ਚੰਡੀਗੜ੍ਹ: ਹਿੰਦੀ ਸਿਨੇਮਾ ਸੰਗੀਤ ਜਗਤ ਦੇ ਅਜ਼ੀਮ ਗੀਤਕਾਰਾਂ ਵਿੱਚ ਅੱਜ ਸਾਲਾਂ ਬਾਅਦ ਵੀ ਅਪਣੇ ਨਾਂਅ ਦਾ ਸ਼ੁਮਾਰ ਕਰਵਾਉਂਦੇ ਹਨ ਸੰਤੋਸ਼ ਆਨੰਦ, ਜਿੰਨ੍ਹਾਂ ਦੇ ਭਾਵਪੂਰਨ ਅਲਫਾਜ਼ ਦਹਾਕਿਆਂ ਬਾਅਦ ਮੁੜ ਸੰਗੀਤਕ ਫਿਜ਼ਾਵਾਂ ਵਿੱਚ ਅਪਣਾ ਅਸਰ ਵਿਖਾਉਣ ਜਾ ਰਹੇ ਹਨ, ਜਿਸ ਦਾ ਇਜ਼ਹਾਰ ਮਸ਼ਹੂਰ ਅਤੇ ਚਰਚਿਤ ਗਾਇਕਾ ਨੇਹਾ ਕੱਕੜ ਦੀ ਸੁਰੀਲੀ ਆਵਾਜ਼ ਵਿੱਚ ਸਾਹਮਣੇ ਆਉਣ ਜਾ ਰਿਹਾ ਉਨ੍ਹਾਂ ਦਾ ਨਵਾਂ ਰਚਿਤ ਗੀਤ ਜਲਦ ਹੀ ਕਰਵਾਏਗਾ।
1972ਵੇਂ ਦੇ ਦਹਾਕੇ ਦੌਰਾਨ ਬਾਲੀਵੁੱਡ ਦੇ ਉੱਚ-ਕੋਟੀ ਗੀਤਕਾਰ ਬਣ ਉਭਰੇ ਇਹ ਮਹਾਨ ਗੀਤਕਾਰ ਇੱਕ ਬਹੁਤ ਹੀ ਸਵੈ-ਮਾਣ ਨਾਲ ਜ਼ਿੰਦਗੀ ਜਿਉਣ ਵਾਲੇ ਇਨਸਾਨ ਰਹੇ ਹਨ, ਜਿੰਨ੍ਹਾਂ ਅਪਣੀ ਹਯਾਤੀ ਦੇ ਹਾਲੀਆਂ ਬੁਰੇ ਦੌਰ ਦੇ ਬਾਵਜੂਦ ਅਪਣੀ ਸਵੈ-ਮਾਣਤਾ ਦਾ ਪੱਲਾ ਕਦੇ ਨਹੀਂ ਛੱਡਿਆ, ਜਿਸ ਸੰਬੰਧੀ ਅਪਣੀ ਅਣਖ ਭਰੀ ਸੋਚ ਦਾ ਅਹਿਸਾਸ ਉਨ੍ਹਾਂ ਉਸ ਸਮੇਂ ਵੀ ਕਰਵਾਇਆ, ਜਦੋਂ ਇੰਡੀਅਨ ਆਈਡਲ ਦੇ ਇੱਕ ਸ਼ੋਅ ਵਿੱਚ ਆਉਣ ਦੌਰਾਨ ਗਾਇਕਾ ਨੇਹਾ ਕੱਕੜ ਨੇ ਭਾਵੁਕ ਹੁੰਦਿਆਂ ਉਨ੍ਹਾਂ ਨੂੰ 5 ਲੱਖ ਰੁਪਏ ਤੋਹਫ਼ੇ ਵਜੋਂ ਦੇਣ ਦੀ ਪੇਸ਼ਕਸ਼ ਕੀਤੀ, ਪਰ ਆਰਥਿਕ ਮੰਦਹਾਲੀ ਵਿੱਚੋਂ ਗੁਜ਼ਰ ਰਹੇ ਹੋਣ ਦੇ ਬਾਵਜੂਦ ਉਨ੍ਹਾਂ ਇਹ ਵੱਡੀ ਰਾਸ਼ੀ ਲੈਣ ਤੋਂ ਨਾਂਹ ਕਰ ਦਿੱਤੀ।
05 ਮਾਰਚ 1929 ਨੂੰ ਸਿਕੰਦਰਾਬਾਦ ਵਿੱਚ ਜਨਮੇ ਅਤੇ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ ਤੋਂ ਉੱਚ ਸਿੱਖਿਆ ਹਾਸਿਲ ਕਰਨ ਵਾਲੇ ਇਸ ਬੇਮਿਸਾਲ ਗੀਤਕਾਰ ਨੂੰ ਫਿਲਮ 'ਰੋਟੀ ਕੱਪੜਾ ਔਰ ਮਕਾਨ' ਦੇ ਗੀਤ 'ਮੈਂ ਨਾ ਭੂਲੁੰਗਾ' ਅਤੇ ਪ੍ਰੇਮ ਰੋਗ ਦੇ ਗੀਤ 'ਮੁਹੱਬਤ ਹੈ ਕਿਆ ਚੀਜ਼' ਲਈ ਲਗਾਤਾਰ ਦੋ ਵਾਰ ਫਿਲਮਫੇਅਰ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ, ਜਿਸ ਤੋਂ ਇਲਾਵਾ ਸਾਲ 2016 ਵਿੱਚ ਯਸ਼ ਭਾਰਤੀ ਅਵਾਰਡ ਵੀ ਉਨਾਂ ਦੀ ਝੋਲੀ ਪਿਆ।
- ਸ਼ਾਹਰੁਖ ਖਾਨ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ, 'ਕਿੰਗ ਖਾਨ' ਨੂੰ ਮਿਲੀ ਹਸਪਤਾਲ ਤੋਂ ਛੁੱਟੀ, ਜਾਣੋ ਕਿਵੇਂ ਹੈ ਹੁਣ ਉਨ੍ਹਾਂ ਦੀ ਸਿਹਤ - Shah Rukh Khan health update
- ਐਲਵਿਸ਼ ਯਾਦਵ ਦੀਆਂ ਵਧੀਆਂ ਮੁਸ਼ਕਿਲਾਂ, ਪੁਲਿਸ ਤੋਂ ਹੁਣ ਈਡੀ ਦੇ ਹੱਥ ਵਿੱਚ ਗਿਆ ਸੱਪ ਦੇ ਜ਼ਹਿਰ ਦਾ ਮਾਮਲਾ - Elvish Yadav
- ਕਰਮਜੀਤ ਅਨਮੋਲ ਦੇ ਹੱਕ 'ਚ ਚੋਣ ਪ੍ਰਚਾਰ ਕਰਨ ਪਹੁੰਚੇ ਗੁਰਪ੍ਰੀਤ ਘੁੱਗੀ, ਬੋਲੇ-ਮੈਂ ਗਾਰੰਟੀ ਲੈਂਦਾ ਹਾਂ... - Lok Sabha Election 2024
ਭਾਰਤੀ ਸਿਨੇਮਾ ਦੇ ਸੁਨਹਿਰੇ ਰਹੇ ਦੌਰ ਦੌਰਾਨ ਬੇਸ਼ੁਮਾਰ ਫਿਲਮਾਂ ਨੂੰ ਅਪਣੇ ਬਿਹਤਰੀਨ ਅਤੇ ਭਾਵਨਾਤਮਕ ਗੀਤਾਂ ਦੁਆਰਾ ਚਾਰ ਚੰਨ ਲਾਉਣ ਵਾਲੇ ਇਸ ਆਹਲਾ ਗੀਤਕਾਰ ਵੱਲੋਂ ਰਚੇ ਅਤੇ ਸੁਪਰ ਹਿੱਟ ਰਹੇ ਗੀਤਾਂ ਵੱਲ ਨਜ਼ਰਸਾਨੀ ਕੀਤੀ ਜਾਵੇ ਤਾਂ ਇੰਨ੍ਹਾਂ ਵਿੱਚ 'ਮੁਹੱਬਤ ਹੈ ਕਿਆ ਚੀਜ਼' (ਪ੍ਰੇਮ ਰੋਗ), 'ਏਕ ਪਿਆਰ ਕਾ ਨਗਮਾ ਹੈ' (ਸ਼ੋਰ), 'ਜ਼ਿੰਦਗੀ ਕੀ ਨਾ ਟੂਟੇ ਲੜੀ' (ਕ੍ਰਾਂਤੀ), 'ਮਾਰਾ ਠੁਮਕਾ ਬਦਲ ਗਈ ਚਾਲ ਮਿਤਵਾ' (ਕ੍ਰਾਂਤੀ), 'ਮੇਘਾ ਰੇ ਮੇਘਾ ਰੇ ਮਤ ਜਾ ਤੂੰ ਪਰਦੇਸ' (ਪਿਆਸਾ ਸਾਵਨ), 'ਇਨ ਰਸਮੋਂ ਕੋ' (ਰੋਟੀ ਕੱਪੜਾ ਔਰ ਮੱਕਾ), 'ਯੇ ਸ਼ਾਨ ਤਿਰੰਗਾ'(ਤਿਰੰਗਾ) ਆਦਿ ਜਿਹੇ ਅਨੇਕਾਂ ਮਕਬੂਲ ਗਾਣੇ ਸ਼ੁਮਾਰ ਰਹੇ ਹਨ।
ਉਮਰ ਦੇ 95ਵੇਂ ਸਾਲਾਂ ਪੜਾਅ ਵਿੱਚੋਂ ਗੁਜ਼ਰ ਰਹੇ ਇਸ ਦਿੱਗਜ ਗੀਤਕਾਰ ਨੂੰ ਹਿੰਦੀ ਸੰਗੀਤ ਜਗਤ ਵਿਚੋਂ ਸਾਲਾਂ ਪਹਿਲਾਂ ਅਚਾਨਕ ਮਨਫੀ ਕਰ ਦਿੱਤਾ ਗਿਆ, ਜਿਸ ਦਾ ਦਰਦ ਉਹ ਪਿਛਲੇ ਕਈ ਸਮੇਂ ਤੋਂ ਅਪਣੇ ਪਿੰਡੇ ਹੰਢਾ ਰਹੇ ਹਨ।
ਹੁਣ ਇੰਨ੍ਹਾਂ ਦੀ ਸ਼ਾਨਦਾਰ ਰਹੀ ਗੀਤਕਾਰੀ ਦੀ ਕਦਰ ਪਾਉਂਦਿਆਂ ਆਖਰ ਨੇਹਾ ਕੱਕੜ ਵੱਲੋਂ ਅੱਗੇ ਆਉਣ ਅਤੇ ਉਨ੍ਹਾਂ ਦਾ ਲਿਖਿਆ ਗੀਤ ਗਾਉਣ ਦਾ ਫੈਸਲਾ ਲਿਆ ਗਿਆ ਹੈ, ਜਿਸ ਦਾ ਰਸਮੀ ਖੁਲਾਸਾ ਸੰਤੋਸ਼ ਆਨੰਦ ਦੀ ਬੇਟੀ ਸ਼ੈਲੀ ਕੇ ਕਲਮ ਵੱਲੋਂ ਵੀ ਕਰ ਦਿੱਤਾ ਗਿਆ ਹੈ, ਜਿਸ ਦੇ ਸਾਹਮਣੇ ਆਉਣ ਕਾਰਨ ਭਾਵਪੂਰਨ ਅਤੇ ਚੰਗੇਰੇ ਗੀਤ-ਸੰਗੀਤ ਨੂੰ ਸੁਣਨ ਦੀ ਤਾਂਘ ਰੱਖਦੇ ਖਾਸ ਕਰ ਸੰਤੋਸ਼ ਆਨੰਦ ਦੀ ਉਮਦਾ ਗੀਤਕਾਰੀ ਨੂੰ ਪਸੰਦ ਕਰਦੇ ਸੰਗੀਤ ਪ੍ਰੇਮੀਆਂ ਵਿਚ ਵੀ ਖੁਸ਼ੀ ਭਰਿਆ ਆਲਮ ਪਾਇਆ ਜਾ ਰਿਹਾ ਹੈ।
