ਹੈਦਰਾਬਾਦ: ਗਲਤ ਭੋਜਨ ਖਾਣ ਕਰਕੇ ਲੂਜ਼ ਮੋਸ਼ਨ ਦੀ ਸਮੱਸਿਆ ਸ਼ੁਰੂ ਹੋ ਜਾਂਦੀ ਹੈ। ਇਸ ਸਮੱਸਿਆ ਕਾਰਨ ਸਾਰਾ ਦਿਨ ਸੁਸਤੀ ਮਹਿਸੂਸ ਹੁੰਦੀ ਰਹਿੰਦੀ ਹੈ। ਲੂਜ਼ ਮੋਸ਼ਨ ਕਾਰਨ ਸਰੀਰ ਦੇ ਅੰਦਰ ਪਾਣੀ ਦੀ ਕਮੀ ਵੀ ਹੋ ਜਾਂਦੀ ਹੈ। ਇਸ ਸਮੱਸਿਆ ਤੋਂ ਰਾਹਤ ਪਾਉਣ ਲਈ ਪੀੜਤ ਦਵਾਈ ਦੀ ਵਰਤੋਂ ਕਰਨ ਨੂੰ ਜ਼ਿਆਦਾ ਤਰਜੀਹ ਦਿੰਦੇ ਹਨ। ਪਰ ਮਾਹਿਰਾਂ ਦਾ ਕਹਿਣਾ ਹੈ ਕਿ ਜੇਕਰ ਕੁਝ ਆਯੁਰਵੈਦਿਕ ਨੁਸਖਿਆਂ ਨੂੰ ਦਵਾਈ ਦੀ ਬਜਾਏ ਅਪਣਾਇਆ ਜਾਵੇ, ਤਾਂ ਇਹ ਸਮੱਸਿਆ ਘੱਟ ਹੋ ਸਕਦੀ ਹੈ।
ਲੂਜ਼ ਮੋਸ਼ਨ ਤੋਂ ਰਾਹਤ ਪਾਉਣ ਦੇ ਆਯੁਰਵੈਦਿਕ ਨੁਸਖੇ:
ਜ਼ਿਆਦਾ ਪਾਣੀ ਪੀਓ: ਜਦੋਂ ਲੂਜ਼ ਮੋਸ਼ਨ ਹੁੰਦੀ ਹੈ, ਤਾਂ ਸਰੀਰ 'ਚ ਪਾਣੀ ਦੀ ਕਮੀ ਹੋ ਜਾਂਦੀ ਹੈ। ਇਸ ਕਾਰਨ ਸਰੀਰ ਥਕਾਵਟ ਮਹਿਸੂਸ ਕਰਨ ਲੱਗਦਾ ਹੈ। ਇਸ ਲਈ ਮਾਹਿਰਾਂ ਦਾ ਕਹਿਣਾ ਹੈ ਕਿ ਸਰੀਰ ਨੂੰ ਡੀਹਾਈਡ੍ਰੇਸ਼ਨ ਦੀ ਸਮੱਸਿਆ ਤੋਂ ਬਚਾਉਣ ਲਈ ਜ਼ਿਆਦਾ ਪਾਣੀ ਪੀਓ। ਓਆਰਐਸ ਦੇ ਪੈਕੇਟ ਨੂੰ ਪਾਣੀ ਵਿੱਚ ਮਿਲਾ ਕੇ ਪੀਣ ਨਾਲ ਵੀ ਚੰਗਾ ਨਤੀਜਾ ਮਿਲੇਗਾ। ਇਸ ਤੋਂ ਇਲਾਵਾ, ਤੁਸੀਂ ਨਾਰੀਅਲ ਪਾਣੀ ਵੀ ਪੀ ਸਕਦੇ ਹੋ।
ਕੇਲਾ: ਲੂਜ਼ ਮੋਸ਼ਨ ਤੋਂ ਪੀੜਿਤ ਹੋਣ 'ਤੇ ਕੇਲਾ ਖਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਕੇਲੇ ਵਿੱਚ ਪੋਟਾਸ਼ੀਅਮ ਨਾਮਕ ਇੱਕ ਇਲੈਕਟ੍ਰੋਲਾਈਟ ਪਾਇਆ ਜਾਂਦਾ ਹੈ। ਮਾਹਿਰਾਂ ਦਾ ਦਾਅਵਾ ਹੈ ਕਿ ਇਸ ਨੂੰ ਖਾਣ ਨਾਲ ਸਰੀਰ 'ਚ ਗੁੰਮ ਹੋਏ ਤਰਲ ਪਦਾਰਥਾਂ ਅਤੇ ਇਲੈਕਟ੍ਰੋਲਾਈਟਸ ਨੂੰ ਮੁੜ ਪ੍ਰਾਪਤ ਕਰਨ ਵਿੱਚ ਮਦਦ ਮਿਲੇਗੀ।
ਦਹੀਂ: ਮਾਹਿਰਾਂ ਦਾ ਕਹਿਣਾ ਹੈ ਕਿ ਜੋ ਲੋਕ ਲੂਜ਼ ਮੋਸ਼ਨ ਤੋਂ ਪੀੜਤ ਹਨ, ਉਹ ਦਹੀਂ ਖਾ ਕੇ ਇਸ ਸਮੱਸਿਆ ਨੂੰ ਜਲਦੀ ਠੀਕ ਕਰ ਸਕਦੇ ਹਨ। ਇਸ ਲਈ ਖਾਣਾ ਖਾਣ ਤੋਂ ਬਾਅਦ ਦਹੀ ਪੀਓ। ਇਸ ਨਾਲ ਚੰਗਾ ਨਤੀਜਾ ਮਿਲੇਗਾ।
- ਸਾਵਧਾਨ! ਪੇਟ 'ਚ ਨਜ਼ਰ ਆਉਣ ਇਹ 4 ਲੱਛਣ, ਤਾਂ ਇਸ ਕੈਂਸਰ ਦਾ ਹੋ ਸਕਦੈ ਖਤਰਾ - World Abdominal Cancer Day 2024
- ਕੀ ਤੁਸੀਂ ਖਾ ਰਹੇ ਹੋ ਕੈਲਸ਼ੀਅਮ ਕਾਰਬਾਈਡ ਵਾਲੇ ਅੰਬ? ਸਾਵਧਾਨ ਰਹੋ, FSSAI ਨੇ ਜਾਰੀ ਕੀਤੀ ਚਿਤਾਵਨੀ - FSSAI Warns Mango Traders
- ਡਬਲ ਚਿਨ ਤੋਂ ਹੋ ਪਰੇਸ਼ਾਨ, ਤਾਂ ਚਿਊਇੰਗਮ ਹੋ ਸਕਦੀ ਹੈ ਮਦਦਗਾਰ, ਜਾਣੋ ਕਿਵੇਂ - Get Rid of the Double Chin
ਅਦਰਕ ਦਾ ਪਾਣੀ: ਲੂਜ਼ ਮੋਸ਼ਨ ਦੀ ਸਮੱਸਿਆ ਹੋਣ 'ਤੇ ਅਦਰਕ ਦਾ ਪਾਣੀ ਵੀ ਪੀ ਸਕਦੇ ਹੋ। ਇਸ ਲਈ ਇੱਕ ਕਟੋਰੀ ਵਿੱਚ ਇੱਕ ਗਲਾਸ ਪਾਣੀ ਲਓ, ਉਸ ਵਿਚ ਅੱਧਾ ਚੱਮਚ ਕੱਟਿਆ ਹੋਇਆ ਅਦਰਕ ਅਤੇ ਇਕ ਚਮਚ ਦਾਲਚੀਨੀ ਪਾਊਡਰ ਪਾ ਕੇ ਉਬਾਲ ਲਓ। ਫਿਰ ਇਸ ਡ੍ਰਿੰਕ ਨੂੰ ਗਰਮ ਹੋਣ ਤੋਂ ਬਾਅਦ ਛਾਣ ਕੇ ਪੀ ਲਓ। ਇਸ ਨਾਲ ਲੂਜ਼ ਮੋਸ਼ਨ ਤੋਂ ਰਾਹਤ ਮਿਲੇਗੀ। ਇਸ ਡ੍ਰਿੰਕ 'ਚ ਤੁਸੀਂ ਸ਼ਹਿਦ ਵੀ ਮਿਲਾ ਸਕਦੇ ਹੋ। ਇਸ ਤੋਂ ਇਲਾਵਾ, ਕੋਸੇ ਪਾਣੀ ਵਿੱਚ ਇੱਕ ਚੁਟਕੀ ਹਲਦੀ ਮਿਲਾ ਕੇ ਪੀਣ ਨਾਲ ਵੀ ਦਸਤ ਠੀਕ ਹੋ ਸਕਦੀ ਹੈ।
ਨੋਟ: ਇੱਥੇ ਤੁਹਾਨੂੰ ਦਿੱਤੀ ਗਈ ਸਾਰੀ ਸਿਹਤ ਜਾਣਕਾਰੀ ਅਤੇ ਸੁਝਾਅ ਸਿਰਫ਼ ਤੁਹਾਡੀ ਸਮਝ ਲਈ ਹਨ। ਇਨ੍ਹਾਂ ਦੀ ਪਾਲਣਾ ਕਰਨ ਤੋਂ ਪਹਿਲਾਂ ਆਪਣੇ ਨਿੱਜੀ ਡਾਕਟਰ ਦੀ ਸਲਾਹ ਲੈਣੀ ਬਿਹਤਰ ਹੈ।
