ਸ਼ਹਿਨਾਜ਼ ਗਿੱਲ ਨੇ ਪ੍ਰਸ਼ੰਸਕਾਂ ਨੂੰ ਦਿੱਤਾ ਵੱਡਾ ਸਰਪ੍ਰਾਈਜ਼, ਬਤੌਰ ਪਲੇਬੈਕ ਗਾਇਕਾ ਵਜੋਂ ਆਪਣਾ ਪਹਿਲਾਂ ਗੀਤ ਕੀਤਾ ਰਿਲੀਜ਼ - Shehnaaz Gill Song Release

Shehnaaz Gill First Song Release As a Playback Singer: ਸ਼ਹਿਨਾਜ਼ ਗਿੱਲ ਨੇ ਰਵੀਨਾ ਟੰਡਨ ਸਟਾਰਰ ਆਉਣ ਵਾਲੀ ਬਾਲੀਵੁੱਡ ਫਿਲਮ 'ਪਟਨਾ ਸ਼ੁਕਲਾ' ਦੇ ਗੀਤ 'ਦਿਲ ਕਿਆ ਇਰਾਦਾ ਤੇਰਾ' ਵਿੱਚ ਆਪਣੀ ਆਵਾਜ਼ ਦਿੱਤੀ ਹੈ। ਉਸਨੇ ਪਲੇਬੈਕ ਗਾਇਕਾ ਵਜੋਂ ਆਪਣਾ ਪਹਿਲਾਂ ਗੀਤ ਗਾਇਆ ਹੈ।

ਮੁੰਬਈ: ਪਲੇਬੈਕ ਗਾਇਕਾ ਵਜੋਂ ਸ਼ਹਿਨਾਜ਼ ਗਿੱਲ ਦਾ ਪਹਿਲਾਂ ਗੀਤ ਰਿਲੀਜ਼ ਹੋ ਗਿਆ ਹੈ। ਹਾਲ ਹੀ 'ਚ ਗੀਤ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੇ ਹੋਏ ਗਿੱਲ ਨੇ ਕੈਪਸ਼ਨ ਲਿਖਿਆ, 'ਦਿਲ ਕਿਆ ਇਰਾਦਾ ਤੇਰਾ ਵਿੱਚ ਮੈਨੂੰ ਮੌਕਾ ਦੇਣ ਲਈ ਅਰਬਾਜ਼ ਖਾਨ ਦਾ ਧੰਨਵਾਦ। ਜੇਕਰ ਤੁਸੀਂ ਅਜੇ ਤੱਕ ਗੀਤ ਨਹੀਂ ਸੁਣਿਆ ਤਾਂ ਕਿਰਪਾ ਕਰਕੇ ਸੁਣੋ।'

ਉਲੇਖਯੋਗ ਹੈ ਕਿ ਰਵੀਨਾ ਟੰਡਨ ਦੀ ਆਉਣ ਵਾਲੀ ਫਿਲਮ 'ਪਟਨਾ ਸ਼ੁਕਲਾ' ਹੈ, ਜਿਸ 'ਚ ਉਹ ਇੱਕ ਆਮ ਔਰਤ ਦਾ ਕਿਰਦਾਰ ਨਿਭਾਅ ਰਹੀ ਹੈ ਅਤੇ ਇਸ ਦੇ ਨਾਲ ਹੀ ਉਹ ਇੱਕ ਵਕੀਲ ਦਾ ਕਿਰਦਾਰ ਵੀ ਨਿਭਾਅ ਰਹੀ ਹੈ। ਇਸ ਫਿਲਮ ਦਾ ਗੀਤ 'ਦਿਲ ਕਿਆ ਇਰਾਦਾ ਤੇਰਾ' ਹਾਲ ਹੀ ਵਿੱਚ ਰਿਲੀਜ਼ ਹੋਇਆ ਹੈ, ਜਿਸ ਵਿੱਚ ਸ਼ਹਿਨਾਜ਼ ਗਿੱਲ ਨੇ ਆਵਾਜ਼ ਦਿੱਤੀ ਹੈ।

ਪਲੇਬੈਕ ਸਿੰਗਰ ਵਜੋਂ ਸ਼ਹਿਨਾਜ਼ ਦਾ ਇਹ ਪਹਿਲਾਂ ਗੀਤ ਹੈ। ਜਿਸ ਲਈ ਉਸਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਖੁਸ਼ੀ ਜ਼ਾਹਰ ਕੀਤੀ ਅਤੇ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਖੂਬਸੂਰਤ ਸਰਪ੍ਰਾਈਜ਼ ਵੀ ਦਿੱਤਾ। ਰਵੀਨਾ ਟੰਡਨ ਦੀ ਮੁੱਖ ਭੂਮਿਕਾ ਵਾਲੀ ਫਿਲਮ 'ਪਟਨਾ ਸ਼ੁਕਲਾ' ਦਾ ਟ੍ਰੇਲਰ 11 ਮਾਰਚ ਨੂੰ ਰਿਲੀਜ਼ ਹੋਇਆ ਸੀ। ਫਿਲਮ ਦਾ ਪ੍ਰੀਮੀਅਰ ਅੱਜ 29 ਮਾਰਚ 2024 ਨੂੰ ਡਿਜ਼ਨੀ + ਹੌਟਸਟਾਰ 'ਤੇ ਹੋ ਗਿਆ ਹੈ।

• " class="align-text-top noRightClick twitterSection" data="">

ਤੁਹਾਨੂੰ ਦੱਸ ਦੇਈਏ ਕਿ 'ਪਟਨਾ ਸ਼ੁਕਲਾ' ਦੇ ਟ੍ਰੇਲਰ ਨੂੰ ਪ੍ਰਸ਼ੰਸਕਾਂ ਦਾ ਕਾਫੀ ਪਿਆਰ ਮਿਲਿਆ ਹੈ। ਫਿਲਮ 'ਪਟਨਾ ਸ਼ੁਕਲਾ' ਇੱਕ ਸ਼ਾਨਦਾਰ ਮਨੋਰੰਜਕ ਫਿਲਮ ਹੈ, ਜਿਸ ਵਿੱਚ ਇੱਕ ਘਰੇਲੂ ਔਰਤ ਨੂੰ ਦੋਹਰੀ ਜ਼ਿੰਮੇਵਾਰੀ ਨਿਭਾਉਂਦੇ ਹੋਏ ਜਿਸ ਸੰਘਰਸ਼ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਉਸ ਨੂੰ ਦਿਖਾਇਆ ਗਿਆ ਹੈ। ਜੋ ਮਾਂ ਦੀਆਂ ਜ਼ਿੰਮੇਵਾਰੀਆਂ ਨੂੰ ਨਿਭਾਉਂਦੇ ਹੋਏ ਇਨਸਾਫ਼ ਲਈ ਲੜਨ ਲਈ ਅੱਗੇ ਵੱਧਦੀ ਹੈ। ਅਰਬਾਜ਼ ਖਾਨ ਪ੍ਰੋਡਕਸ਼ਨ ਪ੍ਰਾਈਵੇਟ ਲਿਮਟਿਡ ਦੁਆਰਾ ਨਿਰਮਿਤ ਅਤੇ ਵਿਵੇਕ ਬੁਡਾਕੋਟੀ ਦੁਆਰਾ ਨਿਰਦੇਸ਼ਤ ਕੋਰਟਰੂਮ ਡਰਾਮਾ 29 ਮਾਰਚ 2024 ਤੋਂ ਡਿਜ਼ਨੀ + ਹੌਟਸਟਾਰ 'ਤੇ ਸਟ੍ਰੀਮ ਹੋ ਗਈ ਹੈ।