ਮੁੰਬਈ: 'ਬਿੱਗ ਬੌਸ 18' ਦਾ ਪਹਿਲਾ ਪ੍ਰੋਮੋ ਰਿਲੀਜ਼ ਹੋ ਗਿਆ ਹੈ। ਨਿਰਮਾਤਾਵਾਂ ਨੇ ਸੋਮਵਾਰ ਰਾਤ 16 ਸਤੰਬਰ ਨੂੰ ਬਿੱਗ ਬੌਸ ਸੀਜ਼ਨ 18 ਦਾ ਪ੍ਰੋਮੋ ਜਾਰੀ ਕੀਤਾ ਸੀ। ਇਸ ਨੇ ਪ੍ਰਸ਼ੰਸਕਾਂ ਅਤੇ ਦਰਸ਼ਕਾਂ ਨੂੰ ਉਤਸ਼ਾਹਿਤ ਕਰ ਦਿੱਤਾ ਹੈ। ਨਿਰਮਾਤਾਵਾਂ ਨੇ ਸਲਮਾਨ ਖਾਨ ਦੁਆਰਾ ਹੋਸਟ ਕੀਤੇ ਜਾਣ ਵਾਲੇ ਇਸ ਰਿਐਲਿਟੀ ਸ਼ੋਅ ਦੀ ਥੀਮ ਦਾ ਵੀ ਖੁਲਾਸਾ ਕੀਤਾ ਹੈ।
ਬੀਤੀ ਦੇਰ ਰਾਤ 'ਬਿੱਗ ਬੌਸ' ਦੇ ਨਿਰਮਾਤਾਵਾਂ ਨੇ ਸੋਸ਼ਲ ਮੀਡੀਆ 'ਤੇ ਸ਼ੋਅ ਦੇ ਸੀਜ਼ਨ 18 ਦੇ ਪ੍ਰੋਮੋ ਅਤੇ ਥੀਮ ਦਾ ਖੁਲਾਸਾ ਕੀਤਾ ਹੈ। ਇਸ ਵਾਰ ਪ੍ਰਸਿੱਧ ਰਿਐਲਿਟੀ ਸ਼ੋਅ ਨੇ 'ਟਾਈਮ ਕਾ ਤਾਂਡਵ' ਥੀਮ ਪੇਸ਼ ਕੀਤਾ ਹੈ, ਜੋ ਉੱਚ ਡਰਾਮੇ ਅਤੇ ਸਸਪੈਂਸ ਦਾ ਵਾਅਦਾ ਕਰਦਾ ਹੈ। ਬਿੱਗ ਬੌਸ' ਸੀਜ਼ਨ 18 ਦਾ ਪ੍ਰੋਮੋ ਜਾਰੀ ਕਰਦੇ ਹੋਏ ਮੇਕਰਸ ਨੇ ਕੈਪਸ਼ਨ 'ਚ ਲਿਖਿਆ ਹੈ ਕਿ ਮਨੋਰੰਜਨ ਦੀ ਇੱਛਾ ਪੂਰੀ ਹੋਵੇਗੀ, ਜਦੋਂ ਸਮੇਂ ਦਾ ਤਾਲ ਬਿੱਗ ਬੌਸ 'ਚ ਨਵਾਂ ਮੋੜ ਲੈ ਕੇ ਆਵੇਗਾ। ਕੀ ਤੁਸੀਂ ਸੀਜ਼ਨ 18 ਲਈ ਤਿਆਰ ਹੋ?
ਕਲਰਸ ਟੀਵੀ ਨੇ ਪ੍ਰੋਮੋ ਸ਼ੇਅਰ ਕੀਤਾ ਹੈ, ਜੋ ਸਲਮਾਨ ਖਾਨ ਦੇ ਐਲਾਨ ਨਾਲ ਸ਼ੁਰੂ ਹੁੰਦਾ ਹੈ। ਸਲਮਾਨ ਖਾਨ ਦਾ ਕਹਿਣਾ ਹੈ, "ਬਿੱਗ ਬੌਸ ਘਰ ਵਾਲਿਆਂ ਦਾ ਭਵਿੱਖ ਦੇਖੇਗਾ। ਹੁਣ ਸਮੇਂ ਦਾ ਤਾਲ-ਮੇਲ ਹੋਵੇਗਾ।" ਫਿਲਹਾਲ, ਇਸ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
'ਬਿੱਗ ਬੌਸ 18' 'ਤੇ ਪ੍ਰਸ਼ੰਸਕਾਂ ਦੀ ਪ੍ਰਤੀਕਿਰਿਆ: ਪ੍ਰੋਮੋ ਸ਼ੇਅਰ ਹੁੰਦੇ ਹੀ ਪ੍ਰਸ਼ੰਸਕਾਂ ਨੇ ਆਪਣੀਆਂ ਪ੍ਰਤੀਕਿਰਿਆਵਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਇੱਕ ਪ੍ਰਸ਼ੰਸਕ ਨੇ ਲਿਖਿਆ,'ਪ੍ਰੋਮੋ ਬਹੁਤ ਉਦਾਸ ਨਜ਼ਰ ਆ ਰਿਹਾ ਹੈ। ਇਸ ਨੇ ਮੈਨੂੰ 2013/14 ਦੀ ਯਾਦ ਦਿਵਾ ਦਿੱਤੀ, ਜਦੋਂ ਮੈਂ ਸਕੂਲ ਤੋਂ ਵਾਪਸ ਆਉਂਦਾ ਸੀ ਅਤੇ ਟੀਵੀ 'ਤੇ ਸ਼ੋਅ ਨੂੰ ਵੇਖਦਾ ਸੀ। ਉਮੀਦ ਹੈ ਕਿ ਕੰਮ ਅਤੇ ਸਭ ਕੁਝ ਉਸੇ ਸਮੇਂ ਤੋਂ ਹੋਵੇਗਾ।' ਇੱਕ ਹੋਰ ਨੇ ਲਿਖਿਆ, 'ਭਾਈਜਾਨ ਵਾਪਸ ਆ ਗਏ ਹਨ, ਹੁਣ ਮਜ਼ੇਦਾਰ ਹੋਵੇਗਾ।' ਇੱਕ ਪ੍ਰਸ਼ੰਸਕ ਨੇ ਲਿਖਿਆ, 'ਸਲਮਾਨ ਭਾਈ। ਹੁਣ ਸਲਮਾਨ ਭਾਈ ਕਿਸ ਤਰ੍ਹਾਂ ਦੇ ਹੋਸਟ ਹਨ, ਇਹ ਦੇਖਣਾ ਹੋਵੇਗਾ।' ਇੱਕ ਹੋਰ ਪ੍ਰਸ਼ੰਸਕ ਨੇ ਟਿੱਪਣੀ ਕੀਤੀ ਹੈ, 'ਇਸ ਵਾਰ ਲੱਗਦਾ ਹੈ ਕਿ ਟੀਆਰਪੀ ਆਉਣ ਵਾਲੀ ਹੈ।"
'ਬਿੱਗ ਬੌਸ 18' ਦੀ ਪਹਿਲੀ ਪ੍ਰਤੀਯੋਗੀ: ਦੱਸਿਆ ਜਾ ਰਿਹਾ ਹੈ ਕਿ ਨੀਆ ਸ਼ਰਮਾ 'ਬਿੱਗ ਬੌਸ 18' ਦੀ ਪਹਿਲੀ ਪ੍ਰਤੀਯੋਗੀ ਹੋ ਸਕਦੀ ਹੈ। ਨੀਆ ਸ਼ਰਮਾ ਨੂੰ ਇਸ ਤੋਂ ਪਹਿਲਾਂ ਵੀ ਸ਼ੋਅ ਲਈ ਅਪ੍ਰੋਚ ਕੀਤਾ ਗਿਆ ਸੀ ਪਰ ਕਿਸੇ ਕਾਰਨ ਉਹ ਸ਼ੋਅ ਦਾ ਹਿੱਸਾ ਨਹੀਂ ਬਣ ਸਕੀ ਸੀ। ਹਾਲਾਂਕਿ, ਅਜੇ ਤੱਕ ਇਸ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ ਪਰ ਜੇਕਰ ਇਹ ਗੱਲ ਸੱਚ ਸਾਬਤ ਹੁੰਦੀ ਹੈ, ਤਾਂ ਇਸ ਦਾ ਮਤਲਬ ਹੈ ਕਿ ਨੀਆ ਆਉਣ ਵਾਲੇ ਹਫਤਿਆਂ 'ਚ ਲਾਫਟਰ ਸ਼ੈੱਫਸ ਨੂੰ ਛੱਡ ਸਕਦੀ ਹੈ।
'ਬਿੱਗ ਬੌਸ 18' 'ਚ ਇਹ ਪ੍ਰਤੀਯੋਗੀ ਆ ਸਕਦੇ ਨਜ਼ਰ: ਖਬਰਾਂ ਦੀ ਮੰਨੀਏ, ਤਾਂ ਟੀਵੀ ਅਦਾਕਾਰ ਜਾਨ ਖਾਨ, ਚਾਹਤ ਪਾਂਡੇ, ਅੰਜਲੀ ਆਨੰਦ, ਦਿਗਵਿਜੇ ਰਾਠੀ ਅਤੇ 'ਸਤ੍ਰੀ 2' ਸਰਕਟਾ ਦੇ ਅਦਾਕਾਰ ਸੁਨੀਲ ਕੁਮਾਰ ਦੇ ਸ਼ੋਅ 'ਚ ਆਉਣ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ। ਖਬਰਾਂ ਮੁਤਾਬਕ, ਬਿੱਗ ਬੌਸ OTT 3 ਦੇ ਵਿਜੇਤਾ ਅਤੇ ਕਾਮੇਡੀਅਨ ਮੁਨੱਵਰ ਫਾਰੂਕੀ, ਮਨੀਸ਼ਾ ਰਾਣੀ, ਐਲਵਿਸ਼ ਯਾਦਵ ਦੇ ਨਾਂ ਵੀ ਚਰਚਾ ਵਿੱਚ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਬਿੱਗ ਬੌਸ 18 ਅਕਤੂਬਰ ਦੇ ਦੂਜੇ ਹਫਤੇ ਸ਼ੁਰੂ ਹੋਣ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ:-
