Unheard Things About Punjabi Actresses: ਇਸ ਲੇਖ ਨੂੰ ਪੜ੍ਹਨ ਤੋਂ ਪਹਿਲਾਂ ਯਕੀਨਨ ਤੁਸੀਂ ਪੰਜਾਬੀ ਅਦਾਕਾਰਾਂ ਬਾਰੇ ਕਾਫੀ ਕੁੱਝ ਜਾਣਦੇ ਹੋਵੋਗੇ, ਪਰ ਜੋ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਇਹ ਤੱਥ ਤੁਹਾਡੇ ਲਈ ਨਵੇਂ ਹਨ। ਅੱਜ ਅਸੀਂ ਪੰਜਾਬੀ ਸਿਨੇਮਾ ਦੀ 'ਕੁਈਨ' ਨੀਰੂ ਬਾਜਵਾ, ਸੋਨਮ ਬਾਜਵਾ, ਤਾਨੀਆ, ਹਿਮਾਂਸ਼ੀ ਖੁਰਾਨਾ ਅਤੇ ਸਰਗੁਣ ਮਹਿਤਾ ਬਾਰੇ ਅਜਿਹੀਆਂ ਗੱਲਾਂ ਲੈ ਕੇ ਆਏ ਹਾਂ, ਜਿੰਨ੍ਹਾਂ ਨੂੰ ਤੁਸੀਂ ਪਹਿਲੀ ਵਾਰ ਪੜ੍ਹੋਗੇ।
ਨੀਰੂ ਬਾਜਵਾ: ਪੰਜਾਬੀ ਸਿਨੇਮਾ ਦੀ 'ਰਾਣੀ' ਨੀਰੂ ਬਾਜਵਾ ਦਹਾਕਿਆਂ ਤੋਂ ਪੰਜਾਬੀ ਇੰਡਸਟਰੀ 'ਤੇ ਰਾਜ ਕਰਦੀ ਆ ਰਹੀ ਹੈ ਅਤੇ ਅਸੀਂ ਸਾਰੇ ਜਾਣਦੇ ਹਾਂ ਕਿ ਉਸਨੇ ਹਰ ਖੇਤਰ ਵਿੱਚ ਆਪਣਾ ਹੱਥ ਅਜ਼ਮਾਇਆ ਹੈ, ਭਾਵੇਂ ਉਹ ਅਦਾਕਾਰੀ, ਨਿਰਦੇਸ਼ਨ ਜਾਂ ਨਿਰਮਾਣ ਹੋਵੇ। ਹਾਲਾਂਕਿ, ਕੀ ਤੁਸੀਂ ਜਾਣਦੇ ਹੋ ਕਿ ਉਸਨੇ ਇੱਕ ਸੁੰਦਰਤਾ ਮੁਕਾਬਲੇ ਵਿੱਚ ਵੀ ਹਿੱਸਾ ਲਿਆ ਸੀ? ਉਹ ਮਿਸ ਇੰਡੀਆ ਕੈਨੇਡਾ ਮੁਕਾਬਲੇ ਵਿੱਚ ਪ੍ਰਤੀਯੋਗੀ ਸੀ। ਉਸ ਨੂੰ ਸੁੰਦਰਤਾ ਮੁਕਾਬਲੇ ਵਿੱਚ ਉਪ ਜੇਤੂ ਖਿਤਾਬ ਨਾਲ ਤਾਜ ਪਹਿਨਾਇਆ ਗਿਆ ਸੀ...ਤਾਂ ਫਿਰ ਹੈਗੀ ਆ ਨਾ ਤੁਹਾਡੇ ਲਈ ਇਹ ਨਵੀਂ ਗੱਲ।
ਤਾਨੀਆ: ਪੰਜਾਬੀ ਅਦਾਕਾਰਾ ਤਾਨੀਆ ਜਿਸ ਨੇ ਫਿਲਮ 'ਸੁਫ਼ਨਾ' ਨਾਲ ਸਿਨੇਮਾਘਰਾਂ 'ਚ ਜਗ੍ਹਾਂ ਬਣਾਈ ਸੀ, ਅਦਾਕਾਰਾ ਨੇ 2018 'ਚ 'ਕਿਸਮਤ' ਨਾਲ ਪਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਉਦੋਂ ਤੋਂ ਉਸ ਨੂੰ ਕੁਝ ਵਧੀਆ ਪੰਜਾਬੀ ਪ੍ਰੋਜੈਕਟਾਂ ਲਈ ਮੌਕੇ ਮਿਲੇ ਹਨ। ਪਰ ਪੰਜਾਬੀ ਇੰਡਸਟਰੀ ਵਿੱਚ ਆਉਣ ਤੋਂ ਪਹਿਲਾਂ ਹੀ ਉਸਨੂੰ ਇੱਕ ਬਾਲੀਵੁੱਡ ਫਿਲਮ ਵਿੱਚ ਰੋਲ ਆਫਰ ਕੀਤਾ ਗਿਆ ਸੀ। ਖਬਰਾਂ ਮੁਤਾਬਕ ਉਸ ਨੂੰ 2016 'ਚ ਰਿਲੀਜ਼ ਹੋਈ ਹਿੰਦੀ ਫਿਲਮ 'ਸਰਬਜੀਤ' 'ਚ ਸਰਬਜੀਤ ਦੀ ਬੇਟੀ ਦਾ ਰੋਲ ਆਫਰ ਕੀਤਾ ਗਿਆ ਸੀ। ਹਾਲਾਂਕਿ, ਆਪਣੀਆਂ ਪ੍ਰੀਖਿਆਵਾਂ ਕਾਰਨ ਤਾਨੀਆ ਨੂੰ ਭੂਮਿਕਾ ਤੋਂ ਇਨਕਾਰ ਕਰਨਾ ਪਿਆ।
ਸਰਗੁਣ ਮਹਿਤਾ: ਸਰਗੁਣ ਮਹਿਤਾ ਇੱਕ ਸ਼ਾਨਦਾਰ ਅਦਾਕਾਰਾ ਹੀ ਨਹੀਂ ਸਗੋਂ ਇੱਕ ਸ਼ਾਨਦਾਰ ਡਾਂਸਰ ਵੀ ਹੈ। ਉਸ ਦੇ ਇੰਸਟਾਗ੍ਰਾਮ 'ਤੇ ਰੀਲਾਂ ਹਨ, ਜੋ ਇਸ ਗੱਲ ਦਾ ਸਬੂਤ ਹਨ। ਅਸੀਂ ਸਾਰੇ ਜਾਣਦੇ ਹਾਂ ਕਿ ਉਸਨੇ ਆਪਣੇ ਪਤੀ ਰਵੀ ਦੂਬੇ ਨਾਲ ਇੱਕ ਪ੍ਰਸਿੱਧ ਜੋੜੀ ਡਾਂਸ ਰਿਐਲਿਟੀ ਸ਼ੋਅ ਵਿੱਚ ਹਿੱਸਾ ਲਿਆ ਸੀ। ਹਾਲਾਂਕਿ, ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਉਸਨੇ ਇੱਕ ਬੱਚੇ ਦੇ ਰੂਪ ਵਿੱਚ ਇੱਕ ਡਾਂਸ ਰਿਐਲਿਟੀ ਸ਼ੋਅ ਵਿੱਚ ਵੀ ਹਿੱਸਾ ਲਿਆ ਸੀ। ਹਾਲਾਂਕਿ ਉਹ ਮੁਕਾਬਲੇ ਵਿੱਚ ਜ਼ਿਆਦਾ ਦੂਰ ਨਹੀਂ ਜਾ ਸਕੀ।
ਸੋਨਮ ਬਾਜਵਾ: ਅਦਾਕਾਰੀ ਦੀ ਦੁਨੀਆ ਵਿੱਚ ਆਉਣ ਤੋਂ ਪਹਿਲਾਂ ਸੋਨਮ ਬਾਜਵਾ ਨੇ ਮਾਡਲਿੰਗ ਵਿੱਚ ਹੱਥ ਅਜ਼ਮਾਇਆ ਸੀ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ 'ਸਰਦਾਰ ਜੀ', 'ਪੰਜਾਬ 1984' ਅਤੇ ਹੋਰਾਂ ਵਰਗੀਆਂ ਫਿਲਮਾਂ ਵਿੱਚ ਪ੍ਰਸਿੱਧੀ ਹਾਸਲ ਕਰਨ ਤੋਂ ਪਹਿਲਾਂ ਉਹ ਇੱਕ ਏਅਰ ਹੌਸਟੈੱਸ ਸੀ।
ਇਹ ਵੀ ਪੜ੍ਹੋ:
- ਰਾਣਾ ਰਣਬੀਰ ਨੇ ਨਾਟਕ 'ਮਾਸਟਰ ਜੀ' ਦੀ ਨਵੀਂ ਟੂਰ ਲੜੀ ਦਾ ਕੀਤਾ ਐਲਾਨ, ਇਸ ਦਿਨ ਕਰਨਗੇ ਆਗਾਜ਼ - Rana Ranbir
- ਫਿਲਮ 'ਐਮਰਜੈਂਸੀ' ਉਤੇ ਲਟਕ ਰਹੀ ਹੈ ਤਲਵਾਰ, ਕੰਗਨਾ ਰਣੌਤ ਨੂੰ ਭੇਜਿਆ ਗਿਆ ਲੀਗਲ ਨੋਟਿਸ, ਫਿਲਮ ਬੈਨ ਕਰਨ ਦੀ ਉੱਠੀ ਮੰਗ - emergency movie controversy
- 81 ਸਾਲ ਦੀ ਉਮਰ ਵਿੱਚ ਵੀ ਕਿਉਂ ਕੁਆਰੀ ਹੈ ਨਿਰਮਲ ਰਿਸ਼ੀ, ਅਦਾਕਾਰਾ ਨੇ ਖੁਦ ਕੀਤਾ ਖੁਲਾਸਾ - Nirmal Rishi did not get married
