ਚੰਡੀਗੜ੍ਹ: ਹਿੰਦੀ ਸਿਨੇਮਾ ਸੰਗੀਤ ਜਗਤ ਵਿੱਚ ਅਲਹਦਾ ਪਹਿਚਾਣ ਅਤੇ ਸ਼ਾਨਦਾਰ ਮੁਕਾਮ ਹਾਸਿਲ ਕਰਨ ਵਿੱਚ ਸਫ਼ਲ ਰਹੇ ਗਾਇਕ ਸ਼ਾਹਿਦ ਮਾਲਿਆ, ਜੋ ਅਪਣੀ ਨਵੀਂ ਐਲਬਮ 'ਸ਼ੀਸ਼ਾ' ਨੂੰ ਲੈ ਕੇ ਇੰਨੀਂ ਦਿਨੀਂ ਕਾਫ਼ੀ ਚਰਚਾ 'ਚ ਹਨ, ਜਿਸ ਵਿਚਲਾ ਪਹਿਲਾਂ ਗਾਣਾ 'ਇਜ਼ਹਾਰ ਏ ਮੁਹੱਬਤ' ਅੱਜ ਉਨ੍ਹਾਂ ਵੱਲੋਂ ਵੱਖ-ਵੱਖ ਸੰਗੀਤਕ ਪਲੇਟਫ਼ਾਰਮ ਉਪਰ ਜਾਰੀ ਕੀਤਾ ਜਾ ਰਿਹਾ ਹੈ।
'ਰੰਗਰੇਜ਼ਾਂ ਫਿਲਮਜ਼' ਵੱਲੋਂ ਪੇਸ਼ ਕੀਤੇ ਜਾ ਰਹੇ ਇਸ ਸਦਾ ਬਹਾਰ ਗਾਣੇ ਨੂੰ ਅਵਾਜ਼ਾਂ ਸ਼ਾਹਿਦ ਮਾਲਿਆ ਅਤੇ ਸੁਸ਼ਮਿਤਾ ਯਾਦਵ ਨੇ ਦਿੱਤੀਆਂ ਹਨ, ਜਦਕਿ ਇਸ ਦਾ ਮਿਊਜ਼ਿਕ ਰਾਹੁਲ ਮਹਿਰਾ ਅਤੇ ਵਿਓਮ ਸਿੰਘ ਰਾਜਪੂਤ ਰਿਹਾ ਦੁਆਰਾ ਸੰਗੀਤਬੱਧ ਕੀਤਾ ਗਿਆ ਹੈ, ਜਿੰਨ੍ਹਾਂ ਵੱਲੋਂ ਬੇਹੱਦ ਮਨਮੋਹਕ ਸੰਗੀਤ ਸੰਯੋਜਨ ਨਾਲ ਵਜੂਦ ਵਿੱਚ ਲਿਆਂਦੇ ਗਏ ਇਸ ਗਾਣੇ ਦਾ ਮਿਊਜ਼ਿਕ ਵੀਡੀਓ ਵੀ ਬਹੁਤ ਬੇਮਿਸਾਲਤਾ ਨਾਲ ਫਿਲਮਾਇਆ ਗਿਆ ਹੈ।
ਬਾਲੀਵੁੱਡ ਸੰਗੀਤ ਗਲਿਆਰਿਆਂ ਵਿੱਚ ਖਿੱਚ ਅਤੇ ਚਰਚਾ ਦਾ ਕੇਂਦਰ ਬਿੰਦੂ ਬਣੇ ਉਕਤ ਗਾਣੇ ਸੰਬੰਧਤ ਮਿਊਜ਼ਿਕ ਵੀਡੀਓ ਨੂੰ ਚਾਰ ਚੰਨ ਲਾਉਣ ਵਿੱਚ ਚਰਚਿਤ ਮਾਡਲ ਪ੍ਰੀਤ ਕੇ ਆਨੰਦ ਅਤੇ ਮਸ਼ਹੂਰ ਟੀਵੀ ਅਦਾਕਾਰ ਸ਼ਰਦ ਮਲਹੋਤਰਾ ਵੱਲੋਂ ਵੀ ਅਹਿਮ ਭੂਮਿਕਾ ਨਿਭਾਈ ਗਈ ਹੈ, ਜੋ ਕੁੱਲੂ ਮਨਾਲੀ ਦੀਆਂ ਹੁਸੀਨ ਵਾਦੀਆਂ 'ਚ ਸ਼ੂਟ ਕੀਤੇ ਗਏ ਇਸ ਸ਼ਾਨਦਾਰ ਗਾਣੇ ਵਿੱਚ ਪ੍ਰਭਾਵੀ ਫੀਚਰਿੰਗ ਕਰਦੇ ਨਜ਼ਰੀ ਪੈਣਗੇ।
ਅੱਜ 20 ਅਗਸਤ ਨੂੰ ਸ਼ਾਮ 5 ਵਜੇ 'ਰੰਗਰੇਜ਼ਾਂ ਫਿਲਮਜ਼' ਪਲੇਟਫ਼ਾਰਮ ਉਪਰ ਜਾਰੀ ਕੀਤੇ ਜਾ ਰਹੇ ਇਸ ਗਾਣੇ ਨੂੰ ਲੈ ਕੇ ਹੋਰ ਜਾਣਕਾਰੀ ਸਾਂਝੀ ਕਰਦਿਆਂ ਸੰਗੀਤਕ ਟੀਮ ਨੇ ਦੱਸਿਆ ਕਿ ਪਿਆਰ ਅਤੇ ਸਨੇਹ ਭਰੀਆਂ ਭਾਵਨਾਵਾਂ ਦੀ ਤਰਜ਼ਮਾਨੀ ਕਰਦਾ ਇਹ ਗਾਣਾ ਬੇਹੱਦ ਭਾਵਪੂਰਨਤਾ ਨਾਲ ਸਿਰਜਿਆ ਗਿਆ ਹੈ, ਜਿਸ ਵਿੱਚ ਪੁਰਾਤਨ ਅਤੇ ਸੂਫੀ ਦੋਨੋਂ ਤਰ੍ਹਾਂ ਦੀਆਂ ਸੰਗੀਤਕ ਸੁਮੇਲਤਾਵਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ।
ਫਿਲਮੀ ਅਤੇ ਗੈਰ ਫਿਲਮੀ ਦੋਨੋਂ ਹੀ ਪੈਟਰਨ ਵਿੱਚ ਕੁਸ਼ਲਤਾਪੂਰਵਕ ਅਤੇ ਬਰਾਬਰਤਾ ਨਾਲ ਅਪਣੀ ਮੌਜ਼ੂਦਗੀ ਦਰਜ ਕਰਵਾ ਰਹੇ ਹਨ ਇਹ ਬਾਕਮਾਲ ਗਾਇਕ, ਜੋ ਉਕਤ ਐਲਬਮ ਨੂੰ ਮਿਲ ਰਹੇ ਸ਼ੁਰੂਆਤੀ ਅਤੇ ਭਰਵੇਂ ਹੁੰਗਾਰੇ ਤੋਂ ਖਾਸੇ ਉਤਸ਼ਾਹਿਤ ਨਜ਼ਰ ਆ ਰਹੇ ਹਨ।
- ਕੁਮਾਰ ਸਾਨੂ ਦੇ ਇਸ ਨਵੇਂ ਗਾਣੇ ਦੀ ਝਲਕ ਆਈ ਸਾਹਮਣੇ, ਇਸ ਦਿਨ ਹੋਵੇਗਾ ਰਿਲੀਜ਼ - Kumar Sanu New Song release date
- ਅਮਰਿੰਦਰ ਗਿੱਲ ਨੇ ਗੁਪਤ ਰੂਪ ਵਿੱਚ ਸ਼ੁਰੂ ਕੀਤੀ ਨਵੀਂ ਫਿਲਮ ਦੀ ਸ਼ੂਟਿੰਗ, ਰਾਕੇਸ਼ ਧਵਨ ਕਰਨਗੇ ਨਿਰਦੇਸ਼ਨ - Amrinder Gill upcoming film
- ਸਿਰਫ਼ 'ਬਾਗ਼ੀ ਦੀ ਧੀ' ਹੀ ਨਹੀਂ, ਇਹ ਫਿਲਮਾਂ ਵੀ ਹਾਸਿਲ ਕਰ ਚੁੱਕੀਆਂ ਨੇ ਨੈਸ਼ਨਲ ਐਵਾਰਡ, ਦੇਖੋ ਪੂਰੀ ਲਿਸਟ - award winning Punjabi movie
