ਨੀਰਜ ਨੇ ਡਾਇਮੰਡ ਲੀਗ ਵਿੱਚ ਕੀਤਾ ਸੀਜ਼ਨ ਦਾ ਸਰਵੋਤਮ 89.49 ਮੀਟਰ ਥਰੋਅ, ਫਾਈਨਲ ਦੀ ਟਿਕਟ ਕੀਤੀ ਪੱਕੀ - Lausanne Diamond League 2024

Lausanne Diamond League 2024: ਭਾਰਤ ਦਾ ਗੋਲਡਨ ਬੁਆਏ ਨੀਰਜ ਚੋਪੜਾ ਲੁਸਾਨੇ ਡਾਇਮੰਡ ਲੀਗ ਵਿੱਚ 90 ਮੀਟਰ ਦੇ ਅੰਕ ਤੋਂ ਘੱਟ ਫਰਕ ਨਾਲ ਖੁੰਝ ਗਿਆ। ਇਸ ਦੌਰਾਨ ਚੋਪੜਾ ਨੇ 89.49 ਮੀਟਰ ਦਾ ਸੀਜ਼ਨ ਬੈਸਟ ਥਰੋਅ ਕੀਤਾ ਅਤੇ ਦੂਜੇ ਸਥਾਨ 'ਤੇ ਰਹਿ ਕੇ ਡਾਇਮੰਡ ਲੀਗ ਫਾਈਨਲ ਲਈ ਟਿਕਟ ਹਾਸਲ ਕੀਤੀ। ਪੂਰੀ ਖਬਰ ਪੜ੍ਹੋ।

ਲੁਸਾਨੇ (ਸਵਿਟਜ਼ਰਲੈਂਡ): ਭਾਰਤ ਦੇ ਸਟਾਰ ਜੈਵਲਿਨ ਥ੍ਰੋਅਰ ਅਤੇ ਪੈਰਿਸ ਓਲੰਪਿਕ ਦੇ ਚਾਂਦੀ ਦਾ ਤਗਮਾ ਜੇਤੂ ਨੀਰਜ ਚੋਪੜਾ ਨੇ ਸ਼ੁੱਕਰਵਾਰ ਨੂੰ ਲੁਸਾਨੇ ਡਾਇਮੰਡ ਲੀਗ 2024 'ਚ ਹਿੱਸਾ ਲਿਆ। ਗਰੋਇਨ ਦੀ ਸੱਟ ਤੋਂ ਪੀੜਤ ਹੋਣ ਦੇ ਬਾਵਜੂਦ ਭਾਰਤ ਦੇ ਗੋਲਡਨ ਬੁਆਏ ਨੇ ਮੁਕਾਬਲੇ ਵਿੱਚ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕੀਤਾ। ਚੋਪੜਾ ਨੇ ਸੀਜ਼ਨ ਦਾ ਸਰਵੋਤਮ 89.49 ਮੀਟਰ ਥ੍ਰੋਅ ਕੀਤਾ ਅਤੇ ਡਾਇਮੰਡ ਲੀਗ ਮੀਟਿੰਗ ਸੀਰੀਜ਼ ਟੇਬਲ ਵਿੱਚ ਦੂਜੇ ਸਥਾਨ 'ਤੇ ਰਹਿ ਕੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ।

News Flash: Neeraj Chopra finishes 2nd in Lausanne Diamond League with best attempt of 89.49m (SB). #LausanneDL pic.twitter.com/6p4vIiYboS

— India_AllSports (@India_AllSports) August 22, 2024

ਨੀਰਜ ਨੇ ਕੀਤੀ ਖ਼ਰਾਬ ਸ਼ੁਰੂਆਤ: ਨੀਰਜ ਨੇ 82.10 ਮੀਟਰ ਦਾ ਪਹਿਲਾ ਥਰੋਅ ਕੀਤਾ, ਜੋ ਉਨ੍ਹਾਂ ਦਾ ਸਰਵੋਤਮ ਥਰੋਅ ਨਹੀਂ ਹੈ। ਨੀਰਜ ਪਹਿਲੇ ਥਰੋਅ ਤੋਂ ਬਾਅਦ ਚੌਥੇ ਸਥਾਨ 'ਤੇ ਰਹੇ। ਇਸ ਤੋਂ ਬਾਅਦ ਉਨ੍ਹਾਂ ਨੇ 83.21 ਮੀਟਰ ਦਾ ਦੂਜਾ ਥਰੋਅ ਕੀਤਾ ਅਤੇ ਤੀਜੇ ਸਥਾਨ 'ਤੇ ਰਹੇ। ਤੀਜੇ ਦੌਰ 'ਚ ਨੀਰਜ ਚੋਪੜਾ ਨੇ 83.13 ਮੀਟਰ ਥਰੋਅ ਕੀਤਾ ਅਤੇ ਚੌਥੇ ਸਥਾਨ ਨਾਲ ਉਹ ਟਾਪ-3 'ਚ ਰਹਿਣ ਤੋਂ ਖੁੰਝ ਗਏ। ਇਸ ਤੋਂ ਬਾਅਦ ਸਟਾਰ ਐਥਲੀਟ ਨੇ ਚੌਥੇ ਦੌਰ 'ਚ ਵੀ ਨਿਰਾਸ਼ ਕੀਤਾ ਅਤੇ 82.34 ਮੀਟਰ ਦਾ ਥਰੋਅ ਕੀਤਾ। ਚੋਪੜਾ ਪੂਰੀ ਤਰ੍ਹਾਂ ਲੈਅ ਵਿੱਚ ਨਜ਼ਰ ਨਹੀਂ ਆਏ।

Feeling so bad for Neeraj Chopra 💔

90m will come for sure .

Neeraj was nowhere close to his best in 1st 5 throws gave his all in at 6th throw with SB of 89.49m !!

Common Neeraj 90m will come for sure !!#NeerajChopra #DiamondLeague #Javelin pic.twitter.com/Omuoapm3gK

— Ram kapoor🇮🇳 (@Ram1947_) August 22, 2024

5ਵੇਂ ਦੌਰ ਵਿੱਚ 85.58 ਮੀਟਰ ਥਰੋਅ ਕੀਤਾ: ਨੀਰਜ ਚੋਪੜਾ ਨੇ 5ਵੇਂ ਰਾਊਂਡ 'ਚ 85.58 ਮੀਟਰ ਦਾ ਥਰੋਅ ਕੀਤਾ ਅਤੇ ਉਹ ਫਿਰ ਤੋਂ ਚੋਟੀ ਦੇ 3 'ਚ ਆ ਗਏ। ਉਨ੍ਹਾਂ ਨੇ ਇਸ ਮੁਕਾਬਲੇ ਵਿੱਚ ਆਪਣਾ ਸਰਵੋਤਮ ਥਰੋਅ ਰਿਕਾਰਡ ਕੀਤਾ ਅਤੇ ਯੂਕਰੇਨ ਦੇ ਫੇਲਫਨਰ ਨੂੰ ਪਿੱਛੇ ਛੱਡ ਦਿੱਤਾ, ਜਿਸ ਦਾ ਸਰਵੋਤਮ ਥਰੋਅ 83.38 ਮੀਟਰ ਰਿਹਾ।

ਛੇਵੇਂ ਦੌਰ ਵਿੱਚ 89.49 ਮੀਟਰ ਦਾ ਸੀਜ਼ਨ ਦਾ ਸਰਵੋਤਮ ਥਰੋਅ: ਫਿਰ ਛੇਵੇਂ ਦੌਰ ਵਿੱਚ ਨੀਰਜ ਚੋਪੜਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਇਸ ਸੀਜ਼ਨ ਦਾ ਸਰਵੋਤਮ ਥਰੋਅ ਕੀਤਾ। ਉਹ 90 ਮੀਟਰ ਦੇ ਨਿਸ਼ਾਨ ਤੋਂ ਮਹਿਜ਼ ਕੁਝ ਪਿੱਛੇ ਰਹਿ ਗਏ। 89.49 ਮੀਟਰ ਦੇ ਸੀਜ਼ਨ ਦੇ ਸਭ ਤੋਂ ਵਧੀਆ ਥਰੋਅ ਨਾਲ, ਉਹ ਡਾਇਮੰਡ ਲੀਗ ਮੀਟਿੰਗ ਸੀਰੀਜ਼ ਦੀ ਸਥਿਤੀ ਵਿੱਚ ਦੂਜੇ ਸਥਾਨ 'ਤੇ ਆਏ ਅਤੇ ਫਾਈਨਲ ਲਈ ਕੁਆਲੀਫਾਈ ਕੀਤਾ।

89.49M BY NEERAJ CHOPRA IN THE DIAMOND LEAGUE...!!! 🇮🇳 pic.twitter.com/1yb3dfcmuj

— Mufaddal Vohra (@mufaddal_vohra) August 22, 2024

ਅੰਤਿਮ ਸਥਿਤੀ :-

1. ਐਂਡਰਸਨ ਪੀਟਰਸ (ਗ੍ਰੇਨਾਡਾ)- 90.61 ਮੀਟਰ
2. ਨੀਰਜ ਚੋਪੜਾ (ਭਾਰਤ)- 89.49 ਮੀਟਰ
3. ਜੂਲੀਅਨ ਵੇਬਰ (ਜਰਮਨੀ) - 87.08 ਮੀਟਰ

ਐਂਡਰਸਨ ਪੀਟਰਸ ਨੇ ਤੋੜਿਆ ਮੀਟ ਰਿਕਾਰਡ: ਗ੍ਰੇਨਾਡਾ ਦੇ ਸਟਾਰ ਐਥਲੀਟ ਐਂਡਰਸਨ ਪੀਟਰਸ ਨੇ ਆਪਣੀ ਆਖਰੀ ਕੋਸ਼ਿਸ਼ ਵਿੱਚ 90.61 ਮੀਟਰ ਥਰੋਅ ਕੀਤਾ। ਇਸ ਸ਼ਾਨਦਾਰ ਥਰੋਅ ਦੇ ਨਾਲ, ਉਨ੍ਹਾਂ ਨੇ 2015 ਵਿੱਚ ਕੇਸ਼ੌਰਨ ਵਾਲਕੋਟ ਦੁਆਰਾ ਬਣਾਏ ਗਏ 90.16 ਮੀਟਰ ਦੇ ਪਿਛਲੇ ਮੀਟ ਰਿਕਾਰਡ ਨੂੰ ਤੋੜ ਦਿੱਤਾ।

ਅਗਲੀ ਮੀਟ 5 ਸਤੰਬਰ ਨੂੰ ਹੋਵੇਗੀ: ਨੀਰਜ ਚੋਪੜਾ ਹੁਣ 5 ਸਤੰਬਰ ਨੂੰ ਜ਼ਿਊਰਿਖ ਡਾਇਮੰਡ ਲੀਗ ਵਿੱਚ ਹਿੱਸਾ ਲੈਣਗੇ - ਜਿਸ ਵਿੱਚ ਪੁਰਸ਼ਾਂ ਦਾ ਜੈਵਲਿਨ ਥਰੋਅ ਈਵੈਂਟ ਵੀ ਸ਼ਾਮਲ ਹੈ। 10 ਮਈ ਨੂੰ ਦੋਹਾ ਡਾਇਮੰਡ ਲੀਗ 'ਚ ਵੈਡਲੇਜ ਤੋਂ ਬਾਅਦ ਦੂਜੇ ਸਥਾਨ 'ਤੇ ਰਹਿਣ ਵਾਲੇ ਚੋਪੜਾ ਲੁਸੇਨ ਡਾਇਮੰਡ ਲੀਗ 'ਚ ਵੀ ਦੂਜੇ ਸਥਾਨ 'ਤੇ ਰਹੇ ਹਨ।

Here is an insane record:

In ALL the 20 tournaments Neeraj Chopra has participated in since his Gold medal winning performance at Tokyo Olympics, he has finished in Top 2!

Consistency is his middle name! https://t.co/Uk2gjfxJak pic.twitter.com/ofuakrdtks

— India_AllSports (@India_AllSports) August 22, 2024

ਫਾਈਨਲ 14 ਸਤੰਬਰ ਨੂੰ ਬਰੱਸਲਜ਼ ਵਿੱਚ ਹੋਵੇਗਾ: ਨੀਰਜ 2022 ਵਿੱਚ ਡਾਇਮੰਡ ਲੀਗ ਚੈਂਪੀਅਨ ਸੀ। ਜਦਕਿ ਪਿਛਲੇ ਸਾਲ ਉਹ ਦੂਜੇ ਸਥਾਨ 'ਤੇ ਰਹੇ ਸੀ। ਮੌਜੂਦਾ ਸੀਜ਼ਨ ਦਾ ਡਾਇਮੰਡ ਲੀਗ ਫਾਈਨਲ 14 ਸਤੰਬਰ ਨੂੰ ਬ੍ਰਸੇਲਜ਼ ਵਿੱਚ ਹੋਵੇਗਾ। ਨੀਰਜ ਫਿਲਹਾਲ ਲੁਸਾਨੇ ਡਾਇਮੰਡ ਲੀਗ ਤੋਂ ਬਾਅਦ ਦੂਜੇ ਸਥਾਨ 'ਤੇ ਹੈ। ਤੁਹਾਨੂੰ ਦੱਸ ਦਈਏ ਕਿ ਡਾਇਮੰਡ ਲੀਗ ਮੀਟਿੰਗ ਸੀਰੀਜ਼ ਟੇਬਲ 'ਚ ਟਾਪ-6 'ਚ ਰਹਿਣ ਵਾਲੇ ਐਥਲੀਟ ਫਾਈਨਲ 'ਚ ਹਿੱਸਾ ਲੈਣਗੇ। ਨੀਰਜ ਨੇ ਫਾਈਨਲ ਲਈ ਆਪਣੀ ਟਿਕਟ ਪੱਕੀ ਕਰ ਲਈ ਹੈ।

ਅਰਸ਼ਦ ਨਦੀਮ ਨੇ ਨਹੀਂ ਲਿਆ ਹਿੱਸਾ: ਪੈਰਿਸ ਓਲੰਪਿਕ 2024 'ਚ 92.97 ਮੀਟਰ ਦੇ ਓਲੰਪਿਕ ਰਿਕਾਰਡ ਥਰੋਅ ਨਾਲ ਸੋਨ ਤਮਗਾ ਜਿੱਤ ਕੇ ਇਤਿਹਾਸ ਰਚਣ ਵਾਲੇ ਪਾਕਿਸਤਾਨ ਦੇ ਅਰਸ਼ਦ ਨਦੀਮ ਨੇ ਇਸ ਮੁਕਾਬਲੇ 'ਚ ਹਿੱਸਾ ਨਹੀਂ ਲਿਆ। ਉਨ੍ਹਾਂ ਤੋਂ ਇਲਾਵਾ, ਪੈਰਿਸ ਓਲੰਪਿਕ ਦੇ ਜੈਵਲਿਨ ਥਰੋਅ ਫਾਈਨਲ ਵਿੱਚ ਚੋਟੀ ਦੇ ਛੇ ਵਿੱਚ ਥਾਂ ਬਣਾਉਣ ਵਾਲੇ ਸਾਰੇ 5 ਖਿਡਾਰੀ ਲੁਸਾਨੇ ਡਾਇਮੰਡ ਲੀਗ 2024 ਵਿੱਚ ਸ਼ਾਮਲ ਰਹੇ।