ਚੰਡੀਗੜ੍ਹ: ਪੰਜਾਬੀ ਸਿਨੇਮਾ ਦੀਆਂ ਕਾਮਯਾਬ ਅਤੇ ਚਰਚਿਤ ਫਿਲਮਾਂ ਵਿੱਚ ਸ਼ੁਮਾਰ ਕਰਵਾਉਣ ਵਿੱਚ ਸਫ਼ਲ ਰਹੀਆਂ 'ਡਾਕੂਆਂ ਦਾ ਮੁੰਡਾ' ਅਤੇ 'ਡਾਕੂਆਂ ਦਾ ਮੁੰਡਾ 2' ਦੇ ਤੀਸਰੇ ਸੀਕਵਲ ਦਾ ਅੱਜ ਆਖਿਰ ਸ਼ੂਟਿੰਗ ਆਗਾਜ਼ ਕਰ ਦਿੱਤਾ ਗਿਆ ਹੈ, ਜਿਸ ਵਿੱਚ ਇੱਕ ਵਾਰ ਫਿਰ ਦੇਵ ਖਰੌੜ ਲੀਡ ਭੂਮਿਕਾ ਨਿਭਾਉਂਦੇ ਨਜ਼ਰੀ ਆਉਣਗੇ।
'ਡਰੀਮ ਰਿਐਲਟੀ ਮੂਵੀਜ਼' ਅਤੇ 'ਰਵਨੀਤ ਚਾਹਲ' ਵੱਲੋਂ ਨਿਰਮਿਤ ਕੀਤੀ ਜਾ ਰਹੀ ਇਸ ਫਿਲਮ ਦਾ ਨਿਰਦੇਸ਼ਨ ਨੌਜਵਾਨ ਅਤੇ ਪਾਲੀਵੁੱਡ ਦੇ ਸਫਲਤਮ ਨਿਰਦੇਸ਼ਕਾਂ ਵਿੱਚ ਆਪਣਾ ਸ਼ੁਮਾਰ ਕਰਵਾਉਂਦੇ ਮਨਦੀਪ ਬੈਨੀਪਾਲ ਕਰਨਗੇ, ਜੋ ਇਸ ਤੋਂ ਪਹਿਲਾਂ 'ਦੇਸੀ ਮੁੰਡੇ', 'ਏਕਮ', 'ਸਾਡਾ ਹੱਕ', 'ਯੋਧਾ', 'ਡੀ.ਐਸ.ਪੀ ਦੇਵ', 'ਕਾਕਾ ਜੀ', 'ਡਾਕੂਆਂ ਦਾ ਮੁੰਡਾ', 'ਡਾਕੂਆਂ ਦਾ ਮੁੰਡਾ 2', 'ਯਾਰਾਂ ਦਾ ਰੁਤਬਾ' ਆਦਿ ਜਿਹੀਆਂ ਕਈ ਸ਼ਾਨਦਾਰ ਫਿਲਮਾਂ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ।
ਪੰਜਾਬੀ ਸਿਨੇਮਾ ਦੇ ਬਿਹਤਰੀਨ ਐਕਟਰ ਵਜੋਂ ਚੌਖੀ ਭੱਲ ਸਥਾਪਿਤ ਕਰ ਚੁੱਕੇ ਅਦਾਕਾਰ ਦੇਵ ਖਰੌੜ ਦੇ ਕਰੀਅਰ ਨੂੰ ਚਾਰ ਚੰਨ ਲਗਾਉਣ ਵਿੱਚ ਉਨਾਂ ਦੀ ਪੁਜੀਸ਼ਨ ਨੂੰ ਸਿਨੇਮਾ ਖੇਤਰ ਵਿੱਚ ਹੋਰ ਮਜ਼ਬੂਤ ਕਰਨ ਵਿੱਚ 'ਡਾਕੂਆਂ ਦਾ ਮੁੰਡਾ' ( 2018) ਅਤੇ 'ਡਾਕੂਆਂ ਦਾ ਮੁੰਡਾ 2' (2021) ਨੇ ਅਹਿਮ ਭੂਮਿਕਾ ਨਿਭਾਈ ਹੈ, ਜਿੰਨਾਂ ਵੱਲੋਂ ਆਪਣੇ ਇਸ ਤੀਸਰੇ ਸੀਕਵਲ ਦੀ ਘੋਸ਼ਣਾ ਕਰਦਿਆਂ ਕਾਫ਼ੀ ਖੁਸ਼ੀ ਮਹਿਸੂਸ ਕੀਤੀ ਜਾ ਰਹੀ ਹੈ।
- Movies Based on Punjabi Literature:'ਪਿੰਜਰ' ਤੋਂ ਲੈ ਕੇ 'ਡਾਕੂਆਂ ਦਾ ਮੁੰਡਾ' ਤੱਕ, ਪੰਜਾਬੀ ਸਾਹਿਤ ਤੋਂ ਪ੍ਰੇਰਿਤ ਨੇ ਪਾਲੀਵੁੱਡ-ਬਾਲੀਵੁੱਡ ਦੀਆਂ ਇਹ ਫਿਲਮਾਂ
- Dhirendra Shukla: ਫਿਲਮ ‘ਚਬੂਤਰੋਂ’ ਲਈ ਧੀਰੇਂਦਰ ਸ਼ੁਕਲਾ ਨੂੰ ਮਿਲਿਆ ‘ਸਿਨੇਮਾਟੋਗ੍ਰਾਫ਼ਰ ਆਫ਼ ਦਾ ਈਅਰ 2022 ਐਵਾਰਡ’
- ਸਿੱਧੂ ਮੂਸੇਵਾਲਾ ਅਤੇ ਚਮਕੀਲਾ ਹੀ ਨਹੀਂ, ਗੋਲੀ ਦੇ ਸ਼ਿਕਾਰ ਹੋ ਚੁੱਕੇ ਨੇ ਪੰਜਾਬੀ ਸਿਨੇਮਾ ਦੇ ਇਹ ਫਨਕਾਰ - Punjabi Singers Who Were Shot Dead
ਇਸੇ ਸੰਬੰਧੀ ਆਪਣੇ ਮਨੀ ਵਲਵਲਿਆਂ ਦਾ ਇਜ਼ਹਾਰ ਕਰਦੇ ਹੋਏ ਇਸ ਉਮਦਾ ਅਦਾਕਾਰ ਨੇ ਕਿਹਾ ਕਿ ਦਰਸ਼ਕਾਂ ਵੱਲੋਂ ਪਿਛਲੇ ਲੰਮੇਂ ਸੁਮੇਲ ਤੋਂ ਬਹੁਤ ਹੀ ਬੇਸਬਰੀ ਨਾਲ ਇਸ ਤੀਸਰੇ ਸੀਕਵਲ ਦੀ ਉਡੀਕ ਕੀਤੀ ਜਾ ਰਹੀ ਸੀ, ਜਿੰਨਾਂ ਦੀ ਆਸ ਆਖਰਕਾਰ ਪੂਰੀ ਕਰਨ ਜਾ ਰਹੀ ਹੈ ਸਾਡੀ ਪੂਰੀ ਸਾਰੀ ਟੀਮ, ਜਿਸ ਵੱਲੋਂ ਇਸ ਇਕ ਹੋਰ ਮਹੱਤਵਪੂਰਨ ਸਿਨੇਮਾ ਪ੍ਰੋਜੈਕਟ ਨੂੰ ਹਰ ਪੱਖੋਂ ਪ੍ਰਭਾਵੀ ਬਣਾਉਣ ਲਈ ਆਪਣਾ ਪੂਰਾ ਜ਼ੋਰ ਲਾਇਆ ਜਾਵੇਗਾ।
ਹਾਲ ਹੀ ਵਿੱਚ ਰਿਲੀਜ਼ ਹੋਈ ਆਪਣੀ ਫਿਲਮ 'ਬਲੈਕੀਆ 2' ਵਿਚਲੇ ਕਿਰਦਾਰ ਨੂੰ ਮਿਲੀ ਸਲਾਹੁਤਾ ਨਾਲ ਕਾਫ਼ੀ ਉਤਸ਼ਾਹਿਤ ਵਿਖਾਈ ਦੇ ਰਿਹਾ ਅਦਾਕਾਰ ਦੇਵ ਖਰੌੜ ਅਨੁਸਾਰ ਸ਼ੂਟਿੰਗ ਪੜਾਅ ਵੱਲ ਵੱਧ ਚੁੱਕੀ ਉਕਤ ਐਕਸ਼ਨ ਡ੍ਰਾਮੈਟਿਕ ਫਿਲਮ ਵਿੱਚ ਸਿਨੇਮਾ ਸਿਰਜਨਾ ਦਾ ਹਰ ਖੂਬਸੂਰਤ ਰੰਗ ਦਰਸ਼ਕਾਂ ਨੂੰ ਵੇਖਣ ਨੂੰ ਮਿਲੇਗਾ, ਜਿਸ ਸੰਬੰਧਤ ਸਟਾਰ ਕਾਸਟ ਅਤੇ ਹੋਰਨਾਂ ਪਹਿਲੂਆਂ ਦਾ ਖੁਲਾਸਾ ਜਲਦ ਕਰ ਦਿੱਤਾ ਜਾਵੇਗਾ।
