ਮੁੰਬਈ (ਬਿਊਰੋ): ਮਲਾਇਕਾ ਅਰੋੜਾ ਦੇ ਪਿਤਾ ਅਨਿਲ ਮਹਿਤਾ ਦਾ ਅੰਤਿਮ ਸੰਸਕਾਰ 12 ਸਤੰਬਰ ਨੂੰ ਸਾਂਤਾ ਕਰੂਜ਼ 'ਚ ਇਕ ਸਮਾਰੋਹ 'ਚ ਕੀਤਾ ਜਾਵੇਗਾ। ਮਲਾਇਕਾ ਅਰੋੜਾ ਆਪਣੀ ਮਾਂ ਜੌਇਸ ਅਰੋੜਾ ਅਤੇ ਬੇਟੇ ਅਰਹਾਨ ਖਾਨ ਨਾਲ ਆਪਣੇ ਪਿਤਾ ਦੇ ਅੰਤਿਮ ਸੰਸਕਾਰ ਲਈ ਘਰ ਤੋਂ ਰਵਾਨਾ ਹੋ ਗਈ ਹੈ। ਅਰੋੜਾ ਪਰਿਵਾਰ ਦੇ ਨਾਸ ਘਰ ਵਿੱਚੋਂ ਨਿਕਲਣ ਦੀਆਂ ਕੁਝ ਵੀਡੀਓਜ਼ ਸਾਹਮਣੇ ਆਈਆਂ ਹਨ।
ਪਾਪਰਾਜ਼ੀ ਨੇ ਮਲਾਇਕਾ ਦੀ ਮਾਂ ਦੇ ਘਰ ਤੋਂ ਅਰੋੜਾ ਪਰਿਵਾਰ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਇੱਕ ਵੀਡੀਓ ਵਿੱਚ ਮਲਾਇਕਾ ਅਰੋੜਾ ਨੂੰ ਮਾਂ ਅਤੇ ਬੇਟੇ ਨਾਲ ਘਰ ਵਿੱਚੋਂ ਨਿਕਲਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਵੀਡੀਓ 'ਚ ਮਲਾਇਕਾ ਦੀ ਮਾਂ ਜੋਇਸ ਅਰੋੜਾ ਰੋਂਦੀ ਨਜ਼ਰ ਆ ਰਹੀ ਹੈ। ਉਸੇ ਸਮੇਂ, ਉਨ੍ਹਾਂ ਦਾ ਪੋਤਾ ਅਰਹਾਨ ਉਨਾਂ ਨੂੰ ਸਹਾਰਾ ਦਿੰਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਇਸ ਦੌਰਾਨ ਮਲਾਇਕਾ ਮੀਡੀਆ ਤੋਂ ਆਪਣੀਆਂ ਨਮ ਅੱਖਾਂ ਨੂੰ ਲੁਕਾਉਣ ਲਈ ਕਾਲੇ ਸਨਗਲਾਸ ਦੀ ਵਰਤੋਂ ਕਰਦੀ ਨਜ਼ਰ ਆਈ।
ਇੱਕ ਹੋਰ ਵੀਡੀਓ ਵਿੱਚ ਮਲਾਇਕਾ ਦੀ ਭੈਣ-ਅਦਾਕਾਰਾ ਅੰਮ੍ਰਿਤਾ ਅਰੋੜਾ ਨੂੰ ਆਪਣੇ ਘਰ ਤੋਂ ਬਾਹਰ ਆਉਂਦੇ ਦੇਖਿਆ ਜਾ ਸਕਦਾ ਹੈ। ਕਲਿੱਪ ਵਿੱਚ ਅੰਮ੍ਰਿਤਾ ਅਰੋੜਾ ਆਪਣੇ ਪਿਤਾ ਦੇ ਅੰਤਿਮ ਸੰਸਕਾਰ ਲਈ ਆਪਣੇ ਪਰਿਵਾਰ ਨਾਲ ਜਾਂਦੀ ਦਿਖਾਈ ਦੇ ਰਹੀ ਹੈ।
ਮਲਾਇਕਾ ਅਰੋੜਾ ਦੇ ਪਿਤਾ ਦੇ ਅੰਤਿਮ ਸੰਸਕਾਰ 'ਤੇ ਪਹੁੰਚੇ ਸੇਲੇਬਸ
ਮਲਾਇਕਾ ਅਰੋੜਾ ਦੇ ਪਿਤਾ ਦੇ ਅੰਤਿਮ ਸੰਸਕਾਰ 'ਚ ਸ਼ਾਮਿਲ ਹੋਣ ਲਈ ਸੈਲੇਬਸ ਮੌਕੇ 'ਤੇ ਪਹੁੰਚ ਰਹੇ ਹਨ। ਪਾਪਰਾਜ਼ੀ ਨੇ ਅਭਿਨੇਤਰੀ ਦੇ ਸਾਬਕਾ ਪਤੀ-ਅਦਾਕਾਰ ਅਰਬਾਜ਼ ਖਾਨ ਨੂੰ ਕੈਮਰੇ 'ਚ ਕੈਦ ਕਰ ਲਿਆ। ਅਰਬਾਜ਼ ਦੇ ਨਾਲ ਉਨ੍ਹਾਂ ਦੀ ਪਤਨੀ ਸ਼ੂਰਾ ਵੀ ਹੈ। ਇਸ ਦੇ ਨਾਲ ਹੀ ਮਲਾਇਕਾ ਦੇ ਚਰਚਿਤ ਬੁਆਏਫ੍ਰੈਂਡ-ਐਕਟਰ ਅਰਜੁਨ ਕਪੂਰ, ਬੈਸਟੀ ਕਰੀਨਾ ਕਪੂਰ, ਸੈਫ ਅਲੀ ਖਾਨ, ਕਰਿਸ਼ਮਾ ਕਪੂਰ, ਮਸ਼ਹੂਰ ਕੋਰੀਓਗ੍ਰਾਫਰ ਟੇਰੇਂਸ-ਗੀਤਾ, ਗੌਹਰ ਖਾਨ, ਅਰਸ਼ਦ ਵਾਰਸੀ ਸਮੇਤ ਕਈ ਸਿਤਾਰੇ ਅਨਿਲ ਮਹਿਤਾ ਦੇ ਅੰਤਿਮ ਸੰਸਕਾਰ 'ਚ ਸ਼ਾਮਿਲ ਹੋਏ।
- ਪਿਤਾ ਦੀ ਮੌਤ ਦੀ ਖਬਰ ਸੁਣ ਕੇ ਪੁਣੇ ਤੋਂ ਭੱਜੀ ਮਲਾਇਕਾ ਅਰੋੜਾ, ਫੁੱਟ-ਫੁੱਟ ਰੋਂਦੀ ਦੇਖੀ ਗਈ ਮਲਾਇਕਾ, ਅਰਜੁਨ ਕਪੂਰ, ਬੇਟਾ ਅਰਹਾਨ ਵੀ ਪਹੁੰਚੇ - malaika arora father suicide
- ਰਿਲੀਜ਼ ਲਈ ਤਿਆਰ ਹੈ ਇਹ ਪੰਜਾਬੀ ਫ਼ਿਲਮ, ਫ਼ਸਟ ਲੁੱਕ ਹੋਇਆ ਜਾਰੀ - Akkad Bakkad Bambbe Bo
- ਮਲਾਇਕਾ ਅਰੋੜਾ ਦੇ ਪਿਤਾ ਨੇ ਛੱਤ ਤੋਂ ਛਾਲ ਮਾਰ ਕੇ ਕੀਤੀ ਖੁਦਕੁਸ਼ੀ, ਐਕਸ ਪਤਨੀ ਦੇ ਘਰ ਪਹੁੰਚੇ ਅਰਬਾਜ਼ ਖਾਨ - Malaika Arora Father
