ਹੈਦਰਾਬਾਦ: ਨੈੱਟਫਲਿਕਸ 'ਤੇ ਜੁਨੈਦ ਖਾਨ ਦੀ ਡੈਬਿਊ ਫਿਲਮ 'ਮਹਾਰਾਜ' ਦੀ ਰਿਲੀਜ਼ ਨੂੰ ਆਖਰਕਾਰ ਗੁਜਰਾਤ ਹਾਈ ਕੋਰਟ ਨੇ ਹਰੀ ਝੰਡੀ ਦੇ ਦਿੱਤੀ ਹੈ, ਜਿਸ ਉਤੇ ਪਹਿਲਾਂ ਰੋਕ ਲਗਾ ਦਿੱਤੀ ਗਈ ਸੀ। 1862 ਦੇ ਮਹਾਰਾਜ ਲਿਬਲ ਕੇਸ ਦੇ ਆਲੇ-ਦੁਆਲੇ ਕੇਂਦਰਿਤ ਫਿਲਮ ਨੂੰ ਬੀਤੇ ਦਿਨੀਂ ਅਦਾਲਤ ਦੀ ਮਨਜ਼ੂਰੀ ਮਿਲੀ ਹੈ।
ਕੀ ਤੁਸੀਂ ਵੀ ਨੈੱਟਫਲਿਕਸ 'ਤੇ ਮਹਾਰਾਜ ਨੂੰ ਦੇਖਣ ਲਈ ਉਤਸ਼ਾਹਿਤ ਹੋ? ਇੱਥੇ ਕੁਝ ਪ੍ਰਤੀਕਿਰਿਆਵਾਂ ਹਨ, ਜੋ ਤੁਹਾਨੂੰ ਇਸ ਗੱਲ ਦੀ ਝਲਕ ਦੇ ਸਕਦੀਆਂ ਹਨ ਕਿ ਦਰਸ਼ਕਾਂ ਨੂੰ ਫਿਲਮ ਕਿਵੇਂ ਲੱਗੀ ਹੈ।
ਆਮਿਰ ਖਾਨ ਦੇ ਲਾਡਲੇ ਜੁਨੈਦ ਖਾਨ ਨੇ ਆਪਣੀ ਇਸ ਫਿਲਮ ਵਿੱਚ ਇੱਕ ਪੱਤਰਕਾਰ ਅਤੇ ਸਮਾਜ ਸੁਧਾਰਕ ਦੀ ਭੂਮਿਕਾ ਨਿਭਾਈ ਹੈ, ਅਦਾਕਾਰ ਨੇ ਪਹਿਲੀ ਹੀ ਫਿਲਮ ਸਮਾਜਿਕ ਸੰਦੇਸ਼ ਦੇਣ ਵਾਲੀ ਦੀ ਚੋਣ ਕੀਤੀ ਹੈ। ਇੱਕ ਦਰਸ਼ਕ ਨੇ ਉਸਦੇ ਪ੍ਰਦਰਸ਼ਨ ਨੂੰ "ਕੱਚਾ" ਪਰ "ਚੰਗਾ" ਦੱਸਿਆ ਹੈ। ਇੱਕ ਹੋਰ ਨੇ ਜੁਨੈਦ ਦੀ ਅਦਾਕਾਰੀ ਦੀ "ਸ਼ਾਨਦਾਰ" ਕਹਿ ਕੇ ਪ੍ਰਸ਼ੰਸਾ ਕੀਤੀ ਹੈ, ਜੈਦੀਪ ਅਹਲਾਵਤ ਦਾ ਦੇਵਤਾ ਦਾ ਕਿਰਦਾਰ ਵੀ ਦਿਲ ਜਿੱਤ ਰਿਹਾ ਹੈ।
ਅਸਲ ਘਟਨਾਵਾਂ 'ਤੇ ਆਧਾਰਿਤ ਇਹ ਫਿਲਮ ਪ੍ਰਸ਼ੰਸਕਾਂ ਨੂੰ ਕਾਫੀ ਖਿੱਚ ਰਹੀ ਹੈ। ਇੱਕ ਉਪਭੋਗਤਾ ਨੇ ਕਿਹਾ, "ਨਕਲੀ ਮੌਲਵੀਆਂ ਅਤੇ ਪੁਜਾਰੀਆਂ 'ਤੇ ਹੋਰ ਫਿਲਮ...ਕਿਉਂਕਿ ਅਜਿਹੇ ਛੇੜਛਾੜ ਕਰਨ ਵਾਲੇ ਹਰ ਧਰਮ ਵਿੱਚ ਮੌਜੂਦ ਹਨ।" ਇੱਕ ਉਪਭੋਗਤਾ ਨੇ ਕਿਹਾ। ਨਿਰਦੇਸ਼ਕ ਸਿਧਾਰਥ ਪੀ ਮਲਹੋਤਰਾ, ਕਹਾਣੀ ਅਤੇ ਸਕਰੀਨਪਲੇ ਦੇ ਨਾਲ-ਨਾਲ ਦਰਸ਼ਕਾਂ ਦੀ ਤਾਰੀਫ ਵੀ ਪ੍ਰਾਪਤ ਕਰ ਰਹੇ ਹਨ।
ਟਵਿੱਟਰ 'ਤੇ ਵਿਚਾਰ ਸਾਂਝੇ ਕਰਦੇ ਹੋਏ ਇੱਕ ਉਪਭੋਗਤਾ ਨੇ ਟਿੱਪਣੀ ਕੀਤੀ, "ਨੈੱਟਫਲਿਕਸ 'ਤੇ ਮਹਾਰਾਜ ਫਿਲਮ ਦੇਖੀ, ਜੋ ਸੱਚੀਆਂ ਘਟਨਾਵਾਂ 'ਤੇ ਆਧਾਰਿਤ ਹੈ। ਇਹ ਦੇਖ ਕੇ ਬਹੁਤ ਦੁੱਖ ਹੋਇਆ ਕਿ ਕਿਸ ਤਰ੍ਹਾਂ ਸਾਧਵਾਦੀ ਬਦਮਾਸ਼ਾਂ ਨੇ ਚਰਨ ਛੂਹਣ ਦੇ ਨਾਮ 'ਤੇ ਹੇਠਲੇ ਦਰਜੇਬੰਦੀ ਦੇ ਲੋਕਾਂ ਦਾ ਸ਼ੋਸ਼ਣ ਕੀਤਾ ਹੈ।"
- ਕੀ ਵਿਆਹ ਤੋਂ ਬਾਅਦ ਇਸਲਾਮ ਕਬੂਲ ਕਰੇਗੀ ਸੋਨਾਕਸ਼ੀ ਸਿਨਹਾ? ਜ਼ਹੀਰ ਇਕਬਾਲ ਦੇ ਪਿਤਾ ਨੇ ਕੀਤਾ ਖੁਲਾਸਾ - Sonakshi and Zaheer Marriage
- ਵਿਦੇਸ਼ਾਂ ਵਿੱਚ ਭਾਰਤ ਦੀ ਸਭ ਤੋਂ ਵੱਡੀ ਓਪਨਰ ਫਿਲਮ ਬਣੇਗੀ 'ਕਲਕੀ 2898 AD', ਪ੍ਰੀ-ਸੇਲ ਵਿੱਚ ਹੋਈ ਇੰਨੀ ਕਮਾਈ - KALKI 2898 AD
- 'ਬਿੱਗ ਬੌਸ' OTT 3 'ਚ ਵੱਡਾ ਬਦਲਾਅ, ਘਰ 'ਚ ਮਿਲੀ ਮੋਬਾਈਲ ਲੈ ਕੇ ਜਾਣ ਦੀ ਇਜਾਜ਼ਤ - Bigg Boss OTT 3 Premiere
ਪ੍ਰੀ-ਰਿਲੀਜ਼ ਵਿਵਾਦਾਂ ਨੂੰ ਸੰਬੋਧਿਤ ਕਰਦੇ ਹੋਏ ਇੱਕ ਉਪਭੋਗਤਾ ਨੇ ਕਿਹਾ, "ਮਹਾਰਾਜ ਨੂੰ ਦੇਖ ਰਿਹਾ ਹਾਂ। ਇਹ ਭਾਰਤੀ ਸਮਾਜ ਲਈ ਬਹੁਤ ਮਹੱਤਵਪੂਰਨ ਫਿਲਮ ਹੈ। ਹਰ ਕਿਸੇ ਨੂੰ ਦੇਖਣੀ ਚਾਹੀਦੀ ਹੈ।" ਇੱਕ ਹੋਰ ਸਮੀਖਿਆ ਨੇ ਆਲੋਚਨਾ ਕੀਤੀ, "ਜੁਨੈਦ ਖਾਨ ਠੀਕ ਹੈ। ਸ਼ਾਲਿਨੀ ਪਾਂਡੇ ਦੇ ਸੰਵਾਦ ਆਲੀਆ ਭੱਟ ਨਾਲ ਥੋੜੇ ਜਿਹੇ ਮਿਲਦੇ-ਜੁਲਦੇ ਸਨ। ਜੈਦੀਪ ਅਹਲਾਵਤ...ਵਧੀਆ ਹੈ।"
ਫਿਲਮ ਨੂੰ ਦੇਖਣ ਤੋਂ ਬਾਅਦ ਇੱਕ ਦਰਸ਼ਕ ਨੇ ਸਾਂਝਾ ਕੀਤਾ, "ਮਹਾਰਾਜ ਸ਼ੁੱਧ ਮਨੋਰੰਜਨ ਤੋਂ ਵੱਧ ਹੈ, ਇਹ ਤੁਹਾਨੂੰ ਸੋਚਣ ਲਈ ਮਜ਼ਬੂਰ ਕਰਨ ਵਾਲੀ ਹੈ।" ਆਪਣੀ 50 ਸਾਲਾਂ ਦੀ ਵਿਰਾਸਤ ਨੂੰ ਉਜਾਗਰ ਕਰਦੇ ਹੋਏ ਯਸ਼ਰਾਜ ਫਿਲਮਜ਼ ਨੇ ਕਿਹਾ, "ਅਸੀਂ ਕਦੇ ਵੀ ਅਜਿਹੀ ਫਿਲਮ ਨਹੀਂ ਬਣਾਈ, ਜਿਸ ਨਾਲ ਸਾਡੇ ਦੇਸ਼ ਜਾਂ ਸਾਡੇ ਦੇਸ਼ਵਾਸੀਆਂ ਦੀ ਸਾਖ ਨੂੰ ਢਾਹ ਲੱਗੀ ਹੋਵੇ।"
ਉਲੇਖਯੋਗ ਹੈ ਕਿ ਇਸ ਫਿਲਮ ਦਾ 21 ਜੂਨ ਨੂੰ ਨੈੱਟਫਲਿਕਸ 'ਤੇ ਪ੍ਰੀਮੀਅਰ ਕੀਤਾ ਗਿਆ ਹੈ। ਜੁਨੈਦ ਅਤੇ ਜੈਦੀਪ ਅਹਲਾਵਤ ਨੂੰ ਛੱਡ ਕੇ ਫਿਲਮ ਵਿੱਚ ਸ਼ਾਲਿਨੀ ਪਾਂਡੇ ਅਤੇ ਸ਼ਰਵਰੀ ਵਾਘ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ।
