Akshaya Tritiya festival: ବରଗଡରେ ଅଖିମୁଠି ଅନୁକୂଳ କଲେ ନେତା

ବରଗଡ: ଆଜି(ମଙ୍ଗଳବାର) ବରଗଡ ବ୍ଲକ ବରଗାଁ ଠାରେ ଜିଲ୍ଲା ପ୍ରଶାସନ ପକ୍ଷରୁ ଅକ୍ଷୟ ତୃତୀୟା ପାଳନ କରାଯାଇଥିଲା । ଏହି ଅବସରରେ ଜିଲ୍ଲା କୃଷି ଅଧିକାରୀ ସନ୍ତୋଷ କୁମାର ମହାରଣା ବରଗଡ ଜିଲ୍ଲାର ସମସ୍ତ ଚାଷୀ ଭାଇଙ୍କୁ ଅଖିମୁଠି ବା ଅକ୍ଷୟ ତୃତୀୟା ଶୁଭେଚ୍ଛା ଜଣାଇଥିଲେ । ଏଥିସହ ନୂତନ ପ୍ରଣାଳୀରେ ବିଭିନ୍ନ ପ୍ରଜାତିର ଧାନ ଓ ପନିପରିବା ଚାଷ କରିବା ପାଇଁ ପ୍ରୋତ୍ସାହନ ମଧ୍ୟ କରିଥିଲେ । ଆଜିର ଏହି କାର୍ଯ୍ୟକ୍ରମରେ ବରଗଡ ସାଂସଦ ସୁରେଶ ପୂଜାରୀ ଲଙ୍ଗଳ ଧରି ହଳ ବୁଲାଉଥିବା ଦୃଶ୍ୟ ଚାଷୀମାନଙ୍କୁ ବେଶ ଉତ୍ସାହିତ କରିଥିଲା । ବରଗଡ ସଦର ମହକୁମା ବରଗାଁ ଠାରେ ଏହା ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲାପାଳ ମନୀଷା ବାନାର୍ଜୀ ଉପସ୍ଥିତ ଥିଲେ ଏବଂ ସମ୍ମାନିତ ଅତିଥି ଭାବେ ବରଗଡ ବିଧାୟକ ଦେବେଶ ଆଚାର୍ଯ୍ୟ ଓ ଜିଲ୍ଲା ପରିଷଦ ଅଧ୍ୟକ୍ଷା ମାନିନୀ ଭୋଇ ବରଗଡ ଜିଲ୍ଲାକୁ କୃଷି କ୍ଷେତ୍ରରେ ଆହୁରି ସୁଦୃଢ କରିବା ପାଇଁ ଆହ୍ୱାନ ଦେଇଥିଲେ । ବରଗଡରୁ ରାଜେଶ ସରାପ, ଇଟିଭି ଭାରତ