੀ ਖੋਲ੍ਹਣਾ ਪਿਆ। ਇਸ ਦੌਰਾਨ ਇੱਕ ਸੁਰੱਖਿਆ ਕਰਮਚਾਰੀ ਵੀ ਜ਼ਖਮੀ ਹੋ ਗਿਆ। ਇਸ ਹਫੜਾ-ਦਫੜੀ ਵਾਲੀ ਸਥਿਤੀ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ।
ਰਣਜੀ ਟਰਾਫੀ ਲਈ ਦਿੱਲੀ ਦੀ ਟੀਮ
This isn’t PR, this is pure love! Virat Kohli has earned this unmatched fandom—no one comes close to him. Just playing a Ranji Trophy match, and the atmosphere is electric. His aura is truly unreal! 🏏🔥👑 #ViratKohli𓃵
— Harsh 17 (@harsh03443) January 30, 2025
#ViratKohli | #RanjiTrophy
pic.twitter.com/VLhFlSzoZ2
ਆਯੂਸ਼ ਬਡੋਨੀ (ਕਪਤਾਨ), ਵਿਰਾਟ ਕੋਹਲੀ, ਪ੍ਰਣਵ ਰਾਜਵੰਸ਼ੀ, ਸਨਤ ਸਾਂਗਵਾਨ, ਅਰਪਿਤ ਰਾਣਾ, ਮਯੰਕ ਗੁਸਾਈਂ, ਸ਼ਿਵਮ ਸ਼ਰਮਾ, ਸੁਮਿਤ ਮਾਥੁਰ, ਵੰਸ਼ ਬੇਦੀ, ਮਨੀ ਗਰੇਵਾਲ, ਹਰਸ਼ ਤਿਆਗੀ, ਸਿਧਾਂਤ ਸ਼ਰਮਾ, ਨਵਦੀਪ ਸੈਣੀ, ਯਸ਼ ਢੁੱਲ, ਗਗਨ ਵਤਸ, ਜੌਂਟੀ ਸਿੱਧੂ। ਹਿੰਮਤ ਸਿੰਘ, ਵੈਭਵ ਕਾਂਡਪਾਲ, ਰਾਹੁਲ ਗਹਿਲੋਤ, ਜਿਤੇਸ਼ ਸਿੰਘ। ਜ਼ਿਕਰਯੋਗ ਹੈ ਕਿ ਮੈਚ ਵਿਚਾਲੇ ਦੀਆਂ ਕੁਝ ਤਸਵੀਰਾਂ ਵੀ ਸੋਸ਼ਲ ਮੀਡੀਆ 'ਤੇ ਨਜ਼ਰ ਆ ਰਹੀਆਂ ਹਨ ਜਿੱਥੇ ਵਿਰਾਟ ਕੋਹਲੀ ਦਾ ਨਾਮ ਲੈਕੇ ਦਰਸ਼ਕ ਰੋਲਾ ਪਾਉਂਦੇ ਹੋਏ ਨਜ਼ਰ ਆਏ ਤਾਂ ਇਸ ਦੌਰਾਨ ਵਿਰਾਟ ਕੋਹਲੀ ਨੇ ਵੀ ਹੱਥ ਹਿਲਾ ਕੇ ਉਨ੍ਹਾਂ ਨੂੰ ਭਰਵਾਂ ਹੁੰਗਾਰਾ ਦਿੱਤਾ।
