ਮੁੰਬਈ: ਅਜੇ ਦੇਵਗਨ, ਤੱਬੂ ਸਟਾਰਰ ਫਿਲਮ 'ਔਰੋਂ ਮੇਂ ਕਹਾਂ ਦਮ ਥਾ' ਇਸ ਸਾਲ ਦੀਆਂ ਸਭ ਤੋਂ ਜ਼ਿਆਦਾ ਉਡੀਕੀਆਂ ਜਾਣ ਵਾਲੀਆਂ ਫਿਲਮਾਂ 'ਚੋਂ ਇੱਕ ਹੈ। ਰੁਮਾਂਟਿਕ ਡਰਾਮੇ ਦੀ ਰਿਲੀਜ਼ ਡੇਟ 5 ਜੁਲਾਈ ਰੱਖੀ ਗਈ ਸੀ ਪਰ ਹੁਣ ਸੁਣਨ ਵਿੱਚ ਆ ਰਿਹਾ ਹੈ ਕਿ ਇਸ ਦੀ ਰਿਲੀਜ਼ ਨੂੰ ਇੱਕ ਵਾਰ ਫਿਰ ਟਾਲ ਦਿੱਤਾ ਗਿਆ ਹੈ। ਜੀ ਹਾਂ, ਤੁਸੀਂ ਸਹੀ ਪੜ੍ਹ ਰਹੇ ਹੋ...ਅਜਿਹਾ ਦੂਜੀ ਵਾਰ ਹੋ ਰਿਹਾ ਹੈ। ਖਬਰਾਂ ਮੁਤਾਬਕ ਮੇਕਰਸ ਫਿਲਮ ਨੂੰ ਜੁਲਾਈ ਦੇ ਦੂਜੇ ਹਫਤੇ ਰਿਲੀਜ਼ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।
'ਕਲਕੀ 2898 AD' ਕਾਰਨ ਟਲੀ ਫਿਲਮ: ਖਬਰਾਂ ਮੁਤਾਬਕ 'ਕਲਕੀ 2898 AD' ਦਾ ਵੀਕੈਂਡ ਬਾਕਸ ਆਫਿਸ 'ਤੇ ਕਾਫੀ ਚੰਗਾ ਰਿਹਾ ਹੈ। ਇਹ ਆਉਣ ਵਾਲੇ ਦਿਨਾਂ ਵਿੱਚ ਵੀ ਬਹੁਤ ਵਧੀਆ ਪ੍ਰਦਰਸ਼ਨ ਕਰਦੀ ਨਜ਼ਰ ਆ ਰਹੀ ਹੈ। ਜੇਕਰ 'ਔਰੋਂ ਮੈਂ ਕਹਾਂ ਦਮ ਥਾ' ਇਸ ਸ਼ੁੱਕਰਵਾਰ ਨੂੰ ਰਿਲੀਜ਼ ਹੁੰਦੀ ਹੈ ਤਾਂ ਇਸ ਨਾਲ ਸਕ੍ਰੀਨ ਸ਼ੇਅਰਿੰਗ 'ਚ ਦਿੱਕਤ ਆਵੇਗੀ ਅਤੇ ਦੋਵੇਂ ਫਿਲਮਾਂ ਪ੍ਰਭਾਵਿਤ ਹੋਣਗੀਆਂ। ਇਸ ਲਈ ਵਪਾਰਕ ਨੁਕਸਾਨ ਦੇ ਮੱਦੇਨਜ਼ਰ 'ਔਰੋਂ ਮੈਂ ਕਹਾਂ ਦਮ ਥਾ' ਦੀ ਰਿਲੀਜ਼ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਹੈ।
