ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਟੀਮ 19 ਸਤੰਬਰ ਤੋਂ ਬੰਗਲਾਦੇਸ਼ ਖਿਲਾਫ ਆਪਣੀ ਟੈਸਟ ਮੁਹਿੰਮ ਦੀ ਸ਼ੁਰੂਆਤ ਕਰੇਗੀ। ਫਿਲਹਾਲ ਭਾਰਤੀ ਟੀਮ ਇਸ ਮੈਚ ਲਈ 5 ਦਿਨਾਂ ਦਾ ਕੈਂਪ ਲਗਾ ਰਹੀ ਹੈ। ਪਰ, ਇਸ ਟੈਸਟ ਮੈਚ ਲਈ ਭਾਰਤੀ ਟੀਮ ਵਿੱਚ ਚੁਣੇ ਗਏ ਸਰਫਰਾਜ਼ ਖਾਨ ਇਸ ਦਾ ਹਿੱਸਾ ਨਹੀਂ ਹਨ ਅਤੇ ਉਹ ਦਲੀਪ ਟਰਾਫੀ ਦੇ ਦੂਜੇ ਮੈਚ ਵਿੱਚ ਖੇਡ ਰਹੇ ਹਨ।
ਭਾਰਤੀ ਟੀਮ ਦੇ ਦਿੱਗਜ ਖਿਡਾਰੀ ਕ੍ਰਿਸ਼ਨਾਮਾਚਾਰੀ ਸ਼੍ਰੀਕਾਂਤ ਨੇ ਸਰਫਰਾਜ਼ ਖਾਨ ਸਮੇਤ ਕਈ ਕ੍ਰਿਕਟਰਾਂ ਬਾਰੇ ਵੱਡੀ ਗੱਲ ਕਹੀ ਹੈ। ਸਾਬਕਾ ਭਾਰਤੀ ਬੱਲੇਬਾਜ਼ ਕ੍ਰਿਸ਼ਨਾਮਾਚਾਰੀ ਸ਼੍ਰੀਕਾਂਤ ਦਾ ਮੰਨਣਾ ਹੈ ਕਿ ਸਰਫਰਾਜ਼ ਨੂੰ ਆਪਣੀ ਜਗ੍ਹਾ ਕੇਐੱਲ ਰਾਹੁਲ ਨੂੰ ਵਾਪਸ ਦੇਣੀ ਹੋਵੇਗੀ। ਸਰਫਰਾਜ਼ ਪ੍ਰਤੀ ਆਪਣੀ ਹਮਦਰਦੀ ਜ਼ਾਹਰ ਕਰਦੇ ਹੋਏ, ਸ਼੍ਰੀਕਾਂਤ ਨੇ ਕਿਹਾ ਕਿ ਰਾਹੁਲ ਜ਼ਖਮੀ ਸੀ ਅਤੇ ਅਸਲ ਵਿੱਚ ਉਨ੍ਹਾਂ ਨੇ ਆਪਣੀ ਜਗ੍ਹਾ ਨਹੀਂ ਗਵਾਈ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਵਿਕਟਕੀਪਰ ਬੱਲੇਬਾਜ਼ ਧਰੁਵ ਜੁਰੇਲ ਵੀ ਫਿੱਟ ਹੋ ਕੇ ਪੰਤ ਦੇ ਸਾਹਮਣੇ ਆਪਣੀ ਜਗ੍ਹਾ ਗੁਆ ਦੇਣਗੇ।
ਸ਼੍ਰੀਕਾਂਤ ਨੇ ਆਪਣੇ ਯੂਟਿਊਬ ਚੈਨਲ 'ਚੀਕੀ ਚੀਕਾ' 'ਤੇ ਕਿਹਾ, 'ਈਮਾਨਦਾਰੀ ਨਾਲ ਕਹਾਂ ਤਾਂ ਮੈਨੂੰ ਸਰਫਰਾਜ਼ ਖਾਨ ਲਈ ਬੁਰਾ ਲੱਗਦਾ ਹੈ, ਜੇਕਰ ਤੁਸੀਂ ਚੰਗਾ ਖੇਡਦੇ ਹੋ ਤਾਂ ਵੀ ਕਈ ਵਾਰ ਕੋਈ ਵੱਡਾ ਖਿਡਾਰੀ ਜ਼ਖਮੀ ਹੋਣ ਤੋਂ ਬਾਅਦ ਠੀਕ ਹੋ ਕੇ ਟੀਮ 'ਚ ਆਉਂਦਾ ਹੈ, ਤਾਂ ਤੁਸੀਂ ਆਪਣੀ ਜਗ੍ਹਾ ਗੁਆ ਦਿੰਦੇ ਹੋ- ਦੇਖੋ ਰਿਸ਼ਭ ਪੰਤ ਟੀਮ ਵਿੱਚ ਆਉਂਦੇ ਹੈ ਅਤੇ ਜੁਰੇਲ ਨੂੰ ਬਾਹਰ ਜਾਣਾ ਪੈਂਦਾ ਹੈ। ਉਨ੍ਹਾਂ ਕਿਹਾ, ਤੁਹਾਨੂੰ ਆਸਟ੍ਰੇਲੀਆ ਸੀਰੀਜ਼ ਨੂੰ ਧਿਆਨ 'ਚ ਰੱਖਣਾ ਹੋਵੇਗਾ, ਅਗਲੀ ਸੀਰੀਜ਼ ਨਿਊਜ਼ੀਲੈਂਡ ਖਿਲਾਫ ਖੇਡੀ ਜਾਣੀ ਹੈ। ਕੇਐਲ ਰਾਹੁਲ ਨੇ ਆਸਟਰੇਲੀਆ ਵਿੱਚ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ ਹੈ'।
ਤੁਹਾਨੂੰ ਦੱਸ ਦਈਏ ਕਿ ਕਈ ਸੀਨੀਅਰ ਖਿਡਾਰੀਆਂ ਦੇ ਵੱਖ-ਵੱਖ ਕਾਰਨਾਂ ਕਰਕੇ ਬਾਹਰ ਹੋਣ ਦੇ ਨਾਲ, ਸਰਫਰਾਜ਼ ਖਾਨ ਨੇ ਇੰਗਲੈਂਡ ਦੇ ਖਿਲਾਫ ਭਾਰਤ ਲਈ ਆਪਣੀ ਬਹੁ-ਉਡੀਕ ਸ਼ੁਰੂਆਤ ਕੀਤੀ ਅਤੇ ਤੁਰੰਤ ਹਿੱਟ ਹੋ ਗਏ। ਮੁੰਬਈ ਦੇ ਇਸ ਬੱਲੇਬਾਜ਼ ਨੇ ਪੰਜ ਪਾਰੀਆਂ ਵਿੱਚ ਤਿੰਨ ਅਰਧ ਸੈਂਕੜਿਆਂ ਸਮੇਤ 200 ਦੌੜਾਂ ਬਣਾਈਆਂ, ਜਦਕਿ ਉਨ੍ਹਾਂ ਦੀ ਔਸਤ 50 ਅਤੇ ਸਟ੍ਰਾਈਕ ਰੇਟ 79.36 ਸੀ।
ਦਲੀਪ ਟਰਾਫੀ ਮੈਚ ਲਈ ਸਰਫਰਾਜ਼ ਦੀ ਚੋਣ ਦਾ ਮਤਲਬ ਹੈ ਕਿ ਕੇਐੱਲ ਰਾਹੁਲ ਨੂੰ ਭਾਰਤ ਦੀ ਪਲੇਇੰਗ ਇਲੈਵਨ ਵਿੱਚ ਸ਼ਾਮਲ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਦੋਵਾਂ ਨੂੰ ਮੱਧ ਕ੍ਰਮ ਵਿੱਚ ਜਗ੍ਹਾ ਲਈ ਸਿੱਧੇ ਪ੍ਰਤੀਯੋਗੀ ਵਜੋਂ ਦੇਖਿਆ ਗਿਆ ਸੀ। ਤੁਹਾਨੂੰ ਦੱਸ ਦਈਏ ਕਿ ਧਰੁਵ ਜੁਰੇਲ ਅਤੇ ਸਰਫਰਾਜ਼ ਖਾਨ ਦੋਵਾਂ ਨੂੰ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ ਪਰ ਸੀਨੀਅਰ ਖਿਡਾਰੀਆਂ ਦੀ ਗੈਰ-ਮੌਜੂਦਗੀ 'ਚ ਹੀ ਉਨ੍ਹਾਂ ਦਾ ਖੇਡਣਾ ਸੰਭਵ ਹੋ ਸਕਦਾ ਹੈ।
ਹਾਦਸੇ ਤੋਂ ਬਾਅਦ ਰਿਸ਼ਭ ਪੰਤ ਪਹਿਲੀ ਵਾਰ ਅੰਤਰਰਾਸ਼ਟਰੀ ਰੈੱਡ ਬਾਲ ਕ੍ਰਿਕਟ ਖੇਡਦੇ ਨਜ਼ਰ ਆਉਣਗੇ। ਦਸੰਬਰ 2022 'ਚ ਉਨ੍ਹਾਂ ਦੀ ਕਾਰ ਹਾਦਸੇ ਦਾ ਸ਼ਿਕਾਰ ਹੋਈ ਸੀ, ਜਿਸ ਤੋਂ ਬਾਅਦ ਉਹ ਇਕ ਸਾਲ ਤੱਕ ਟੀਮ ਤੋਂ ਬਾਹਰ ਰਹੇ। ਉਨ੍ਹਾਂ ਨੇ ਇਸ ਸਾਲ ਆਈਪੀਐਲ ਵਿੱਚ ਵਾਪਸੀ ਕੀਤੀ ਅਤੇ ਉਦੋਂ ਤੋਂ ਟੀਮ ਲਈ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੇ ਹਨ।
- ਵਿਰਾਟ ਕੋਹਲੀ ਨੂੰ ਲੱਗਿਆ ਕਰੋੜਾਂ ਦਾ ਚੂਨਾ, ਇਸ ਕਾਰੋਬਾਰ 'ਚ ਹੋਇਆ ਭਾਰੀ ਨੁਕਸਾਨ - Virat Kohli Business Loss
- ਜਦੋਂ ਧੋਨੀ ਨੂੰ ਆਇਆ ਗੁੱਸਾ, ਡ੍ਰੈਸਿੰਗ ਫਾਰਮ 'ਚ ਭੜਕ ਗਏ ਸੀ 'ਕੈਪਟਨ ਕੂਲ', ਬਦਰੀਨਾਥ ਨੇ ਸੁਣਾਈ ਅਣਸੁਣੀ ਕਹਾਣੀ - MS Dhoni Anger Story
- ਭਾਰਤ ਨੇ ਰੋਮਾਂਚਕ ਮੈਚ ਵਿੱਚ ਪਾਕਿਸਤਾਨ ਨੂੰ 2-1 ਨਾਲ ਹਰਾਇਆ, ਹਰਮਨਪ੍ਰੀਤ ਸਿੰਘ ਬਣੇ ਜਿੱਤ ਦੇ ਹੀਰੋ - IND vs PAK hockey
