ਮਦੁਰਾਈ : ਤਾਮਿਲਨਾਡੂ ਦੇ ਮਦੁਰਾਈ 'ਚ ਭਾਰੀ ਮੀਂਹ ਅਤੇ ਹਵਾ ਦੇ ਦਬਾਅ ਕਾਰਨ ਇੰਡੀਗੋ ਦੀਆਂ ਦੋ ਉਡਾਣਾਂ ਨੂੰ ਹਵਾਈ ਅੱਡੇ 'ਤੇ ਉਤਰਨ 'ਚ ਗੰਭੀਰ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ ਅਤੇ ਦੋਵੇਂ ਜਹਾਜ਼ ਇਕ ਘੰਟੇ ਤੋਂ ਵੱਧ ਸਮੇਂ ਤੱਕ ਅਸਮਾਨ 'ਚ ਚੱਕਰ ਲਗਾਉਂਦੇ ਰਹੇ, ਜਿਸ ਕਾਰਨ ਮਦੁਰਾਈ ਹਵਾਈ ਅੱਡੇ 'ਤੇ ਹਫੜਾ-ਦਫੜੀ ਮੱਚ ਗਈ। ਬਾਅਦ ਵਿੱਚ ਦੋਵੇਂ ਫਲਾਈਟਾਂ ਸੁਰੱਖਿਅਤ ਲੈਂਡ ਕਰ ਗਈਆਂ।
ਬੁੱਧਵਾਰ ਰਾਤ ਨੂੰ ਹੀ ਮਦੁਰਾਈ 'ਚ ਮੌਸਮ ਬਦਲ ਗਿਆ ਸੀ। ਐਤਵਾਰ ਰਾਤ ਕਰੀਬ 8 ਵਜੇ ਮਦੁਰਾਈ ਦੇ ਵੱਖ-ਵੱਖ ਹਿੱਸਿਆਂ 'ਚ ਤੇਜ਼ ਹਵਾ ਅਤੇ ਗਰਜ ਨਾਲ ਤੇਜ਼ ਮੀਂਹ ਪਿਆ। ਏਅਰਪੋਰਟ ਇਲਾਕੇ 'ਚ ਵੀ ਭਾਰੀ ਮੀਂਹ ਪਿਆ। ਇਸ ਕਾਰਨ ਬੇਂਗਲੁਰੂ ਅਤੇ ਚੇਨਈ ਤੋਂ ਮਦੁਰਾਈ ਲਈ ਉਡਾਣ ਭਰਨ ਵਾਲੀਆਂ ਇੰਡੀਗੋ ਦੀਆਂ ਉਡਾਣਾਂ ਸਮੇਂ ਸਿਰ ਮਦੁਰਾਈ ਹਵਾਈ ਅੱਡੇ 'ਤੇ ਲੈਂਡ ਨਹੀਂ ਕਰ ਸਕੀਆਂ।
An IndiGo flight number 6E7592 from Chennai to Madurai has landed safely at Madurai airport. The flight was delayed due to weather conditions at Madurai: Aviation Sources
— ANI (@ANI) October 24, 2024
ਮਦੁਰਾਈ ਦੀ ਫਲਾਈਟ ਚੇਨਈ ਤੋਂ ਸ਼ਾਮ 7:20 'ਤੇ ਰਵਾਨਾ ਹੋਈ ਸੀ ਅਤੇ ਰਾਤ 8:20 'ਤੇ ਮਦੁਰਾਈ 'ਚ ਉਤਰਨਾ ਸੀ। ਇਸੇ ਤਰ੍ਹਾਂ ਬੇਂਗਲੁਰੂ ਤੋਂ ਸ਼ਾਮ 7:40 'ਤੇ ਰਵਾਨਾ ਹੋਈ ਫਲਾਈਟ ਨੇ 8:35 'ਤੇ ਮਦੁਰਾਈ 'ਚ ਲੈਂਡ ਕਰਨਾ ਸੀ। ਪਰ ਭਾਰੀ ਮੀਂਹ ਅਤੇ ਹਵਾ ਦੇ ਦਬਾਅ ਕਾਰਨ ਜਹਾਜ਼ ਲੈਂਡ ਨਹੀਂ ਕਰ ਸਕੇ ਅਤੇ ਥੇਨੀ, ਉਸਲਮਪੱਟੀ ਅਤੇ ਐਂਟੀਪੱਟੀ ਦੇ ਹਵਾਈ ਖੇਤਰਾਂ ਵਿੱਚ ਚੱਕਰ ਲਗਾਉਣ ਲੱਗੇ।
ਦੱਸਿਆ ਗਿਆ ਹੈ ਕਿ ਇਸ ਦੌਰਾਨ ਏਅਰ ਟ੍ਰੈਫਿਕ ਕੰਟਰੋਲ ਸੈਂਟਰ (ਏ.ਟੀ.ਸੀ.) ਦੇ ਅਧਿਕਾਰੀ ਲਗਾਤਾਰ ਦੋਵਾਂ ਉਡਾਣਾਂ ਦੀ ਸਥਿਤੀ ਬਾਰੇ ਜਾਣਕਾਰੀ ਲੈ ਰਹੇ ਸਨ ਅਤੇ ਸਬੰਧਤ ਜਹਾਜ਼ਾਂ ਦੇ ਪਾਇਲਟਾਂ ਨੂੰ ਢੁਕਵੇਂ ਨਿਰਦੇਸ਼ ਦੇ ਰਹੇ ਸਨ। ਇੱਕ ਘੰਟੇ ਬਾਅਦ ਰਾਤ ਕਰੀਬ 9:50 ਵਜੇ ਏਅਰਪੋਰਟ ਖੇਤਰ ਵਿੱਚ ਮੌਸਮ ਸਾਫ਼ ਹੋ ਗਿਆ ਅਤੇ ਦੋਵੇਂ ਉਡਾਣਾਂ ਸੁਰੱਖਿਅਤ ਉਤਰ ਗਈਆਂ।
- ਚੌਲਾਂ ਦੀ ਬੋਰੀ 'ਚ ਲੁਕੋ ਰੱਖੇ ਸੀ ਲੱਖਾਂ ਰੁਪਏ, ਭੁਲੇਖੇ ਨਾਲ ਗਾਹਕ ਨੂੰ ਦਿੱਤੇ, ਦੇਖੋ ਫਿਰ ਕਿਵੇਂ ਪਿਆ ਰੱਫੜ
- ਕੀ ਤੁਸੀਂ ਵੀ ਪੀਂਦੇ ਹੋ ਸ਼ਰਾਬ? ਤਾਂ ਜਾਣ ਲਓ ਕੀ ਹੁੰਦੀ ਹੈ ਇਸਦੀ ਐਕਸਪਾਇਰੀ ਡੇਟ, ਇੱਕ ਵਾਰ ਬੋਤਲ ਖੋਲ੍ਹ ਲਈ ਤਾਂ ਜ਼ਿਆਦਾ ਸਮੇਂ ਤੱਕ ਨਹੀਂ ਚੱਲੇਗੀ
- ਤੁਹਾਡੇ ਦਿਵਾਲੀ ਦੇ ਤੋਹਫ਼ਿਆਂ 'ਤੇ ਹੈ ਇਨਕਮ ਟੈਕਸ ਦੀ ਨਜ਼ਰ, ਕਰ ਸਕੋ ਤਾਂ ਕਰ ਲਓ ਸੁਰੱਖਿਅਤ, ਨਹੀਂ ਤਾਂ...
