ਮੁੰਬਈ: ਅੰਬਾਨੀ ਪਰਿਵਾਰ ਇੱਕ ਸ਼ਾਨਦਾਰ ਜਸ਼ਨ ਲਈ ਤਿਆਰ ਹੈ। ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦਾ ਦੂਜਾ ਪ੍ਰੀ-ਵੈਡਿੰਗ ਫੰਕਸ਼ਨ ਅੱਜ 29 ਮਈ ਨੂੰ ਇੱਕ ਕਲਾਸਿਕ ਕਰੂਜ਼ ਡਰੈੱਸ ਕੋਡ ਨਾਲ ਸ਼ੁਰੂ ਹੋਵੇਗਾ। ਜੋੜੇ ਦਾ ਦੂਜਾ ਪ੍ਰੀ-ਵੈਡਿੰਗ ਫੰਕਸ਼ਨ ਕਰੂਜ਼ 'ਤੇ ਹੋਵੇਗਾ। ਇਹ ਕਰੂਜ਼ ਇਟਲੀ ਤੋਂ ਫਰਾਂਸ ਜਾਵੇਗਾ। ਇਹ ਫੰਕਸ਼ਨ 29 ਮਈ ਤੋਂ 1 ਜੂਨ ਤੱਕ ਚੱਲੇਗਾ। ਇਸ ਸਮਾਰੋਹ 'ਚ ਫਿਲਮ ਇੰਡਸਟਰੀ ਦੀਆਂ ਮਸ਼ਹੂਰ ਹਸਤੀਆਂ ਦੇ ਆਉਣ ਦੀ ਉਮੀਦ ਹੈ।
ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੀ ਦੂਜੀ ਪ੍ਰੀ-ਵੈਡਿੰਗ ਪਾਰਟੀ ਲਗਜ਼ਰੀ ਕਰੂਜ਼ 'ਤੇ ਆਯੋਜਿਤ ਕੀਤੀ ਗਈ ਹੈ। ਕਈ ਮਸ਼ਹੂਰ ਬਾਲੀਵੁੱਡ ਹਸਤੀਆਂ ਅਤੇ ਗਲੋਬਲ ਚਿਹਰਿਆਂ ਦੇ ਕਰੂਜ਼ 'ਤੇ ਵਿਆਹ ਤੋਂ ਪਹਿਲਾਂ ਦੇ ਜਸ਼ਨਾਂ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਹੈ। ਇਹ ਇਟਲੀ ਤੋਂ ਸ਼ੁਰੂ ਹੋ ਕੇ 1 ਜੂਨ ਨੂੰ ਫਰਾਂਸ ਵਿੱਚ ਸਮਾਪਤ ਹੋਵੇਗਾ। ਹਾਲ ਹੀ 'ਚ ਪਾਰਟੀ ਦਾ ਸੱਦਾ ਪੱਤਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਸੀ, ਜਿਸ 'ਚ 29 ਮਈ ਤੋਂ 1 ਜੂਨ ਤੱਕ ਹੋਣ ਵਾਲੀ ਪਾਰਟੀ ਦੀ ਜਾਣਕਾਰੀ ਦਿੱਤੀ ਗਈ ਹੈ।
- ਸਿੱਧੂ ਮੂਸੇਵਾਲਾ ਦੀ ਦੂਜੀ ਬਰਸੀ ਮੌਕੇ ਮਾਤਾ ਚਰਨ ਕੌਰ ਨੇ ਕੀਤੀ ਭਾਵੁਕ ਪੋਸਟ, ਇੰਝ ਇੱਕ- ਇੱਕ ਪਲ ਦਾ ਕੀਤਾ ਜ਼ਿਕਰ ... - Moosewala Death Anniversary
- ਨਵੀਂ ਸਿਨੇਮਾ ਪਾਰੀ ਵੱਲ ਵਧੇ ਅਦਾਕਾਰ ਗੁਰਜਿੰਦ ਮਾਨ, ਰਿਲੀਜ਼ ਲਈ ਤਿਆਰ ਇਹ ਫਿਲਮ - Punjabi Film Bebe
- ਫਿਲਮ 'ਤੇਰੀਆਂ ਮੇਰੀਆਂ ਹੇਰਾਂ ਫੇਰੀਆਂ' ਦੀ ਰਿਲੀਜ਼ ਮਿਤੀ ਦਾ ਐਲਾਨ, ਲੀਡ ਭੂਮਿਕਾ 'ਚ ਨਜ਼ਰ ਆਉਣਗੇ ਇਹ ਚਰਚਿਤ ਚਿਹਰੇ - film Teriya Meriya Hera Pheriyan
31 ਮਈ ਨੂੰ ਆਕਾਸ਼ ਅੰਬਾਨੀ ਦੇ ਬੇਟੇ ਦਾ ਪਹਿਲਾਂ ਜਨਮਦਿਨ: ਅੰਬਾਨੀ ਪਰਿਵਾਰ 31 ਮਈ ਨੂੰ ਡਬਲ ਸੈਲੀਬ੍ਰੇਸ਼ਨ ਕਰੇਗਾ। ਉਹ ਵੇਦਾ ਦਾ ਪਹਿਲਾਂ ਜਨਮਦਿਨ ਕਰੂਜ਼ ਜਹਾਜ਼ 'ਤੇ ਮਨਾਉਣਗੇ। ਵੇਦਾ ਆਕਾਸ਼ ਅੰਬਾਨੀ ਅਤੇ ਸ਼ਲੋਕਾ ਮਹਿਤਾ ਦਾ ਦੂਜਾ ਬੱਚਾ ਹੈ। 'ਲੇ ਮਾਸਕਰੇਡ' ਥੀਮ ਲਈ ਮਹਿਮਾਨਾਂ ਨੂੰ ਕਾਲੇ ਰੰਗ ਵਿੱਚ ਮਾਸਕਰੇਡ ਡਰੈੱਸ ਕੋਡ ਵਿੱਚ ਦੇਖਿਆ ਜਾਵੇਗਾ। ਉਸੇ ਰਾਤ ਕਰੂਜ਼ ਜਹਾਜ਼ 'ਤੇ ਇੱਕ ਆਫਟਰ-ਪਾਰਟੀ ਰੱਖੀ ਜਾਵੇਗੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਸ਼ਾਨਦਾਰ ਪਾਰਟੀ ਲਈ 300 ਵੀਆਈਪੀ ਮਹਿਮਾਨਾਂ ਨੂੰ ਸੱਦਾ ਦਿੱਤਾ ਗਿਆ ਹੈ।
