ਮੁੰਬਈ: ਬਾਲੀਵੁੱਡ ਅਦਾਕਾਰ ਵਿਕਰਾਂਤ ਮੈਸੀ ਸਟਾਰਰ ਹਿੱਟ ਡਰਾਮਾ ਫਿਲਮ '12ਵੀਂ ਫੇਲ੍ਹ' ਨੇ ਹਾਲ ਹੀ 'ਚ ਸਿਨੇਮਾਘਰਾਂ 'ਚ 25 ਹਫਤੇ ਪੂਰੇ ਕੀਤੇ ਹਨ। ਇਹ ਫਿਲਮ 27 ਅਕਤੂਬਰ 2023 ਨੂੰ ਰਿਲੀਜ਼ ਹੋਈ ਸੀ। ਸੰਨੀ ਦਿਓਲ ਦੀ 'ਗਦਰ: ਏਕ ਪ੍ਰੇਮ ਕਥਾ' ਦੇ 23 ਸਾਲਾਂ ਬਾਅਦ ਕੋਈ ਵੀ ਫਿਲਮ ਇੰਨੇ ਲੰਬੇ ਸਮੇਂ ਤੱਕ ਸਿਨੇਮਾਘਰਾਂ ਵਿੱਚ ਨਹੀਂ ਚੱਲੀ ਸੀ। ਹੁਣ '12ਵੀਂ ਫੇਲ੍ਹ' ਨੂੰ ਲੈ ਕੇ ਵੱਡੀ ਖਬਰ ਆ ਰਹੀ ਹੈ। ਇਹ ਫਿਲਮ ਹੁਣ ਗੁਆਂਢੀ ਦੇਸ਼ ਚੀਨ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਇੱਕ ਇੰਟਰਵਿਊ ਵਿੱਚ ਵਿਕਰਾਂਤ ਮੈਸੀ ਨੇ ਖੁਲਾਸਾ ਕੀਤਾ ਹੈ ਕਿ ਫਿਲਮ 12ਵੀਂ ਫੇਲ੍ਹ ਚੀਨ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਅਦਾਕਾਰ ਨੇ ਦੱਸਿਆ ਕਿ ਉਹ ਫਿਲਮ ਦੀ ਪ੍ਰਮੋਸ਼ਨ ਲਈ ਜਲਦੀ ਹੀ ਚੀਨ ਜਾ ਰਹੇ ਹਨ। ਇਸ ਇੰਟਰਵਿਊ 'ਚ ਮੈਸੀ ਨੇ ਕਿਹਾ, 'ਇਸ ਬਾਰੇ ਗੱਲ ਕਰਨਾ ਜਲਦਬਾਜ਼ੀ ਹੋਵੇਗੀ ਪਰ ਮੈਂ ਬਹੁਤ ਉਤਸ਼ਾਹਿਤ ਹਾਂ ਅਤੇ ਅਜਿਹਾ ਹੀ ਕੁਝ ਹੋਣ ਵਾਲਾ ਹੈ।'
- " class="align-text-top noRightClick twitterSection" data="">
20 ਹਜ਼ਾਰ ਸਕ੍ਰੀਨਜ਼ 'ਤੇ ਰਿਲੀਜ਼ ਹੋਵੇਗੀ ਫਿਲਮ: ਵਿਕਰਾਂਤ ਨੇ ਇਸ ਇੰਟਰਵਿਊ 'ਚ ਦੱਸਿਆ, '12ਵੀਂ ਫੇਲ੍ਹ ਦੇ ਨਿਰਮਾਤਾ ਹੁਣ ਫਿਲਮ ਨੂੰ ਚੀਨ 'ਚ ਰਿਲੀਜ਼ ਕਰਨ ਦੀ ਤਿਆਰੀ 'ਚ ਹਨ, ਫਿਲਮ ਨੂੰ ਚੀਨ 'ਚ 20 ਹਜ਼ਾਰ ਤੋਂ ਵੱਧ ਸਕ੍ਰੀਨਜ਼ 'ਤੇ ਰਿਲੀਜ਼ ਕੀਤਾ ਜਾਵੇਗਾ। ਇਸ 'ਤੇ ਪਿਛਲੇ ਮਹੀਨਿਆਂ ਤੋਂ ਕੰਮ ਚੱਲ ਰਿਹਾ ਹੈ। ਦੱਸ ਦੇਈਏ ਕਿ ਚੀਨ ਵਿੱਚ ਹਿੰਦੀ ਫਿਲਮਾਂ ਦੀ ਕਾਫੀ ਮੰਗ ਹੈ। ਚੀਨ ਵਿੱਚ 12ਵੀਂ ਫੇਲ੍ਹ ਨੂੰ 20 ਹਜ਼ਾਰ ਤੋਂ ਵੱਧ ਸਕਰੀਨ ਮਿਲ ਚੁੱਕੀਆਂ ਹਨ।
ਤੁਹਾਨੂੰ ਦੱਸ ਦੇਈਏ ਫਿਲਮ '12ਵੀਂ ਫੇਲ੍ਹ' ਨੂੰ ਵਿਧੂ ਵਿਨੋਦ ਚੋਪੜਾ ਨੇ ਸਹਿ-ਨਿਰਮਾਣ ਕੀਤਾ ਹੈ। ਇਹ ਫਿਲਮ 2019 ਵਿੱਚ ਰਿਲੀਜ਼ ਹੋਈ ਉਸੇ ਨਾਮ ਦੀ ਇੱਕ ਕਿਤਾਬ 'ਤੇ ਅਧਾਰਤ ਹੈ, ਜਿਸ ਵਿੱਚ ਆਈਪੀਐਸ ਮਨੋਜ ਕੁਮਾਰ ਸ਼ਰਮਾ ਦਾ ਆਈਪੀਐਸ ਬਣਨ ਲਈ ਸੰਘਰਸ਼ ਸ਼ਾਮਲ ਹੈ।
