ਹੈਦਰਾਬਾਦ: ਨਾਗਾ ਚੈਤੰਨਿਆ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ ਹੈ। ਖਬਰ ਹੈ ਕਿ ਸਾਊਥ ਸਟਾਰ ਨਾਗਾ ਚੈਤੰਨਿਆ ਗਰਲਫਰੈਂਡ-ਅਦਾਕਾਰਾ ਸ਼ੋਭਿਤਾ ਧੂਲੀਪਾਲਾ ਨਾਲ ਵਿਆਹ ਕਰਨ ਜਾ ਰਹੇ ਹਨ।
ਇਹ ਖਬਰ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਸੋਸ਼ਲ ਮੀਡੀਆ ਯੂਜ਼ਰਸ ਚੈਤੰਨਿਆ ਅਤੇ ਸ਼ੋਭਿਤਾ ਨੂੰ ਵਧਾਈ ਦੇ ਰਹੇ ਹਨ। 2013 'ਚ ਫੇਮਿਨਾ ਮਿਸ ਇੰਡੀਆ ਦਾ ਖਿਤਾਬ ਜਿੱਤਣ ਵਾਲੀ ਸ਼ੋਭਿਤਾ ਧੂਲੀਪਾਲਾ ਨੇ 2016 'ਚ ਫਿਲਮ ਇੰਡਸਟਰੀ 'ਚ ਡੈਬਿਊ ਕੀਤਾ ਸੀ। ਉਦੋਂ ਤੋਂ ਹੀ ਉਨ੍ਹਾਂ ਨੂੰ ਫਿਲਮ ਇੰਡਸਟਰੀ 'ਚ ਪਛਾਣ ਮਿਲੀ ਹੈ। ਫਿਲਹਾਲ ਉਸ ਨੂੰ ਟਾਲੀਵੁੱਡ, ਬਾਲੀਵੁੱਡ ਅਤੇ ਹਾਲੀਵੁੱਡ ਤੋਂ ਆਫਰ ਮਿਲ ਰਹੇ ਹਨ।
ਨਾਗਾ ਚੈਤੰਨਿਆ ਅਤੇ ਸ਼ੋਭਿਤਾ ਧੂਲੀਪਾਲਾ ਵਿਚਕਾਰ ਸੰਭਾਵਿਤ ਵਿਆਹ ਦੀਆਂ ਅਫਵਾਹਾਂ ਗਰਮ ਹੋ ਰਹੀਆਂ ਹਨ। ਖਬਰਾਂ ਮੁਤਾਬਕ ਦੋਵੇਂ ਅੱਜ ਵੀਰਵਾਰ ਨੂੰ ਮੰਗਣੀ ਕਰ ਸਕਦੇ ਹਨ। ਦਿ ਗ੍ਰੇਟ ਆਂਧਰਾ ਦੇ ਅਨੁਸਾਰ ਇੱਕ ਭਰੋਸੇਯੋਗ ਸੂਤਰ ਨੇ ਇਸ ਖਬਰ ਦੀ ਪੁਸ਼ਟੀ ਕੀਤੀ ਹੈ, ਜਿਸ ਨਾਲ ਪ੍ਰਸ਼ੰਸਕਾਂ ਅਤੇ ਅਨੁਯਾਈਆਂ ਵਿੱਚ ਉਤਸ਼ਾਹ ਵੱਧ ਗਿਆ ਹੈ।
#NagaChaitanya ❤❤and #SobhitaDhulipala🥰🥰 are getting engaged at his residence 💍 pic.twitter.com/pgmRhtXvYF
— Digital World🪩 (@uma1352) August 8, 2024
ਖਬਰ ਹੈ ਕਿ ਮੰਗਣੀ ਦੀਆਂ ਤਸਵੀਰਾਂ ਸਿਰਫ ਨਾਗਾਰਜੁਨ ਹੀ ਸ਼ੇਅਰ ਕਰਨਗੇ। ਤੇਲਗੂ ਸੁਪਰਸਟਾਰ ਹੈਦਰਾਬਾਦ ਸਥਿਤ ਆਪਣੇ ਘਰ 'ਤੇ ਮੰਗਣੀ ਸਮਾਰੋਹ ਦੀ ਮੇਜ਼ਬਾਨੀ ਵੀ ਕਰ ਰਹੇ ਹਨ। ਮੰਗਣੀ ਵੀਰਵਾਰ ਸ਼ਾਮ ਨੂੰ ਹੋਵੇਗੀ। ਇਸ ਵਿੱਚ ਸਿਰਫ਼ ਪਰਿਵਾਰਕ ਮੈਂਬਰਾਂ ਨੂੰ ਹੀ ਸੱਦਾ ਦਿੱਤਾ ਗਿਆ ਹੈ।
ਸੂਤਰ ਮੁਤਾਬਕ ਅਮਲਾ ਅਕੀਨੇਨੀ ਅਤੇ ਨਾਗਾ ਚੈਤੰਨਿਆ ਦੇ ਭਰਾ ਅਖਿਲ ਨੂੰ ਮਹਿਮਾਨਾਂ ਦੀ ਸੂਚੀ 'ਚ ਸ਼ਾਮਲ ਕੀਤਾ ਜਾਵੇਗਾ। ਸ਼ੋਭਿਤਾ ਦੇ ਮਾਤਾ-ਪਿਤਾ ਉਸ ਦੀ ਤਰਫੋਂ ਸਮਾਰੋਹ ਵਿੱਚ ਸ਼ਾਮਲ ਹੋਣਗੇ। ਹਾਲਾਂਕਿ ਨਾਗਾ ਚੈਤੰਨਿਆ ਅਤੇ ਸ਼ੋਭਿਤਾ ਨੇ ਇਸ ਖਬਰ 'ਤੇ ਅਜੇ ਤੱਕ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ।
- ਵਿਨੇਸ਼ ਫੋਗਾਟ ਦੇ ਡਿਸਕੁਆਲੀਫਾਈ ਉਤੇ ਇਸ ਐਕਟਰ ਦਾ ਵੱਡਾ ਇਲਜ਼ਾਮ, ਬੋਲੇ- ਗੁੰਡਿਆਂ ਨੇ ਭਾਰਤ ਦੀ ਧੀ ਨੂੰ... - Kamaal Rashid Khan on Vinesh Phogat
- ਆਯੁਸ਼ਮਾਨ ਖੁਰਾਨਾ ਨੇ ਨਕਾਰੀ ਸੰਨੀ ਦਿਓਲ ਦੀ 'ਬਾਰਡਰ 2', ਸਾਹਮਣੇ ਆਇਆ ਇਹ ਵੱਡਾ ਕਾਰਨ - Ayushmann Khurrana
- ਓਲੰਪਿਕ ਫਾਈਨਲ ਦੇ ਲਈ ਵਿਨੇਸ਼ ਫੋਗਾਟ ਡਿਸਕੁਆਲੀਫਾਈ, ਬਾਲੀਵੁੱਡ ਅਤੇ ਪਾਲੀਵੁੱਡ ਸਿਤਾਰਿਆਂ ਵਿੱਚ ਪਸਰੀ ਉਦਾਸੀ - Vinesh Phogat Disqualified
ਚੈਤੰਨਿਆ ਦਾ ਪਹਿਲਾਂ ਸਾਊਥ ਅਦਾਕਾਰਾ ਸਮੰਥਾ ਰੂਥ ਪ੍ਰਭੂ ਨਾਲ ਵਿਆਹ ਹੋਇਆ ਸੀ। ਉਹ 2009 ਵਿੱਚ 'ਯੇ ਮਾਇਆ ਚੇਸੇਵ' ਦੇ ਸੈੱਟ 'ਤੇ ਮਿਲੇ ਸਨ। ਇਸ ਤੋਂ ਬਾਅਦ ਦੋਵਾਂ ਨੇ ਡੇਟ ਕਰਨਾ ਸ਼ੁਰੂ ਕਰ ਦਿੱਤਾ। ਉਨ੍ਹਾਂ ਨੇ 2017 ਵਿੱਚ ਵਿਆਹ ਕੀਤਾ ਅਤੇ 2021 ਵਿੱਚ ਵੱਖ ਹੋ ਗਏ। ਦੋਵਾਂ ਨੇ ਸਾਂਝੇ ਬਿਆਨ ਰਾਹੀਂ ਆਪਣੇ ਪ੍ਰਸ਼ੰਸਕਾਂ ਨੂੰ ਆਪਣੇ ਵੱਖ ਹੋਣ ਦੀ ਜਾਣਕਾਰੀ ਦਿੱਤੀ। ਹਾਲਾਂਕਿ ਦੋਹਾਂ ਨੇ ਵੱਖ ਹੋਣ ਦਾ ਕਾਰਨ ਨਹੀਂ ਦੱਸਿਆ।
