Satinder Sartaaj Birthday: ਹਾਲ ਹੀ ਵਿੱਚ ਪੰਜਾਬੀ ਸੰਗੀਤ ਜਗਤ ਦੇ ਸਦਾ ਬਹਾਰ ਗਾਇਕ ਸਤਿੰਦਰ ਸਰਤਾਜ ਨੇ ਆਪਣਾ 42ਵਾਂ ਜਨਮਦਿਨ ਮਨਾਇਆ। ਹੁਣ ਗਾਇਕ ਨੇ ਆਪਣੇ ਇੰਸਟਾਗ੍ਰਾਮ ਉਤੇ ਇਸ ਦੀਆਂ ਸ਼ਾਨਦਾਰ ਤਸਵੀਰਾਂ ਅਤੇ ਵੀਡੀਓਜ਼ ਸਾਂਝੀਆਂ ਕੀਤੀਆਂ ਹਨ।
ਤਸਵੀਰਾਂ ਵਿੱਚ ਗਾਇਕ ਤਿੱਤਲੀਆਂ ਨਾਲ ਸਜਿਆ ਹੋਇਆ ਕੇਕ ਕੱਟਦੇ ਨਜ਼ਰੀ ਪੈ ਰਹੇ ਹਨ, ਇਨ੍ਹਾਂ ਤਸਵੀਰਾਂ ਅਤੇ ਵੀਡੀਓਜ਼ ਨੂੰ ਸਾਂਝਾ ਕਰਦੇ ਹੋਏ ਗਾਇਕ ਨੇ ਲਿਖਿਆ, 'ਮਿਹਰਬਾਨੀਆਂ ਦਾ ਜਦੋਂ ਤੋਂ ਹਿਸਾਬ ਦੇਖਿਆ, ਖੁੱਲ੍ਹੀਆਂ ਅੱਖਾਂ ਦੇ ਨਾਲ਼ ਖ਼੍ਵਾਬ ਦੇਖਿਆ।' ਤਸਵੀਰਾਂ ਵਿੱਚ ਗਾਇਕ ਕਾਫੀ ਖੁਸ਼ ਨਜ਼ਰ ਆ ਰਹੇ ਹਨ। ਹੁਣ ਇੰਨ੍ਹਾਂ ਤਸਵੀਰਾਂ ਅਤੇ ਵੀਡੀਓਜ਼ ਵਿੱਚ ਪ੍ਰਸ਼ੰਸਕ ਅਤੇ ਸਿਤਾਰੇ ਵੀ ਕਾਫੀ ਸ਼ਾਨਦਾਰ ਕਮੈਂਟ ਕਰਦੇ ਨਜ਼ਰ ਆ ਰਹੇ ਹਨ। ਨੂਰ ਚਾਹਲ, ਸਿੰਮੀ ਚਾਹਲ, ਸਤਿੰਦਰ ਸੱਤੀ ਵਰਗੇ ਕਈ ਸ਼ਾਨਦਾਰ ਸਿਤਾਰਿਆਂ ਨੇ ਗਾਇਕ ਨੂੰ ਵਧਾਈ ਸੰਦੇਸ਼ ਭੇਜਿਆ। ਇਸ ਤੋਂ ਇਲਾਵਾ ਪ੍ਰਸ਼ੰਸਕਾਂ ਤੋਂ ਗਾਇਕ ਦੇ ਜਨਮਦਿਨ ਦਾ ਚਾਅ ਚੁੱਕਿਆ ਨਹੀਂ ਜਾ ਰਿਹਾ।
ਇੱਕ ਪ੍ਰਸ਼ੰਸਕ ਨੇ ਲਿਖਿਆ, 'ਜਨਮ ਦਿਨ ਮੁਬਾਰਕ ਉਸਤਾਦ ਜੀ, ਬਾਬਾ ਜੀ ਹਮੇਸ਼ਾ ਚੜ੍ਹਦੀ ਕਲਾ 'ਚ ਰੱਖਣ, ਬਹੁਤ ਸਾਰਾ ਪਿਆਰ ਅਤੇ ਸਤਿਕਾਰ।' ਇੱਕ ਹੋਰ ਨੇ ਲਿਖਿਆ, 'ਜਨਮ ਦਿਨ ਤੁਹਾਡਾ ਏ ਚਾਅ ਸਾਨੂੰ ਚੜ੍ਹਿਆ ਪਿਆ।'
ਇਸ ਦੌਰਾਨ ਜੇਕਰ ਗਾਇਕ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਹਾਲ ਹੀ ਵਿੱਚ ਗਾਇਕ ਨੇ ਆਪਣਾ ਨਵਾਂ ਗੀਤ 'ਬੁਲਬੁਲ' ਰਿਲੀਜ਼ ਕੀਤਾ ਹੈ, ਇਸ ਗੀਤ ਨੂੰ ਦਰਸ਼ਕਾਂ ਵੱਲੋਂ ਕਾਫੀ ਪਿਆਰ ਮਿਲ ਰਿਹਾ ਹੈ, ਇਸ ਤੋਂ ਇਲਾਵਾ ਜੇਕਰ ਸਿਨੇਮਾ ਦੀ ਗੱਲ ਕਰੀਏ ਤਾਂ ਪਿਛਲੀ ਵਾਰ ਗਾਇਕ ਨੂੰ ਫਿਲਮ 'ਸ਼ਾਯਰ' ਵਿੱਚ ਦੇਖਿਆ ਗਿਆ ਸੀ, ਜਿਸ ਵਿੱਚ ਗਾਇਕ ਦੇ ਨਾਲ ਨੀਰੂ ਬਾਜਵਾ ਨਜ਼ਰ ਆਈ ਸੀ।
- ਕੀ ਤੁਸੀਂ ਦੇਖਿਆ ਸਤਿੰਦਰ ਸਰਤਾਜ ਦਾ ਘਰ, ਆਖਿਰ ਕਿਉਂ ਆਪਣੇ ਘਰ ਨੂੰ 'ਫ਼ਿਰਦੌਸ' ਕਹਿੰਦੇ ਨੇ ਗਾਇਕ, ਕੀ ਹੈ ਇਸ ਦਾ ਮਤਲਬ - Satinder Sartaaj Home Pictures
- ਰਿਲੀਜ਼ ਲਈ ਤਿਆਰ ਹੈ ਸਤਿੰਦਰ ਸਰਤਾਜ ਦੀ ਇਹ ਨਵੀਂ ਈਪੀ, ਕੱਲ੍ਹ ਜਾਰੀ ਹੋਵੇਗਾ ਇਹ ਪਹਿਲਾਂ ਗਾਣਾ - Satinder Sartaaj New EP
- ਸਿਡਨੀ ਵਿਖੇ ਦਰਸ਼ਕਾਂ ਦੇ ਸਿਰ ਚੜ੍ਹ ਬੋਲਿਆ ਸਤਿੰਦਰ ਸਰਤਾਜ ਦੀ ਗਾਇਕੀ ਦਾ ਜਾਦੂ, ਦੇਖੋ ਦਿਲਕਸ਼ ਤਸਵੀਰਾਂ - Satinder Sartaaj show in Sydney
