ਚੰਡੀਗੜ੍ਹ: ਬੀਤੀ 10 ਮਈ ਨੂੰ ਰਿਲੀਜ਼ ਹੋਈ 'ਸ਼ਿੰਦਾ ਸ਼ਿੰਦਾ ਨੋ ਪਾਪਾ' ਬਾਕਸ ਆਫਿਸ 'ਤੇ ਲਗਾਤਾਰ ਨਵੇਂ ਰਿਕਾਰਡ ਕਾਇਮ ਕਰਨ ਵੱਲ ਵੱਧ ਰਹੀ ਹੈ, ਜਿਸ ਨੇ ਇਸੇ ਦੇ ਨਾਲ ਸਾਹਮਣੇ ਆਈ ਰਾਜਕੁਮਾਰ ਰਾਓ ਸਟਾਰਰ ਬਹੁ-ਚਰਚਿਤ ਹਿੰਦੀ ਫਿਲਮ 'ਸ਼੍ਰੀਕਾਂਤ' ਨੂੰ ਵੀ ਕਮਾਈ ਪੱਖੋਂ ਮਾਤ ਦਿੰਦਿਆਂ ਇਸ ਸਾਲ ਦੀਆਂ ਸਭ ਤੋਂ ਵਧ ਕਮਾਈ ਕਰਨ ਵਾਲੀਆਂ ਪੰਜਾਬੀ ਫਿਲਮਾਂ ਵਿੱਚ ਵੀ ਅਪਣੀ ਮੌਜੂਦਗੀ ਦਰਜ ਕਰਵਾ ਲਈ ਹੈ।
'ਸਾ-ਰੇ-ਗਾ-ਮਾ' ਅਤੇ 'ਹੰਬਲ ਮੋਸ਼ਨ ਪਿਕਚਰਜ਼' ਦੇ ਬੈਨਰਜ਼ ਅਤੇ 'ਏ ਯੁਡਲੀ ਫਿਲਮ' ਦੇ ਸੰਯੁਕਤ ਨਿਰਮਾਣ ਅਧੀਨ ਬਣਾਈ ਗਈ ਉਕਤ ਫਿਲਮ ਦੇ ਨਿਰਮਾਤਾ ਗਿੱਪੀ ਗਰੇਵਾਲ, ਰਵਨੀਤ ਕੌਰ ਗਰੇਵਾਲ, ਵਿਕਰਮ ਮਹਿਰਾ, ਸਿਧਾਰਥ ਆਨੰਦ ਕੁਮਾਰ, ਸਹਿ ਨਿਰਮਾਣਕਾਰ ਭਾਨਾ ਲਾ, ਵਿਨੋਦ ਅਸਵਾਲ ਅਤੇ ਸਾਹਿਲ ਐਸ ਸ਼ਰਮਾ ਹਨ, ਜਦਕਿ ਨਿਰਦੇਸ਼ਨ ਕਮਾਂਡ ਅਮਰਪ੍ਰੀਤ ਜੀ ਐਸ ਛਾਬੜਾ ਵੱਲੋਂ ਸੰਭਾਲੀ ਗਈ ਹੈ, ਜੋ ਇਸ ਤੋਂ ਪਹਿਲਾਂ ਗਿੱਪੀ ਗਰੇਵਾਲ ਦੀ ਸੁਪਰ ਡੁਪਰ ਹਿੱਟ ਰਹੀ 'ਹਨੀਮੂਨ' ਦਾ ਵੀ ਨਿਰਦੇਸ਼ਨ ਕਰ ਚੁੱਕੇ ਹਨ।
ਦੇਸ਼-ਵਿਦੇਸ਼ ਵਿੱਚ ਵੱਡੇ ਪੱਧਰ 'ਤੇ ਰਿਲੀਜ਼ ਕੀਤੀ ਗਈ ਅਤੇ ਬੀਤੇ ਦਿਨੀਂ ਪਾਕਿਸਤਾਨ ਦੇ ਸਿਨੇਮਿਆਂ ਦਾ ਵੀ ਸ਼ਿੰਗਾਰ ਬਣੀ ਇਹ ਫਿਲਮ ਵਰਲਡ ਵਾਈਡ 20 ਕਰੋੜ ਤੋਂ ਉੱਪਰ ਦਾ ਕਾਰੋਬਾਰ ਅੰਕੜਾ ਪਾਰ ਕਰ ਚੁੱਕੀ ਹੈ, ਹਾਲਾਂਕਿ ਇਸ ਵਿੱਚ ਲਹਿੰਦੇ ਪੰਜਾਬ ਦੇ ਬਾਕਿਸ ਆਫਿਸ ਵੇਰਵਿਆਂ ਨੂੰ ਹਾਲੇ ਸ਼ਾਮਿਲ ਨਹੀਂ ਕੀਤਾ ਗਿਆ, ਜੋ ਆਉਣ ਬਾਅਦ ਇਹ ਫਿਲਮ 25 ਕਰੋੜ ਤੋਂ ਵੀ ਉੱਪਰ ਦੀ ਕਮਾਈ ਵੱਲ ਵੱਧ ਸਕਦੀ ਹੈ।
ਪਾਲੀਵੁੱਡ ਦੇ ਬਿਹਤਰੀਨ ਅਤੇ ਉੱਚ ਕੋਟੀ ਲੇਖਕ ਨਰੇਸ਼ ਕਥੂਰੀਆਂ ਵੱਲੋਂ ਲਿਖੀ ਇਸ ਫਿਲਮ ਨੇ ਗਿੱਪੀ ਗਰੇਵਾਲ ਦੀ ਹੀ ਹਾਲੀਆ ਫਿਲਮ 'ਜੱਟ ਨੂੰ ਚੁੜੇਲ ਟੱਕਰੀ ਨੂੰ' ਵੀ ਕਮਾਈ ਮਾਮਲੇ ਵਿੱਚ ਪਛਾੜ ਦਿੱਤਾ ਹੈ, ਜਿਸ ਵਿਚਲੀ ਕਹਾਣੀ ਸਕਰੀਨ ਪਲੇਅ ਦੇ ਨਾਲ-ਨਾਲ ਇਸ ਦੀ ਤਕਨੀਕੀ ਪੱਖੋਂ ਆਹਲਾ ਸਿਰਜਨਾਤਮਕਤਾ ਨੂੰ ਵੀ ਦਰਸ਼ਕਾਂ ਅਤੇ ਫਿਲਮ ਕ੍ਰਿਟਿਕਸ ਵੱਲੋਂ ਸਰਾਹਿਆ ਜਾ ਰਿਹਾ ਹੈ।
- ਗਿੱਪੀ ਗਰੇਵਾਲ ਨੇ ਫਿਲਮ 'ਸ਼ਿੰਦਾ ਸ਼ਿੰਦਾ ਨੋ ਪਾਪਾ' ਦੀ ਸਫ਼ਲਤਾ ਲਈ ਪ੍ਰਸ਼ੰਸਕਾਂ ਦਾ ਕੀਤਾ ਧੰਨਵਾਦ - Gippy Grewal
- ਵਾਹ ਜੀ ਵਾਹ...ਪਾਕਿਸਤਾਨ 'ਚ ਰਿਲੀਜ਼ ਹੋਵੇਗੀ ਪੰਜਾਬੀ ਫਿਲਮ 'ਸ਼ਿੰਦਾ ਸ਼ਿੰਦਾ ਨੋ ਪਾਪਾ', ਇਨ੍ਹਾਂ ਸ਼ਹਿਰਾਂ ਵਿੱਚ ਦੇਵੇਗੀ ਦਸਤਕ - Shinda Shinda No Papa
- ਚਾਰ ਦਿਨਾਂ 'ਚ 'ਸ਼ਿੰਦਾ ਸ਼ਿੰਦਾ ਨੋ ਪਾਪਾ' ਨੇ ਕੀਤੀ ਸ਼ਾਨਦਾਰ ਕਮਾਈ, ਪਾਰ ਕੀਤਾ 12 ਕਰੋੜ ਦਾ ਅੰਕੜਾ - Shinda Shinda No Papa Collection
ਇਸ ਸਾਲ ਦੀਆਂ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਪੰਜਾਬੀ ਫਿਲਮਾਂ ਵਿੱਚ ਸ਼ੁਮਾਰ ਕਰਵਾਉਣ ਵਾਲੀ ਇਸ ਫਿਲਮ ਨਾਲ ਗਿੱਪੀ ਗਰੇਵਾਲ ਨੇ ਲਗਾਤਾਰ ਹੈਟ੍ਰਿਕ ਮਾਰਨ ਦਾ ਵੀ ਮਾਣ ਹਾਸਿਲ ਕਰ ਲਿਆ ਹੈ, ਜਿੰਨ੍ਹਾਂ ਦੀ ਇਸ ਸਾਲ ਰਿਲੀਜ਼ ਹੋਈ ਇਹ ਤੀਸਰੀ ਫਿਲਮ ਰਹੀ, ਜਿਸ ਤੋਂ ਪਹਿਲਾਂ ਸਾਹਮਣੇ ਆਈਆਂ 'ਵਾਰਨਿੰਗ 2' ਅਤੇ 'ਜੱਟ ਨੂੰ ਚੁੜੈਲ ਟੱਕਰੀ' ਵੀ ਟਿਕਟ ਖਿੜਕੀ 'ਤੇ ਚੰਗਾ ਹੁੰਗਾਰਾ ਹਾਸਿਲ ਕਰਨ ਵਿੱਚ ਸਫ਼ਲ ਰਹੀਆਂ ਸਨ।
ਤਕਰੀਬਨ 12 ਕਰੋੜ ਦੀ ਅਨੁਮਾਨਤ ਲਾਗਤ ਨਾਲ ਬਣੀ ਅਤੇ 30 ਕਰੋੜ ਦਾ ਅੰਕੜਾ ਛੂਹਣ ਵੱਲ ਤੇਜ਼ੀ ਨਾਲ ਅੱਗੇ ਵੱਧ ਰਹੀ ਉਕਤ ਫਿਲਮ ਨੇ ਸਖਤ ਗਰਮੀ ਦੇ ਬਾਵਜੂਦ ਠੰਡੇ ਹੋਏ ਪੰਜਾਬੀ ਫਿਲਮੀ ਗਲਿਆਰਿਆਂ ਵਿੱਚ ਮੁੜ ਗਰਮਜੋਸ਼ੀ ਭਰ ਦਿੱਤੀ ਹੈ, ਜਿਸ ਦਾ ਇਜ਼ਹਾਰ ਇਕਦਮ ਫਿਰ ਸੈੱਟ 'ਤੇ ਜਾ ਰਹੀਆਂ ਕਈ ਹੋਰ ਫਿਲਮਾਂ ਵੀ ਭਲੀਭਾਂਤ ਕਰਵਾ ਰਹੀਆਂ ਹਨ।
