ਮੁੰਬਈ: ਬਿੱਗ ਬੌਸ 18 ਦਾ ਨਵਾਂ ਪ੍ਰੋਮੋ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਚਾਹਤ ਪਾਂਡੇ ਅਤੇ ਅਵਿਨਾਸ਼ ਵਿਚਕਾਰ ਕਿਸੇ ਗੱਲ ਨੂੰ ਲੈ ਕੇ ਝਗੜਾ ਹੋ ਜਾਂਦਾ ਹੈ। ਇਸ ਤੋਂ ਬਾਅਦ ਰਜਤ ਦਲਾਲ ਚਾਹਤ ਪਾਂਡੇ ਦੇ ਸਮਰਥਨ 'ਚ ਆ ਜਾਂਦੇ ਹਨ ਅਤੇ ਅਵਿਨਾਸ਼ ਨਾਲ ਲੜਨ ਲੱਗਦੇ ਹਨ, ਜਿਸ ਤੋਂ ਬਾਅਦ ਮਾਮਲਾ ਇੰਨਾ ਵੱਧ ਜਾਂਦਾ ਹੈ ਕਿ ਰਜਤ ਦਲਾਲ ਅਤੇ ਅਵਿਨਾਸ਼ ਵਿਚਾਲੇ ਗੱਲ ਹੱਥੋਪਾਈ ਤੱਕ ਪਹੁੰਚ ਜਾਂਦੀ ਹੈ। ਇਸ ਗੱਲ ਨੂੰ ਲੈ ਕੇ ਬਾਅਦ 'ਚ ਕਰਨਵੀਰ ਦੋਵਾਂ ਦੇ ਵਿੱਚ ਆਉਂਦੇ ਹਨ ਅਤੇ ਪੂਰੀ ਗੱਲ ਸੁਣਨ ਤੋਂ ਬਾਅਦ ਅਵਿਨਾਸ਼ ਨੂੰ ਇਸ ਸ਼ੋਅ ਲਈ ਅੰਡਰ 18 ਦੱਸਦੇ ਹਨ ਅਤੇ ਪਰੇਸ਼ਾਨ ਹੋ ਕੇ ਬਿੱਗ ਬੌਸ ਦੇ ਸਾਹਮਣੇ ਨਵੀਂ ਮੰਗ ਵੀ ਰੱਖ ਦਿੰਦੇ ਹਨ।
ਰਜਤ ਦਲਾਲ ਅਤੇ ਅਵਿਨਾਸ਼ ਵਿਚਾਲੇ ਹੋਇਆ ਝਗੜਾ
ਦੱਸ ਦੇਈਏ ਕਿ ਨਵੇਂ ਪ੍ਰੋਮੋ 'ਚ ਚਾਹਤ ਅਵਿਨਾਸ਼ ਨੂੰ ਪੁੱਛਦੀ ਹੋਈ ਨਜ਼ਰ ਆ ਰਹੀ ਹੈ ਕਿ ਤੁਸੀਂ ਟੇਬਲ ਦੀ ਸਫਾਈ ਨਹੀਂ ਕੀਤੀ। ਇਸ ਤੋਂ ਬਾਅਦ ਅਵਿਨਾਸ਼ ਨੇ ਜਵਾਬ ਦਿੱਤਾ ਕਿ ਮੈਂ ਤੁਹਾਨੂੰ ਕਿਉਂ ਦੱਸਾਂ। ਫਿਰ ਰਜਤ ਵਿਚਕਾਰ ਆਉਂਦਾ ਹੈ ਅਤੇ ਪੁੱਛਦਾ ਹੈ ਕਿ ਤੂੰ ਉਸ ਨੂੰ ਰਾਤ ਤੋਂ ਹੀ ਪਰੇਸ਼ਾਨ ਕਰਨ 'ਚ ਕਿਉ ਲੱਗਾ ਹੈ? ਕੋਈ ਵੀ ਕਿਸੇ ਵੀ ਕੁੜੀ ਨੂੰ ਬੇਵਜ੍ਹਾ ਦੁਖੀ ਨਹੀਂ ਕਰੇਗਾ। ਇਸਦੇ ਨਾਲ ਹੀ ਚਾਹਤ ਅਵਿਨਾਸ਼ ਨੂੰ ਕਹਿੰਦੀ ਹੈ ਕਿ ਇਸਦੇ ਦੋ ਥੱਪੜ ਲਗਾਉਣੇ ਚਾਹੀਦੇ ਹਨ। ਇਸ ਦੌਰਾਨ ਮਾਮਲਾ ਵੱਧ ਜਾਂਦਾ ਹੈ ਅਤੇ ਦੋਵਾਂ ਨੇ ਇਕ-ਦੂਜੇ ਦਾ ਕਾਲਰ ਫੜ ਲਿਆ ਅਤੇ ਹੱਥੋਪਾਈ ਸ਼ੁਰੂ ਕਰ ਦਿੱਤੀ।
ਕਰਣਵੀਰ ਨੇ ਬਿੱਗ ਬੌਸ ਦੇ ਸਾਹਮਣੇ ਰੱਖੀ ਇਹ ਮੰਗ
ਇਸ ਤੋਂ ਬਾਅਦ ਇਸ ਮਾਮਲੇ 'ਤੇ ਕਰਨਵੀਰ, ਚਾਹਤ ਅਤੇ ਅਵਿਨਾਸ਼ ਵਿਚਾਲੇ ਗੱਲਬਾਤ ਹੋਈ, ਜਿਸ 'ਤੇ ਕਰਨਵੀਰ ਨੇ ਗੱਲ ਖਤਮ ਕਰਦੇ ਹੋਏ ਕਿਹਾ ਕਿ ਅਵਿਨਾਸ਼ ਬਿੱਗ ਬੌਸ 18 ਲਈ ਤੁਹਾਡੀ ਉਮਰ ਘੱਟ ਹੈ। ਵੱਡੀਆਂ-ਵੱਡੀਆਂ ਗੱਲਾਂ 'ਤੇ ਲੜੋ। ਕੁਝ ਮਜ਼ੇਦਾਰ ਲੜਾਈ ਕਰੋ। ਫਿਰ ਕਰਨਵੀਰ ਬਿੱਗ ਬੌਸ ਨੂੰ ਮੰਗ ਕਰਦੇ ਹਨ ਕਿ ਕਿਰਪਾ ਕਰਕੇ ਕਿਸੇ ਅਜਿਹੇ ਬੁੱਧੀਮਾਨ ਵਿਅਕਤੀ ਨੂੰ ਭੇਜੋ ਜਿਸ ਨਾਲ ਮੈਂ ਲੜ ਸਕਾਂ।
ਇਨ੍ਹਾਂ ਪ੍ਰਤੀਯੋਗੀਆਂ ਨੂੰ ਨਾਮਜ਼ਦ ਕੀਤਾ ਗਿਆ
ਇਸ ਹਫ਼ਤੇ ਜਿਨ੍ਹਾਂ ਪ੍ਰਤੀਯੋਗੀਆਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ, ਉਨ੍ਹਾਂ ਵਿੱਚ ਸ਼ਹਿਜ਼ਾਦਾ ਧਾਮੀ, ਸ਼ਰੁਤਿਕਾ ਅਰਜੁਨ, ਈਸ਼ਾ ਸਿੰਘ, ਅਵਿਨਾਸ਼ ਮਿਸ਼ਰਾ, ਐਲਿਸ ਕੌਸ਼ਿਕ, ਅਰਫੀਨ ਅਤੇ ਸ਼ਿਲਪਾ ਸ਼ਿਰੋਡਕਰ ਸ਼ਾਮਲ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਹਫਤੇ ਇੱਕ ਡਬਲ ਇਵੇਕਸ਼ਨ ਹੋਇਆ ਸੀ ਜਿਸ ਵਿੱਚ ਮੁਸਕਾਨ ਬਾਮਨੇ ਅਤੇ ਨਾਇਰਾ ਬੈਨਰਜੀ ਨੂੰ ਬਿੱਗ ਬੌਸ 18 ਦੇ ਘਰ ਤੋਂ ਬਾਹਰ ਕੱਢਿਆ ਗਿਆ ਸੀ।
ਇਹ ਵੀ ਪੜ੍ਹੋ:-
