ਚੰਡੀਗੜ੍ਹ: 'ਦੂਜੀ ਵਾਰ ਪਿਆਰ', 'ਮੰਮੀ ਨੂੰ ਪਸੰਦ' ਅਤੇ 'ਜੱਟ ਦਿਸਦਾ' ਵਰਗੇ ਗੀਤਾਂ ਲਈ ਜਾਣੀ ਜਾਂਦੀ ਸੁਨੰਦਾ ਸ਼ਰਮਾ ਇਸ ਸਮੇਂ ਆਪਣੀ ਇੱਕ ਤਾਜ਼ਾ ਸਾਂਝੀ ਕੀਤੀ ਵੀਡੀਓ ਕਾਰਨ ਕਾਫੀ ਚਰਚਾ ਬਟੋਰ ਰਹੀ ਹੈ, ਜਿਸ ਵਿੱਚ ਅਦਾਕਾਰਾ ਇਸ ਸਾਲ ਨਾਲ ਸੰਬੰਧਿਤ ਇੱਕ ਚੀਜ਼ ਸਾਂਝੀ ਕਰਦੀ ਨਜ਼ਰ ਆ ਰਹੀ ਹੈ।
ਜੀ ਹਾਂ, ਦਰਅਸਲ ਅਦਾਕਾਰਾ ਦੁਆਰਾ ਸਾਂਝੀ ਕੀਤੀ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਅਦਾਕਾਰਾ ਕਾਲੇ ਕੋਟ ਵਿੱਚ ਪਹਿਲਾਂ ਹੱਸਦੀ ਅਤੇ ਫਿਰ ਅਚਾਨਕ ਰੌਂਦੀ ਨਜ਼ਰੀ ਪੈਂਦੀ ਹੈ, ਇਸ ਵੀਡੀਓ ਦੇ ਉਤੇ ਅਦਾਕਾਰਾ ਨੇ "ਅੰਦਾਜ਼ਾ ਲਗਾਓ ਕਿ ਕੌਣ ਇਸ ਸਾਲ ਨੂੰ ਦੁਬਾਰਾ ਸਿੰਗਲ ਹੀ ਖਤਮ ਕਰ ਰਿਹਾ ਹੈ" ਲਿਖਿਆ ਹੈ। ਇਸ ਤੋਂ ਇਲਾਵਾ ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਅਦਾਕਾਰਾ ਨੇ ਲਿਖਿਆ, 'ਓਹ ਹੋ...ਇਸ ਵਾਰ ਵੀ ਰਹਿ ਗਏ, ਆਹ ਸਾਲ ਵੀ ਗਿਆ।' ਹਾਲਾਂਕਿ ਇਥੇ ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਇਹ ਵੀਡੀਓ ਅਦਾਕਾਰਾ ਨੇ ਸਿਰਫ਼ ਮੌਜ-ਮਸਤੀ ਲਈ ਬਣਾਈ ਹੈ।
ਵੀਡੀਓ ਦੇਖ ਕੇ ਕੀ ਬੋਲੇ ਦਰਸ਼ਕ
ਹੁਣ ਇਸ ਵੀਡੀਓ ਉਤੇ ਯੂਜ਼ਰਸ ਤਰ੍ਹਾਂ-ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ, ਇੱਕ ਨੇ ਲਿਖਿਆ, 'ਇੰਨੇ ਸੋਹਣੇ ਲੋਕ ਵੀ ਜੇਕਰ ਸਿੰਗਲ ਆ ਤਾਂ ਫਿਰ ਮੈਨੂੰ ਤਾਂ ਬਿਲਕੁੱਲ ਵੀ ਦੁੱਖ ਨਹੀਂ ਹੋਣਾ ਚਾਹੀਦਾ।' ਇੱਕ ਹੋਰ ਨੇ ਲਿਖਿਆ, 'ਚੰਗਾ, ਦੁਖੀ ਹੋਣ ਤੋਂ ਬਚੇ ਰਹੋਗੇ ਅਤੇ ਰੱਬ ਆਪਣੇ ਚਹੇਤਿਆਂ ਨੂੰ ਸਿੰਗਲ ਰੱਖਦੈ।' ਇਸ ਤੋਂ ਇਲਾਵਾ ਬਹੁਤ ਸਾਰਿਆਂ ਨੇ ਹੱਸਣ ਵਾਲੇ ਇਮੋਜੀ ਸਾਂਝੇ ਕੀਤੇ ਹਨ ਅਤੇ ਕਈ ਲਾਲ ਦਿਲ ਦੇ ਨਾਲ ਆਪਣੀ ਭਾਵਨਾ ਵਿਅਕਤ ਕਰ ਰਹੇ ਹਨ।
ਇਸ ਦੌਰਾਨ ਜੇਕਰ ਅਦਾਕਾਰਾ ਸੁਨੰਦਾ ਸ਼ਰਮਾ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਅਦਾਕਾਰਾ ਪਿਛਲੀ ਵਾਰ ਅਮਰਿੰਦਰ ਗਿੱਲ ਨਾਲ 'ਮਿੱਤਰਾਂ ਦਾ ਚੱਲਿਆ ਟਰੱਕ ਨੀਂ' ਵਿੱਚ ਨਜ਼ਰ ਆਈ ਸੀ। ਇਸ ਤੋਂ ਇਲਾਵਾ ਅਦਾਕਾਰਾ ਆਪਣੀ ਸ਼ਾਇਰੀ ਕਾਰਨ ਆਪਣੇ ਦਰਸ਼ਕਾਂ ਨੂੰ ਹਮੇਸ਼ਾ ਖੁਸ਼ ਕਰਦੀ ਰਹਿੰਦੀ ਹੈ।
ਇਹ ਵੀ ਪੜ੍ਹੋ:
