ହିମାଚଳପ୍ରଦେଶରେ ବର୍ଷା ସହ ତୁଷାରପାତ, ଦେଖନ୍ତୁ ମନଲୋଭା ଭିଡିଓ

ସିମଲା: ହିମାଚଳପ୍ରଦେଶ କୁଲୁ ଜିଲ୍ଲାରେ ବର୍ଷା ସହ ତୁଷାରପାତ ଦେଖିବାକୁ ମିଳିଛି । ଫଳରେ ମନାଲି-କେଲଙ୍ଗ ରାସ୍ତା ବନ୍ଦ ହୋଇଯାଇଛି । ତୁଷାରପାତ ସମୟରେ ପ୍ରବଳ ପବନ କାରଣରୁ ଅଟଳ ଟନେଲର ଦକ୍ଷିଣ ପୋର୍ଟାଲ ଉପରେ ଏକ ବଡ଼ ଲୁହା ଫାଟକ ପଡିଥିଲା, ପରେ ମେସିନ ସାହାର୍ଯ୍ୟରେ ଫାଟକକୁ ବାହାର କରାଯାଇଛି । ବଞ୍ଜାର ଏବଂ ଆନିକୁ ସଂଯୋଗ କରୁଥିବା 10 ହଜାର 280 ଫୁଟ ଉଚ୍ଚର ଜଲୋଡୀ ପାସରେ ମଧ୍ୟ ତୁଷାରପାତ ହେତୁ ଯାନବାହନ ଚଳାଚଳ ବନ୍ଦ ରହିଛି । ଏନେଇ ଜିଲ୍ଲା ପ୍ରଶାସନ ପକ୍ଷରୁ ସମ୍ପୃକ୍ତ ଅଞ୍ଚଳକୁ ପର୍ଯ୍ୟଟକ ତଥା ସ୍ଥାନୀୟ ଲୋକଙ୍କୁ ଯିବାକୁ ବାରଣ କରାଯାଇଛି ।