ਨਵੀਂ ਦਿੱਲੀ: ਭਾਰਤ ਦੇ ਗੋਲਡਨ ਬੁਆਏ ਅਤੇ ਡਿਫੈਂਡਿੰਗ ਚੈਂਪੀਅਨ ਨੀਰਜ ਚੋਪੜਾ ਪੈਰਿਸ ਓਲੰਪਿਕ 2024 'ਚ ਦੇਸ਼ ਦੀ ਨੁਮਾਇੰਦਗੀ ਕਰਨਗੇ। ਨੀਰਜ 28 ਮੈਂਬਰੀ ਭਾਰਤੀ ਐਥਲੈਟਿਕਸ ਟੀਮ ਦੀ ਅਗਵਾਈ ਕਰਦੇ ਨਜ਼ਰ ਆਉਣਗੇ। ਭਾਰਤੀ ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਉਨ੍ਹਾਂ ਦੇ ਸਟਾਰ ਜੈਵਲਿਨ ਥਰੋਅਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਨਗੇ ਅਤੇ ਦੇਸ਼ ਲਈ ਇਕ ਵਾਰ ਫਿਰ ਸੋਨ ਤਮਗਾ ਜਿੱਤਣਗੇ। ਉਨ੍ਹਾਂ ਦੇ ਤਜ਼ਰਬੇ ਅਤੇ ਦੇਸ਼ ਲਈ ਵੱਡੇ ਮੰਚ 'ਤੇ ਹਮੇਸ਼ਾ ਵਧੀਆ ਪ੍ਰਦਰਸ਼ਨ ਕਰਨ ਦੇ ਤਜ਼ਰਬੇ ਦਾ ਬਾਕੀ ਸਾਰੇ 27 ਖਿਡਾਰੀ ਵੀ ਫਾਇਦਾ ਉਠਾਉਂਦੇ ਹੋਏ ਨਜ਼ਰ ਆਉਣਗੇ।
ਇਨ੍ਹਾਂ ਖਿਡਾਰੀਆਂ ਤੋਂ ਹੋਵੇਗੀ ਸ਼ਾਨਦਾਰ ਪ੍ਰਦਰਸ਼ਨ ਦੀ ਉਮੀਦ: ਨੀਰਜ ਚੋਪੜਾ ਜਿਸ 28 ਮੈਂਬਰੀ ਟੀਮ ਦੀ ਅਗਵਾਈ ਕਰਨ ਜਾ ਰਹੇ ਹਨ, ਉਸ ਵਿੱਚ ਕੁੱਲ 17 ਪੁਰਸ਼ ਅਤੇ 11 ਮਹਿਲਾ ਅਥਲੀਟ ਹਨ। ਭਾਰਤੀ ਪੁਰਸ਼ਾਂ ਵਿੱਚ ਏਸ਼ਿਆਈ ਖੇਡਾਂ ਵਿੱਚ ਧਮਾਲ ਮਚਾਉਣ ਵਾਲੇ ਅਵਿਨਾਸ਼ ਸਾਬਲ, ਤਜਿੰਦਰਪਾਲ ਸਿੰਘ ਤੂਰ ਅਤੇ ਸਪ੍ਰਿੰਟ ਹਰਡਲਜ਼ ਦੌੜ ਵਿੱਚ ਹਿੱਸਾ ਲੈਣ ਵਾਲੀ ਮਹਿਲਾ ਖਿਡਾਰਣ ਜੋਤੀ ਯਾਰਾਜੀ ਦੇ ਨਾਂ ਸ਼ਾਮਲ ਹਨ। ਇਨ੍ਹਾਂ ਸਾਰੇ ਖਿਡਾਰੀਆਂ ਤੋਂ ਉਮੀਦ ਕੀਤੀ ਜਾਵੇਗੀ ਕਿ ਉਹ ਪੈਰਿਸ ਓਲੰਪਿਕ 'ਚ ਇਕ ਵਾਰ ਫਿਰ ਸ਼ਾਨਦਾਰ ਪ੍ਰਦਰਸ਼ਨ ਕਰਨਗੇ ਅਤੇ ਭਾਰਤ ਨੂੰ ਵੱਧ ਤੋਂ ਵੱਧ ਤਗਮੇ ਜਿੱਤਣ 'ਚ ਮਦਦ ਕਰਨਗੇ। ਪੈਰਿਸ ਓਲੰਪਿਕ 'ਚ 1 ਅਗਸਤ ਤੋਂ 11 ਅਗਸਤ ਤੱਕ ਟਰੈਕ ਅਤੇ ਫੀਲਡ ਮੁਕਾਬਲੇ ਕਰਵਾਏ ਜਾਣਗੇ।
ਪੈਰਿਸ ਓਲੰਪਿਕ ਲਈ 28 ਮੈਂਬਰੀ ਭਾਰਤੀ ਅਥਲੈਟਿਕਸ ਟੀਮ:-
ਪੁਰਸ਼: ਅਵਿਨਾਸ਼ ਸਾਬਲ (3,000 ਮੀਟਰ ਸਟੀਪਲਚੇਜ਼), ਨੀਰਜ ਚੋਪੜਾ, ਕਿਸ਼ੋਰ ਕੁਮਾਰ ਜੇਨਾ (ਜੈਵਲਿਨ ਥਰੋਅ), ਤਜਿੰਦਰਪਾਲ ਸਿੰਘ ਤੂਰ (ਸ਼ਾਟ ਪੁਟ), ਪ੍ਰਵੀਨ ਚਿਤਰਾਵੇਲ, ਅਬਦੁੱਲਾ ਅਬੂਬਕਰ (ਤੀਹਰੀ ਛਾਲ), ਅਕਸ਼ਦੀਪ ਸਿੰਘ, ਵਿਕਾਸ ਸਿੰਘ, ਪਰਮਜੀਤ ਸਿੰਘ ਬਿਸ਼ਟ (20) ਕਿਲੋਮੀਟਰ ਪੈਦਲ ਵਾੱਕ), ਮੁਹੰਮਦ ਅਨਸ, ਮੁਹੰਮਦ ਅਜਮਲ, ਅਮੋਜ ਜੈਕਬ, ਸੰਤੋਸ਼ ਤਮਿਲਰਾਸਨ, ਰਾਜੇਸ਼ ਰਮੇਸ਼ (4x400 ਮੀਟਰ ਰਿਲੇਅ), ਮਿਜ਼ੋ ਚਾਕੋ ਕੁਰੀਅਨ (4x400 ਮੀਟਰ ਰਿਲੇਅ), ਸੂਰਜ ਪੰਵਾਰ (ਮਿਕਸਡ ਮੈਰਾਥਨ ਪੈਦਲ), ਸਰਵੇਸ਼ ਅਨਿਲ ਕੁਸ਼ਾਰੇ (ਉੱਚੀ ਛਾਲ)।
ਮਹਿਲਾ: ਕਿਰਨ ਪਹਿਲ (400 ਮੀਟਰ), ਪਾਰੁਲ ਚੌਧਰੀ (3,000 ਮੀਟਰ ਸਟੀਪਲਚੇਜ਼ ਅਤੇ 5,000 ਮੀਟਰ), ਜੋਤੀ ਯਾਰਾਜੀ (100 ਮੀਟਰ ਅੜਿੱਕਾ ਦੌੜ), ਅੰਨੂ ਰਾਣੀ (ਜੈਵਲਿਨ ਥਰੋਅ), ਆਭਾ ਖਟੂਆ (ਸ਼ਾਟ ਪੁਟ), ਜਯੋਤਿਕਾ ਸ੍ਰੀ ਡਾਂਡੀ, ਸੁਭਾ ਵੈਂਕਟੇਸ਼ਨ, ਵਿਥਿਆ ਰਾਮਰਾਜ, ਪੂਵੰਮਾ ਐਮਆਰ (4x400 ਮੀਟਰ ਰਿਲੇਅ), ਪ੍ਰਾਚੀ (4x400m), ਪ੍ਰਿਅੰਕਾ ਗੋਸਵਾਮੀ (20km ਪੈਦਲ ਵਾੱਕ)।
- ਵਿਸ਼ਵ ਚੈਂਪੀਅਨ ਟੀਮ ਇੰਡੀਆ ਦੇ ਵੈਲਕਮ ਲਈ ਠਹਿਰ ਗਈ ਮਾਇਆਨਗਰੀ, ਵਾਨਖੇੜੇ 'ਚ ਸ਼ਾਨਦਾਰ ਸਵਾਗਤ - Grand Welcome Of Indian Team
- ਮੁੰਬਈ 'ਚ ਗੂੰਜੇ 'ਇੰਡੀਆ ਦਾ ਰਾਜਾ ਰੋਹਿਤ ਸ਼ਰਮਾ' ਦੇ ਨਾਅਰੇ, ਦੇਰੀ ਨਾਲ ਹੋਇਆ ਟੀਮ ਇੰਡੀਆ ਦਾ ਸਨਮਾਨ ਸਮਾਰੋਹ - team india victory parade
- ਵਾਨਖੇੜੇ 'ਚ ਆਯੋਜਿਤ ਟੀਮ ਇੰਡੀਆ ਦਾ ਸਨਮਾਨ ਸਮਾਰੋਹ, BCCI ਨੇ ਸੌਂਪਿਆ 125 ਕਰੋੜ ਰੁਪਏ ਦਾ ਚੈੱਕ - Welcome Team India
