ਨਵੀਂ ਦਿੱਲੀ: ਨੈਸ਼ਨਲ ਬੋਰਡ ਆਫ਼ ਐਗਜ਼ਾਮੀਨੇਸ਼ਨ ਇਨ ਮੈਡੀਕਲ ਸਾਇੰਸਿਜ਼ (NBEMS) ਨੇ ਸ਼ੁੱਕਰਵਾਰ ਨੂੰ NEET PG ਪ੍ਰੀਖਿਆ ਲਈ ਨਵੀਆਂ ਤਰੀਕਾਂ ਦਾ ਐਲਾਨ ਕੀਤਾ। ਇਸ ਨੂੰ 'ਸਾਵਧਾਨੀ ਦੇ ਉਪਾਅ' ਵਜੋਂ ਪ੍ਰੀਖਿਆ ਤੋਂ ਸਿਰਫ 12 ਘੰਟੇ ਪਹਿਲਾਂ ਮੁਲਤਵੀ ਕਰ ਦਿੱਤਾ ਗਿਆ ਸੀ। ਪਹਿਲਾਂ ਇਹ ਪ੍ਰੀਖਿਆ 23 ਜੂਨ ਨੂੰ ਹੋਣੀ ਸੀ। NBEMS ਦੇ ਅਨੁਸਾਰ, ਹੁਣ ਇਹ ਪ੍ਰੀਖਿਆ 11 ਅਗਸਤ 2024 ਨੂੰ ਦੋ ਸ਼ਿਫਟਾਂ ਵਿੱਚ ਕਰਵਾਈ ਜਾਵੇਗੀ।
NBEMS ਨੇ ਆਪਣੇ ਨੋਟਿਸ ਵਿੱਚ ਕਿਹਾ ਹੈ, "NBEMS ਮਿਤੀ 22 ਜੂਨ 2024 ਦੇ ਨੋਟਿਸ ਦੇ ਅਨੁਸਾਰ, NEET-PG 2024 ਪ੍ਰੀਖਿਆ ਦੇ ਆਯੋਜਨ ਨੂੰ ਮੁੜ ਤਹਿ ਕਰ ਦਿੱਤਾ ਗਿਆ ਹੈ। NEET-PG 2024 ਪ੍ਰੀਖਿਆ ਹੁਣ 11 ਅਗਸਤ 2024 ਨੂੰ ਦੋ ਸ਼ਿਫਟਾਂ ਵਿੱਚ ਹੋਵੇਗੀ। NEET-PG 2024 ਵਿੱਚ ਹਾਜ਼ਰ ਹੋਣ ਲਈ ਯੋਗਤਾ ਲਈ ਕੱਟ-ਆਫ ਮਿਤੀ 15 ਅਗਸਤ 2024 ਰਹੇਗੀ।
ਜਾਣਕਾਰੀ ਲਈ NBEMS ਦੀ ਵੈੱਬਸਾਈਟ 'ਤੇ ਕਰੋ ਸੰਪਰਕ: ਅਧਿਕਾਰੀਆਂ ਨੇ ਦੱਸਿਆ ਕਿ ਪ੍ਰੀਖਿਆ ਦੋ ਸ਼ਿਫਟਾਂ ਵਿੱਚ ਕਰਵਾਉਣ ਸਬੰਧੀ ਹੋਰ ਜਾਣਕਾਰੀ NBEMS ਦੀ ਵੈੱਬਸਾਈਟ https://natboard.edu.in 'ਤੇ ਪ੍ਰਕਾਸ਼ਿਤ ਕੀਤੀ ਜਾਵੇਗੀ। ਕਿਸੇ ਵੀ ਸਵਾਲ ਜਾਂ ਸਹਾਇਤਾ ਲਈ ਕਿਰਪਾ ਕਰਕੇ ਇਸ ਦੇ ਸੰਚਾਰ ਵੈੱਬ ਪੋਰਟਲ exam.natboard.edu.in/communication.php 'ਤੇ NBEMS ਨਾਲ ਸੰਪਰਕ ਕਰੋ।
ਕਿਉਂ ਰੱਦ ਕੀਤੀ ਗਈ ਪ੍ਰੀਖਿਆ?
ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਆਯੋਜਿਤ ਪ੍ਰਤੀਯੋਗੀ ਪ੍ਰੀਖਿਆਵਾਂ ਵਿੱਚ ਬੇਨਿਯਮੀਆਂ ਦੇ ਦੋਸ਼ਾਂ ਦੇ ਵਿਚਕਾਰ, NBEMS ਨੇ 'ਸਾਵਧਾਨੀ ਦੇ ਉਪਾਅ' ਵਜੋਂ 23 ਜੂਨ ਨੂੰ ਹੋਣ ਵਾਲੀ ਪ੍ਰੀਖਿਆ ਨੂੰ ਮੁਲਤਵੀ ਕਰ ਦਿੱਤਾ ਸੀ। ਬੋਰਡ ਦੇ ਅਨੁਸਾਰ, ਇਹ ਪ੍ਰੀਖਿਆ ਰੱਦ ਕੀਤੀ ਗਈ ਸੀ ਕਿਉਂਕਿ ਮੰਤਰਾਲਾ ਪ੍ਰੀਖਿਆ ਪ੍ਰਕਿਰਿਆ ਦੀ ਮਜ਼ਬੂਤੀ ਦੀ ਜਾਂਚ ਕਰਨਾ ਚਾਹੁੰਦਾ ਸੀ ਅਤੇ ਇਹ ਵੀ ਯਕੀਨੀ ਬਣਾਉਣਾ ਚਾਹੁੰਦਾ ਸੀ ਕਿ ਪ੍ਰੀਖਿਆ ਦੌਰਾਨ ਕੁਝ ਵੀ ਗਲਤ ਨਾ ਹੋਵੇ।
- ਸ਼ਰਾਬ ਘੁਟਾਲਾ ਮਾਮਲਾ: ਦਿੱਲੀ ਦੇ ਸੀਐਮ ਕੇਜਰੀਵਾਲ ਦੀ ਜ਼ਮਾਨਤ ਪਟੀਸ਼ਨ 'ਤੇ ਹਾਈਕੋਰਟ ਵਲੋਂ ਸੀਬੀਆਈ ਨੂੰ ਨੋਟਿਸ ਜਾਰੀ - KEJRIWAL BAIL PLEA
- NEET ਪੇਪਰ ਲੀਕ ਮਾਮਲੇ 'ਚ ਅਮਨ ਦੀ ਮਾਂ ਨੇ ਗ੍ਰਿਫਤਾਰ ਬੇਟੇ ਨੂੰ ਦੱਸਿਆ 'ਬੇਕਸੂਰ', ਵੱਡੇ ਪੁੱਤ ਨੂੰ ਲੈ ਕੇ ਖੋਲ੍ਹੇ ਇਹ ਰਾਜ - NEET paper leak case
- ਰਾਹੁਲ ਗਾਂਧੀ ਨੇ ਹਾਥਰਸ ਹਾਦਸੇ ਦੇ ਪੀੜਤ ਪਰਿਵਾਰਾਂ ਨਾਲ ਮੁਲਾਕਾਤ ਕੀਤੀ - RAHUL GANDHI LEAVES HATHRAS
