ਨਵੀਂ ਦਿੱਲੀ: ਡਿਜੀਟਲ ਪੇਮੈਂਟ ਲਈ ਯੂਨੀਫਾਈਡ ਪੇਮੈਂਟ ਇੰਟਰਫੇਸ (UPI) ਦੀ ਲੋਕਪ੍ਰਿਅਤਾ ਲਗਾਤਾਰ ਵਧ ਰਹੀ ਹੈ। UPI ਦੇ ਆਉਣ ਤੋਂ ਬਾਅਦ ਪੈਸੇ ਟ੍ਰਾਂਸਫਰ ਕਰਨਾ ਬਹੁਤ ਆਸਾਨ ਹੋ ਗਿਆ ਹੈ। ਅੱਜ ਜ਼ਿਆਦਾਤਰ ਲੋਕ ਪੈਸੇ ਦੇ ਲੈਣ-ਦੇਣ ਲਈ UPI ਦੀ ਵਰਤੋਂ ਕਰ ਰਹੇ ਹਨ। ਕਰਿਆਨੇ ਵਿਕਰੇਤਾ ਤੋਂ ਲੈ ਕੇ ਸਬਜ਼ੀ ਵਿਕਰੇਤਾ ਤੱਕ, ਲੋਕ ਯੂਪੀਆਈ ਦੁਆਰਾ ਭੁਗਤਾਨ ਕਰ ਰਹੇ ਹਨ।
ਇਸ ਤੋਂ ਇਲਾਵਾ ਯੂਪੀਆਈ ਰਾਹੀਂ ਭੁਗਤਾਨ ਕਰਨ 'ਤੇ ਲੋਕਾਂ ਨੂੰ ਕੈਸ਼ਬੈਕ ਵੀ ਮਿਲਦਾ ਹੈ, ਜਿਸ ਨਾਲ ਬੱਚਤ ਕਰਨ 'ਚ ਵੀ ਮਦਦ ਮਿਲਦੀ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਵੀ UPI ਰਾਹੀਂ ਪੈਸੇ ਦਾ ਲੈਣ-ਦੇਣ ਕਰਦੇ ਹੋ ਅਤੇ ਬਚਤ ਕਰਨਾ ਚਾਹੁੰਦੇ ਹੋ ਤਾਂ ਅੱਜ ਅਸੀਂ ਤੁਹਾਨੂੰ ਅਜਿਹਾ ਤਰੀਕਾ ਦੱਸਣ ਜਾ ਰਹੇ ਹਾਂ ਜਿਸ ਰਾਹੀਂ ਤੁਸੀਂ ਸਾਢੇ 7 ਹਜ਼ਾਰ ਰੁਪਏ ਤੱਕ ਦੀ ਬਚਤ ਕਰ ਸਕਦੇ ਹੋ।
ਦੱਸ ਦੇਈਏ ਕਿ UPI ਲੈਣ-ਦੇਣ 'ਤੇ ਕੈਸ਼ਬੈਕ ਪ੍ਰਾਪਤ ਕਰਨ ਲਈ, ਤੁਹਾਡੇ ਕੋਲ DCB ਬੈਂਕ ਦਾ ਹੈਪੀ ਸੇਵਿੰਗ ਖਾਤਾ ਹੋਣਾ ਚਾਹੀਦਾ ਹੈ। ਇਸ ਬਚਤ ਖਾਤੇ 'ਤੇ, ਤੁਸੀਂ UPI ਭੁਗਤਾਨਾਂ 'ਤੇ 7,500 ਰੁਪਏ ਤੱਕ ਦਾ ਸਾਲਾਨਾ ਕੈਸ਼ਬੈਕ ਪ੍ਰਾਪਤ ਕਰ ਸਕਦੇ ਹੋ।
ਘੱਟੋ-ਘੱਟ 500 ਰੁਪਏ ਦਾ ਕਰਨਾ ਹੋਵੇਗਾ ਲੈਣ-ਦੇਣ
ਬੈਂਕ ਮੁਤਾਬਕ ਹੈਪੀ ਸੇਵਿੰਗ ਅਕਾਊਂਟ ਤੋਂ UPI ਰਾਹੀਂ ਡੈਬਿਟ ਟ੍ਰਾਂਜੈਕਸ਼ਨ ਕਰਨ 'ਤੇ ਗਾਹਕ ਨੂੰ ਵਿੱਤੀ ਸਾਲ 'ਚ 7,500 ਰੁਪਏ ਤੱਕ ਦਾ ਕੈਸ਼ਬੈਕ ਦਿੱਤਾ ਜਾਂਦਾ ਹੈ। ਹਾਲਾਂਕਿ, ਕੈਸ਼ਬੈਕ ਲਈ ਗਾਹਕ ਨੂੰ ਘੱਟੋ-ਘੱਟ 500 ਰੁਪਏ ਦਾ UPI ਟ੍ਰਾਂਜੈਕਸ਼ਨ ਕਰਨਾ ਹੋਵੇਗਾ।
ਇੱਕ ਸਾਲ ਵਿੱਚ ਵੱਧ ਤੋਂ ਵੱਧ 7,500 ਰੁਪਏ ਦਾ ਕੈਸ਼ਬੈਕ
ਕੰਪਨੀ ਮੁਤਾਬਿਕ ਇਹ ਕੈਸ਼ਬੈਕ ਤਿਮਾਹੀ 'ਚ ਕੀਤੇ ਗਏ ਲੈਣ-ਦੇਣ ਦੇ ਆਧਾਰ 'ਤੇ ਦਿੱਤਾ ਜਾਵੇਗਾ। ਇਹ ਕੈਸ਼ਬੈਕ ਇੱਕ ਤਿਮਾਹੀ ਦੀ ਸਮਾਪਤੀ ਤੋਂ ਬਾਅਦ ਗਾਹਕ ਦੇ ਖਾਤੇ ਵਿੱਚ ਕ੍ਰੈਡਿਟ ਹੋ ਜਾਵੇਗਾ। ਕੰਪਨੀ ਦਾ ਕਹਿਣਾ ਹੈ ਕਿ ਹੈਪੀ ਸੇਵਿੰਗ ਖਾਤਾ ਧਾਰਕ ਇੱਕ ਮਹੀਨੇ ਵਿੱਚ ਵੱਧ ਤੋਂ ਵੱਧ ਸਿਰਫ 625 ਰੁਪਏ ਅਤੇ ਸਾਲ ਵਿੱਚ ਵੱਧ ਤੋਂ ਵੱਧ 7,500 ਰੁਪਏ ਦਾ ਕੈਸ਼ਬੈਕ ਪ੍ਰਾਪਤ ਕਰ ਸਕਦੇ ਹਨ।
ਕੈਸ਼ਬੈਕ ਲਈ ਖਾਤੇ ਵਿੱਚ ਹੋਣਾ ਚਾਹੀਦਾ ਹੈ ਔਸਤ ਤਿਮਾਹੀ ਬੈਲੇਂਸ
ਇਹ ਧਿਆਨ ਦੇਣ ਯੋਗ ਹੈ ਕਿ DCB ਹੈਪੀ ਸੇਵਿੰਗਜ਼ ਖਾਤੇ ਲਈ ਘੱਟੋ-ਘੱਟ ਔਸਤ ਤਿਮਾਹੀ ਬੈਲੇਂਸ (AQB) 10,000 ਰੁਪਏ ਹੋਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਜੇਕਰ ਤੁਸੀਂ UPI ਟ੍ਰਾਂਜੈਕਸ਼ਨ 'ਤੇ ਇਹ ਕੈਸ਼ਬੈਕ ਪ੍ਰਾਪਤ ਕਰਨਾ ਚਾਹੁੰਦੇ ਹੋ, ਤਾਂ ਇਸ ਦੇ ਲਈ ਤੁਹਾਨੂੰ ਖਾਤੇ ਵਿੱਚ ਘੱਟੋ ਘੱਟ 25 ਹਜ਼ਾਰ ਰੁਪਏ ਦਾ ਬੈਲੇਂਸ ਰੱਖਣਾ ਹੋਵੇਗਾ।
ਕੰਪਨੀ ਹੈਪੀ ਸੇਵਿੰਗ ਅਕਾਉਂਟ ਦੇ ਤਹਿਤ ਆਪਣੇ ਗਾਹਕਾਂ ਨੂੰ ਅਸੀਮਤ ਮੁਫਤ RTGS, NEFT ਅਤੇ IMPS ਸੁਵਿਧਾ ਵੀ ਪ੍ਰਦਾਨ ਕਰਦੀ ਹੈ। ਇਸ ਤੋਂ ਇਲਾਵਾ ਤੁਸੀਂ ਡੀਸੀਬੀ ਬੈਂਕ ਦੇ ਕਿਸੇ ਵੀ ਏਟੀਐਮ ਤੋਂ ਮੁਫਤ ਵਿੱਚ ਅਸੀਮਤ ਟ੍ਰਾਂਜੈਕਸ਼ਨ ਕਰ ਸਕਦੇ ਹੋ।
ਕੀ ਹੁੰਦਾ ਹੈ UPI?
ਯੂਨੀਫਾਈਡ ਪੇਮੈਂਟ ਇੰਟਰਫੇਸ ਇੱਕ ਰੀਅਲ ਟਾਈਮ ਪੇਮੈਂਟ ਸਿਸਟਮ ਹੈ। ਜਿਸ ਦੀ ਮਦਦ ਨਾਲ ਤੁਸੀਂ ਘਰ ਬੈਠੇ ਆਸਾਨੀ ਨਾਲ ਪੈਸੇ ਟ੍ਰਾਂਸਫਰ ਕਰ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਸਿਰਫ਼ Paytm, PhonePe, BHIM, GooglePay ਵਰਗੇ UPI ਨੂੰ ਸਪੋਰਟ ਕਰਨ ਵਾਲੀ ਐਪ ਦੀ ਲੋੜ ਹੈ।
