ਨਵੀਂ ਦਿੱਲੀ: ਏਸ਼ੀਆਈ ਹਾਕੀ ਚੈਂਪੀਅਨ ਟਰਾਫੀ 'ਚ ਭਾਰਤ ਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ। ਅੱਜ ਬੁੱਧਵਾਰ ਨੂੰ ਖੇਡੇ ਗਏ ਮੈਚ ਵਿੱਚ ਭਾਰਤੀ ਹਾਕੀ ਖਿਡਾਰੀਆਂ ਨੇ ਮਲੇਸ਼ੀਆ ਨੂੰ 8-1 ਨਾਲ ਹਰਾਇਆ। ਇਸ ਨਾਲ ਭਾਰਤ ਟੇਬਲ 'ਚ ਚੋਟੀ 'ਤੇ ਬਰਕਰਾਰ ਹੈ। ਇਸ ਮੈਚ ਵਿੱਚ ਰਾਜਕੁਮਾਰ ਪਾਲ ਨੇ ਸ਼ਾਨਦਾਰ ਹੈਟ੍ਰਿਕ ਦਾਗੀ ਜਦਕਿ ਅਰਿਜੀਤ ਸਿੰਘ ਹੁੰਦਲ ਨੇ ਦੋ ਗੋਲ ਕਰਕੇ ਭਾਰਤ ਨੂੰ ਏਸ਼ੀਅਨ ਚੈਂਪੀਅਨਜ਼ ਟਰਾਫੀ ਹਾਕੀ ਮੈਚ ਵਿੱਚ ਮਲੇਸ਼ੀਆ ਨੂੰ 8-1 ਨਾਲ ਹਰਾਇਆ।
ਲਗਾਤਾਰ ਤੀਜੀ ਜਿੱਤ:
ਰਾਜਕੁਮਾਰ ਨੇ ਪਹਿਲੇ ਤਿੰਨ ਕੁਆਰਟਰਾਂ ਵਿੱਚ ਇੱਕ-ਇੱਕ ਗੋਲ ਕੀਤਾ ਜਦਕਿ ਹੁੰਦਲ ਨੇ ਪਹਿਲੇ ਅਤੇ ਤੀਜੇ ਕੁਆਰਟਰ ਵਿੱਚ ਗੋਲ ਕੀਤੇ। ਜੁਗਰਾਜ ਸਿੰਘ ਅਤੇ ਹਰਮਨਪ੍ਰੀਤ ਸਿੰਘ ਨੇ ਵੀ ਪੈਨਲਟੀ ਕਾਰਨਰ ਤੋਂ ਗੋਲ ਕੀਤੇ ਜਦਕਿ ਉੱਤਮ ਸਿੰਘ ਨੇ ਕੁਆਰਟਰ 3 ਵਿੱਚ ਭਾਰਤ ਦਾ ਅੱਠਵਾਂ ਅਤੇ ਆਖਰੀ ਗੋਲ ਕੀਤਾ। ਭਾਰਤ ਦੀ ਟੂਰਨਾਮੈਂਟ ਵਿੱਚ ਇਹ ਲਗਾਤਾਰ ਤੀਜੀ ਜਿੱਤ ਸੀ।
ਟੀਮ ਇੰਡੀਆ ਦਾ ਦਬਦਬਾ:
ਅੱਧੇ ਸਮੇਂ ਤੱਕ ਭਾਰਤ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ 5-0 ਦੀ ਬੜ੍ਹਤ ਬਣਾ ਲਈ ਸੀ। ਭਾਰਤ ਨੇ ਦੂਜੇ ਕੁਆਰਟਰ ਵਿੱਚ ਦੋ ਗੋਲ ਕੀਤੇ ਜਦਕਿ ਵਿਰੋਧੀ ਟੀਮ ਖਾਤਾ ਵੀ ਨਹੀਂ ਖੋਲ੍ਹ ਸਕੀ। ਤੀਜਾ ਕੁਆਰਟਰ ਪੂਰਾ ਹੋਣ ਤੱਕ ਮਲੇਸ਼ੀਆ ਨੇ ਵੀ ਇੱਕ ਅੰਕ ਹਾਸਲ ਕਰ ਲਿਆ ਸੀ ਪਰ ਇਹ ਅੰਕ ਉਸ ਨੂੰ ਮੈਚ ਵਿੱਚ ਵਾਪਸ ਲਿਆਉਣ ਲਈ ਕਾਫੀ ਨਹੀਂ ਸੀ ਕਿਉਂਕਿ ਭਾਰਤ ਪਹਿਲਾਂ ਹੀ 8 ਅੰਕਾਂ ਦੀ ਬੜ੍ਹਤ ਲੈ ਚੁੱਕਾ ਸੀ।
- ਵਿਨੇਸ਼ ਫੋਗਾਟ ਨੇ ਪਹਿਲੀ ਵਾਰ ਓਲੰਪਿਕ 'ਚ ਹੋਈ ਸਾਜ਼ਿਸ਼ 'ਤੇ ਦਿੱਤਾ ਵੱਡਾ ਬਿਆਨ, ਜਾਣੋ ਕਿਸ 'ਤੇ ਲਗਾਏ ਗੰਭੀਰ ਦੋਸ਼ - vinesh phogat big allegations
- ਸਰਫਰਾਜ਼ ਖਾਨ ਤੇ ਧਰੁਵ ਜੁਰੇਲ ਪਹਿਲੇ ਟੈਸਟ ਦੇ ਪਲੇਇੰਗ-11 ਤੋਂ ਬਾਹਰ, ਜਾਣੋ ਕੌਣ ਲਵੇਗਾ ਉਨ੍ਹਾਂ ਦੀ ਜਗ੍ਹਾ? - IND vs BAN
- ਤੀਜੇ ਦਿਨ ਵੀ ਅਫਗਾਨਿਸਤਾਨ ਅਤੇ ਨਿਊਜ਼ੀਲੈਂਡ ਦੀਆਂ ਉਮੀਦਾਂ 'ਤੇ ਫਿਰਿਆ ਪਾਣੀ, ਖਰਾਬ ਆਊਟਫੀਲਡ ਕਾਰਨ ਰੱਦ ਹੋਈ ਖੇਡ - AFG vs NZ Test
ਚੀਨ ਅਤੇ ਜਾਪਾਨ ਨੂੰ ਮਾਤ:
ਚੌਥੇ ਕੁਆਰਟਰ ਵਿੱਚ ਦੋਵੇਂ ਟੀਮਾਂ ਇੱਕ ਵਾਰ ਫਿਰ ਆਹਮੋ-ਸਾਹਮਣੇ ਹੋਈਆਂ ਪਰ ਕਿਸੇ ਵੀ ਟੀਮ ਨੂੰ ਕੋਈ ਸਫਲਤਾ ਨਹੀਂ ਮਿਲੀ ਅਤੇ ਮੈਚ 8-1 ਦੇ ਸਕੋਰ ਨਾਲ ਸਮਾਪਤ ਹੋਇਆ। ਭਾਰਤ ਦੀ ਇਹ ਲਗਾਤਾਰ ਤੀਜੀ ਜਿੱਤ ਹੈ। ਇਸ ਤੋਂ ਪਹਿਲਾਂ ਭਾਰਤ ਨੇ ਮੇਜ਼ਬਾਨ ਚੀਨ ਅਤੇ ਜਾਪਾਨ ਨੂੰ ਹਰਾਇਆ ਸੀ।
