ବିପୁଳ ବିଜୟ ନିକଟତର ଦ୍ରୌପଦୀ, କଟକରେ ବିଜେଡିର ବିଜୟ ଉତ୍ସବ

କଟକ: ଦ୍ରୌପଦୀ ମୁର୍ମୁ ଭାରତର ରାଷ୍ଟ୍ରପତି ହେବା ଏକ ପ୍ରକାର ନିଶ୍ଚିତ ହୋଇଥିବାବେଳେ କଟକରେ ବିଜୟ ଉତ୍ସବ ମନାଇଛନ୍ତି ବିଜେଡି ନେତା ଓ କର୍ମୀ । ହଜାର ହଜାର ବିଜେଡି କର୍ମୀ ପାରମ୍ପରିକ ବାଦ୍ୟଯନ୍ତ୍ର ବଜାଇ ନୃତ୍ୟ ପ୍ରଦର୍ଶନ କରିବା ସହ ବିରାଟ ଶୋଭାଯାତ୍ରା ଆୟୋଜନ କରିଛନ୍ତି । ଦ୍ରୌପଦୀ ମୁର୍ମୁ ଏବଂ ନବୀନ ପଟ୍ଟନାୟକଙ୍କ ନାରାବାଜିରେ କମ୍ପୁଛି କଟକ ସହର । ଯୁଆଡେ ଦେଖିଲେ ଖାଲି ସେଲିବ୍ରେସନର ମାହୋଲ । ସମସ୍ତଙ୍କ ମନରେ ଖୁସିର ଲହର ଖେଳିଯାଇଛି । ଦ୍ରୌପଦୀ ମୁର୍ମୁଙ୍କୁ ବିଜେଡି ସମର୍ଥନ କରିଥିବାରୁ ସମସ୍ତ ବିଜେଡି କର୍ମୀ ଓ ନେତା ବେଶ ଖୁସି ଅଛନ୍ତି । ଇଟିଭି ଭାରତ, କଟକ