ਮੁੰਬਈ: ਬਾਲੀਵੁੱਡ ਦੇ 'ਭਾਈਜਾਨ' ਸਲਮਾਨ ਖਾਨ ਦੇ ਪ੍ਰਸ਼ੰਸਕਾਂ ਨੂੰ ਵੱਡਾ ਝਟਕਾ ਲੱਗਣ ਵਾਲਾ ਹੈ। ਸਲਮਾਨ ਖਾਨ ਦੇ ਸਭ ਤੋਂ ਮਸ਼ਹੂਰ ਟੀਵੀ ਰਿਐਲਿਟੀ ਸ਼ੋਅ ਬਿੱਗ ਬੌਸ ਦਾ ਓਟੀਟੀ ਸੰਸਕਰਣ ਹੁਣ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹੈ। ਦਰਅਸਲ, ਬਿੱਗ ਬੌਸ ਓਟੀਟੀ ਦਾ ਤੀਜਾ ਸੀਜ਼ਨ ਜਲਦੀ ਹੀ ਸ਼ੁਰੂ ਹੋਣ ਵਾਲਾ ਹੈ, ਪਰ ਸਲਮਾਨ ਖਾਨ ਦੇ ਪ੍ਰਸ਼ੰਸਕਾਂ ਲਈ ਬੁਰੀ ਖਬਰ ਇਹ ਹੈ ਕਿ ਇਸ ਵਾਰ ਭਾਈਜਾਨ ਸ਼ੋਅ ਨੂੰ ਹੋਸਟ ਕਰਦੇ ਨਜ਼ਰ ਨਹੀਂ ਆਉਣਗੇ। ਹੁਣ ਇਸ ਸ਼ੋਅ ਨੂੰ ਹੋਸਟ ਕਰਨ ਲਈ ਬਾਲੀਵੁੱਡ ਦੇ ਤਿੰਨ ਵੱਡੇ ਚਿਹਰੇ ਅੱਗੇ ਆ ਰਹੇ ਹਨ।
ਮੀਡੀਆ ਰਿਪੋਰਟਾਂ ਮੁਤਾਬਕ ਸਲਮਾਨ ਖਾਨ ਆਪਣੀ ਆਉਣ ਵਾਲੀ ਫਿਲਮ 'ਸਿਕੰਦਰ' ਦੀ ਸ਼ੂਟਿੰਗ ਕਾਰਨ ਬਿੱਗ ਬੌਸ ਓਟੀਟੀ 3 ਨੂੰ ਹੋਸਟ ਨਹੀਂ ਕਰ ਸਕਣਗੇ। ਅਜਿਹੇ 'ਚ ਬਿੱਗ ਬੌਸ ਓਟੀਟੀ 3 ਨੂੰ ਹੋਸਟ ਕਰਨ ਲਈ ਫਿਲਮ ਨਿਰਮਾਤਾ ਕਰਨ ਜੌਹਰ, ਅਨਿਲ ਕਪੂਰ ਅਤੇ ਸੰਜੇ ਦੱਤ ਦਾ ਨਾਂਅ ਸਾਹਮਣੇ ਆਇਆ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ਤਿੰਨ ਸਿਤਾਰਿਆਂ 'ਚੋਂ ਕਰਨ ਜੌਹਰ ਕੋਲ ਸ਼ੋਅ ਨੂੰ ਹੋਸਟ ਕਰਨ ਦੀ ਸਭ ਤੋਂ ਜ਼ਿਆਦਾ ਸੰਭਾਵਨਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਬਿੱਗ ਬੌਸ ਓਟੀਟੀ ਸੀਜ਼ਨ 1 ਨੂੰ ਕਰਨ ਜੌਹਰ ਨੇ ਹੋਸਟ ਕੀਤਾ ਸੀ।
- ਨਿਮਰਤ ਖਹਿਰਾ ਨੇ ਸੂਰਜਮੁਖੀ ਦੇ ਫੁੱਲਾਂ ਨਾਲ ਦਿੱਤੇ ਸ਼ਾਨਦਾਰ ਪੋਜ਼, ਪ੍ਰਸ਼ੰਸਕ ਬੋਲੇ-ਕੁਦਰਤ ਵਰਗੀ - NIMRAT KHAIRA
- ਡੀਪਫੇਕ ਦਾ ਸ਼ਿਕਾਰ ਹੋਏ 'ਕ੍ਰਾਈਮ ਪੈਟਰੋਲ' ਫੇਮ ਅਨੂਪ ਸੋਨੀ, ਆਈਪੀਐੱਲ ਨਾਲ ਜੁੜਿਆ ਹੈ ਮਾਮਲਾ - Anup Soni Deepfake
- ਪੰਜਾਬੀ ਫਿਲਮ 'ਗਾਂਧੀ 3' ਦਾ ਪਹਿਲਾਂ ਲੁੱਕ ਰਿਲੀਜ਼, ਦੇਵ ਖਰੌੜ ਨਿਭਾ ਰਹੇ ਹਨ ਲੀਡ ਭੂਮਿਕਾ - Punjabi Film Gandhi 3 First Look
ਬਿੱਗ ਬੌਸ ਓਟੀਟੀ ਦੇ ਪਹਿਲੇ ਸੀਜ਼ਨ ਦੀ ਜੇਤੂ ਦਿਵਿਆ ਅਗਰਵਾਲ ਸੀ, ਜਦੋਂ ਕਿ ਸਲਮਾਨ ਖਾਨ ਨੇ ਬਿੱਗ ਬੌਸ ਓਟੀਟੀ ਦੇ ਦੂਜੇ ਸੀਜ਼ਨ ਦੀ ਮੇਜ਼ਬਾਨੀ ਕੀਤੀ ਅਤੇ ਫਿਰ ਵਿਵਾਦਪੂਰਨ ਯੂਟਿਊਬਰ ਅਤੇ ਸਿਸਟਮ ਦੇ ਨਾਮ ਨਾਲ ਮਸ਼ਹੂਰ ਐਲਵਿਸ਼ ਯਾਦਵ ਨੇ ਜਿੱਤੀ। ਬਿੱਗ ਬੌਸ ਦੇ ਇਤਿਹਾਸ ਵਿੱਚ ਇਹ ਪਹਿਲੀ ਵਾਰ ਸੀ, ਜਦੋਂ ਕਿਸੇ ਵਾਈਲਡ ਕਾਰਡ ਐਂਟਰੀ ਨੇ ਬਿੱਗ ਬੌਸ ਟਰਾਫੀ ਜਿੱਤੀ।
ਹੀਰਾਮੰਡੀ ਸਟਾਰ ਜੇਸਨ ਸ਼ਾਹ, ਚੰਦਰਿਕਾ ਦੀਕਸ਼ਿਤ, ਸ਼ਹਿਜ਼ਾਦਾ ਧਾਮੀ ਨੂੰ ਬਿੱਗ ਬੌਸ ਓਟੀਟੀ 3 ਵਿੱਚ ਸੰਭਾਵਿਤ ਪ੍ਰਤੀਯੋਗੀ ਮੰਨਿਆ ਜਾ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਲਮਾਨ ਖਾਨ 2025 ਦੀ ਈਦ 'ਤੇ ਆਪਣੀ ਆਉਣ ਵਾਲੀ ਫਿਲਮ 'ਸਿਕੰਦਰ' ਨਾਲ ਧਮਾਕਾ ਕਰਨ ਆ ਰਹੇ ਹਨ। ਸਿਕੰਦਰ ਨੂੰ ਬਲਾਕਬਸਟਰ ਫਿਲਮ 'ਗਜਨੀ' ਦੇ ਨਿਰਦੇਸ਼ਕ ਬਣਾ ਰਹੇ ਹਨ।
