ਮੁੰਬਈ (ਬਿਊਰੋ): ਟੀ-20 ਵਿਸ਼ਵ ਕੱਪ 2024 'ਚ ਅੱਜ 6 ਜੂਨ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਡੈਬਿਊ ਕਰਨ ਵਾਲੀ ਟੀਮ ਓਮਾਨ ਦਾ ਸਾਹਮਣਾ ਵਿਸ਼ਵ ਕੱਪ 2023 ਦੀ ਜੇਤੂ ਟੀਮ ਆਸਟ੍ਰੇਲੀਆ ਨਾਲ ਹੋਇਆ। ਆਸਟ੍ਰੇਲੀਆ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਓਮਾਨ ਨੂੰ 165 ਦੌੜਾਂ ਦਾ ਟੀਚਾ ਦਿੱਤਾ। ਜਵਾਬ ਵਿੱਚ ਓਮਾਨ ਨੇ 9 ਵਿਕਟਾਂ ਗੁਆ ਕੇ 125 ਦੌੜਾਂ ਬਣਾ ਲਈਆਂ ਅਤੇ ਮੈਚ ਹਾਰ ਗਏ।
ਹੁਣ ਮੈਚ ਤੋਂ ਪਹਿਲਾਂ ਓਮਾਨ ਦੇ ਖਿਡਾਰੀਆਂ ਨੇ ਡਰੈਸਿੰਗ ਰੂਮ 'ਚ ਖੂਬ ਮਸਤੀ ਕੀਤੀ ਅਤੇ ਦੁਨੀਆ ਭਰ 'ਚ ਵਾਇਰਲ ਹੋਏ ਗੀਤ 'ਆਏ ਹਾਏ ਓਏ ਹੋਏ' 'ਤੇ ਖੂਬ ਮਸਤੀ ਕੀਤੀ। ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਵਾਇਰਲ ਹੋ ਰਹੀ ਹੈ ਵੀਡੀਓ: ਵਾਇਰਲ ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਲਾਲ ਅਤੇ ਹਰੇ ਰੰਗ ਦੀ ਜਰਸੀ 'ਚ ਓਮਾਨ ਦੀ ਟੀਮ ਦੇ ਖਿਡਾਰੀ ਹੱਥਾਂ 'ਚ ਬੱਲੇ ਫੜੇ ਪਾਕਿਸਤਾਨੀ ਗਾਇਕ ਚਾਹਤ ਫਤਿਹ ਅਲੀ ਖਾਨ ਦੇ ਵਾਇਰਲ ਗੀਤ 'ਆਏ ਹਾਏ ਓਏ ਹੋਏ' 'ਤੇ ਮਸਤੀ ਕਰ ਰਹੇ ਹਨ।
- ਇੰਸਟਾਗ੍ਰਾਮ ਉਤੇ ਤਬਾਹੀ ਮਚਾ ਰਿਹੈ ਗਾਇਕ ਚਾਹਤ ਫਤਿਹ ਅਲੀ ਖਾਨ ਦਾ ਗੀਤ 'ਬਦੋ ਬਦੀ', ਜਾਣੋ ਇਸ ਦਾ ਮਤਲਬ - Bado Badi is trending on Instagram
- ਮੁੜ ਇਕੱਠੇ ਹੋਏ ਇੰਦਰਪਾਲ ਸਿੰਘ ਅਤੇ ਗੈਵੀ ਚਾਹਲ, ਜਲਦ ਕਰਨਗੇ ਨਵੀਂ ਫਿਲਮ ਦਾ ਐਲਾਨ - Inderpal Singh And Gavie Chahal
- ਨਵੇਂ ਗਾਣੇ ਨਾਲ ਸਾਹਮਣੇ ਆਵੇਗਾ ਗਾਇਕ ਸ਼ੁਭਕਰਮਨ ਸਿੰਘ, ਜਲਦ ਹੋਵੇਗਾ ਰਿਲੀਜ਼ - Singer Shubhkarman Singh
ਇਸ ਦੇ ਨਾਲ ਹੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ ਨੂੰ ਯੂਜ਼ਰਸ ਵੀ ਕਾਫੀ ਪਿਆਰ ਦੇ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, 'ਇਹ ਗੀਤ ਓਮਾਨ ਵੀ ਪਹੁੰਚ ਗਿਆ ਹੈ।' ਇੱਕ ਹੋਰ ਯੂਜ਼ਰ ਨੇ ਲਿਖਿਆ, 'ਚਾਹਤ ਫਤਿਹ ਅਲੀ ਖਾਨ ਆਈਸੀਸੀ ਦੇ ਬ੍ਰਾਂਡ ਅੰਬੈਸਡਰ ਬਣੇ।'
ਤੁਹਾਨੂੰ ਦੱਸ ਦੇਈਏ ਕਿ 5 ਜੂਨ ਨੂੰ ਟੀ-20 ਵਿਸ਼ਵ ਕੱਪ 'ਚ ਟੀਮ ਇੰਡੀਆ ਦਾ ਪਹਿਲਾਂ ਮੈਚ ਆਈਰਲੈਂਡ ਟੀਮ ਨਾਲ ਸੀ, ਜਿਸ ਨੂੰ ਉਸ ਨੇ ਬੜੀ ਆਸਾਨੀ ਨਾਲ ਜਿੱਤ ਲਿਆ। ਹੁਣ 9 ਜੂਨ ਨੂੰ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਮੈਚ ਹੋਣ ਜਾ ਰਿਹਾ ਹੈ।
