ਮੁੰਬਈ: 'ਬਿੱਗ ਬੌਸ' ਓਟੀਟੀ ਸੀਜ਼ਨ 3 ਦਾ ਪ੍ਰੀਮੀਅਰ 21 ਜੂਨ ਨੂੰ ਹੋਣ ਜਾ ਰਿਹਾ ਹੈ। ਸ਼ੋਅ ਨੂੰ ਲੈ ਕੇ ਲੋਕਾਂ ਦਾ ਉਤਸ਼ਾਹ ਸਿਖਰਾਂ 'ਤੇ ਹੈ। ਦਿੱਗਜ ਬਾਲੀਵੁੱਡ ਅਦਾਕਾਰ ਅਨਿਲ ਕਪੂਰ ਸਲਮਾਨ ਖਾਨ ਦੀ ਜਗ੍ਹਾਂ ਸ਼ੋਅ ਦੀ ਮੇਜ਼ਬਾਨੀ ਕਰਨਗੇ। ਹਾਲ ਹੀ 'ਚ ਮੇਕਰਸ ਨੇ ਬਿੱਗ ਬੌਸ ਦੀ ਅੰਦਰਲੀ ਫੋਟੋ ਸ਼ੇਅਰ ਕੀਤੀ ਹੈ, ਜੋ ਕਾਫੀ ਖੂਬਸੂਰਤ ਹੈ। ਇਸ ਝਲਕ ਨੇ ਦਰਸ਼ਕਾਂ ਦੇ ਉਤਸ਼ਾਹ ਦਾ ਪੱਧਰ ਹੋਰ ਵੀ ਉੱਚਾ ਕਰ ਦਿੱਤਾ ਹੈ।
ਵੀਰਵਾਰ (20 ਜੂਨ) ਨੂੰ ਨਿਰਮਾਤਾਵਾਂ ਨੇ ਇੰਸਟਾਗ੍ਰਾਮ 'ਤੇ ਬੌਸ ਓਟੀਟੀ ਸੀਜ਼ਨ 3 ਦੇ ਘਰ ਦੀ ਇੱਕ ਫੋਟੋ ਸਾਂਝੀ ਕੀਤੀ ਹੈ, ਜੋ ਕਿ ਬਹੁਤ ਮਜ਼ੇਦਾਰ ਹੈ। ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਮੇਕਰਸ ਨੇ ਕੈਪਸ਼ਨ 'ਚ ਲਿਖਿਆ ਹੈ, 'ਸ਼ੀਸ਼ਾ, ਸ਼ੀਸ਼ਾ ਕੰਧ 'ਤੇ ਸ਼ੀਸ਼ਾ, ਬਿੱਗ ਬੌਸ ਓਟੀਟੀ 3 ਦਾ ਘਰ ਤੁਹਾਨੂੰ ਸਾਰਿਆਂ ਨੂੰ ਮੰਤਰਮੁਗਧ ਕਰ ਦੇਵੇਗਾ। ਬਿੱਗ ਬੌਸ ਦੇ ਘਰ ਦੀ ਝਲਕ ਦੇਖਣ ਲਈ ਹੁਣੇ JioCinema ਪ੍ਰੀਮੀਅਮ 'ਤੇ ਜਾਓ।'
ਵਾਇਰਲ ਤਸਵੀਰ ਦੀ ਗੱਲ ਕਰੀਏ ਤਾਂ ਇਹ ਬਿੱਗ ਬੌਸ OTT 3 ਦੇ ਘਰ ਦੀਆਂ ਕੰਧਾਂ 'ਤੇ ਲਟਕਦੇ ਸਜਾਏ ਸ਼ੀਸ਼ੇ ਦੀ ਹੈ। ਸ਼ੀਸ਼ੇ ਦੇ ਫਰੇਮ ਨੂੰ ਸੁਨਹਿਰੀ ਰੰਗ ਵਿੱਚ ਡਿਜ਼ਾਈਨ ਕੀਤਾ ਗਿਆ ਹੈ, ਜੋ ਕਿ ਬਿੱਗ ਬੌਸ ਦੇ ਘਰ ਦੀ ਸ਼ਾਨ ਨੂੰ ਦਰਸਾ ਰਿਹਾ ਹੈ। ਤਸਵੀਰ ਵਿੱਚ ਕਈ ਪੇਂਟਿੰਗਜ਼ ਵੀ ਵੇਖੀਆਂ ਜਾ ਸਕਦੀਆਂ ਹਨ। ਕਮਰਾ ਮੱਧਮ ਰੋਸ਼ਨੀ ਵਿੱਚ ਦੇਖਿਆ ਜਾ ਸਕਦਾ ਹੈ।
- ਇੰਤਜ਼ਾਰ ਖਤਮ...ਰਿਲੀਜ਼ ਹੋਇਆ 'ਮਿਰਜ਼ਾਪੁਰ 3' ਦਾ 'ਗਦਰ' ਮਚਾਉਣ ਵਾਲਾ ਟ੍ਰੇਲਰ, ਦੇਖੋ - Mirzapur 3 Trailer Out
- ਰਿਲੀਜ਼ ਲਈ ਤਿਆਰ ਹੈ ਸੁਰਜੀਤ ਖਾਨ ਦਾ ਇਹ ਨਵਾਂ ਗਾਣਾ, ਇਸ ਦਿਨ ਆਵੇਗਾ ਸਾਹਮਣੇ - Surjit Khan New Song
- ਸੋਨਾਕਸ਼ੀ ਸਿਨਹਾ ਦੇ ਵਿਆਹ ਨੂੰ ਲੈ ਕੇ ਬੋਲੇ ਅਦਾਕਾਰ ਸ਼ਤਰੂਘਨ ਸਿਨਹਾ, ਕਿਹਾ-ਉਹ ਮੇਰੀ ਇਕਲੌਤੀ ਧੀ... - Sonakshi Sinha Zaheer Iqbal Wedding
ਤੁਹਾਨੂੰ ਦੱਸ ਦੇਈਏ ਕਿ ਜੀਓ ਸਿਨੇਮਾ ਦੇ ਨਿਰਮਾਤਾਵਾਂ ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਹੈਂਡਲ 'ਤੇ ਦੋ ਵੀਡੀਓ ਜਾਰੀ ਕੀਤੇ ਹਨ ਅਤੇ ਪਹਿਲੇ ਦੋ ਪ੍ਰਤੀਯੋਗੀਆਂ ਦਾ ਖੁਲਾਸਾ ਕੀਤਾ ਹੈ। ਪਹਿਲੀ ਕਲਿੱਪ ਵਿੱਚ ਵੜਾ ਪਾਵ ਵੇਚਣ ਵਾਲੀ ਇੱਕ ਔਰਤ ਨੂੰ ਦਿਖਾਇਆ ਗਿਆ ਸੀ ਅਤੇ ਪ੍ਰਸ਼ੰਸਕਾਂ ਨੇ ਜਲਦੀ ਹੀ ਉਸਦੀ ਪਛਾਣ ਚੰਦਰਿਕਾ ਦੀਕਸ਼ਿਤ ਵਜੋਂ ਕੀਤੀ। ਅਗਲੀ ਵੀਡੀਓ ਵਿੱਚ ਇੱਕ ਆਦਮੀ ਨੂੰ ਟੋਪੀ ਪਹਿਨ ਕੇ ਸੜਕਾਂ ਉਤੇ ਘੁੰਮਦਾ ਦਿਖਾਇਆ ਗਿਆ।ਪ੍ਰਸ਼ੰਸਕਾਂ ਨੇ ਉਸਨੂੰ ਇੱਕ ਪ੍ਰਸਿੱਧ ਰੈਪਰ ਨਾਜ਼ੀ ਹੋਣ ਦਾ ਅੰਦਾਜ਼ਾ ਲਗਾਇਆ। ਤੁਹਾਨੂੰ ਦੱਸ ਦੇਈਏ ਕਿ ਬਿੱਗ ਬੌਸ OTT 3 ਦੀ ਸਟ੍ਰੀਮਿੰਗ 21 ਜੂਨ 2024 ਨੂੰ ਜੀਓ ਸਿਨੇਮਾ ਪ੍ਰੀਮੀਅਮ 'ਤੇ ਸ਼ੁਰੂ ਹੋਵੇਗੀ। ਅਨਿਲ ਕਪੂਰ ਨਵੇਂ ਸੀਜ਼ਨ ਦੇ ਮੇਜ਼ਬਾਨ ਵਜੋਂ ਨਜ਼ਰ ਆਉਣਗੇ।
