ସରକାରୀ ଅଫିସ ଭିତରେ ଲହଡି ଭାଙ୍ଗୁଛି ବର୍ଷା ପାଣି, ଅଭିଯୋଗ ନ ଜଣାଇ ଫେରୁଛନ୍ତି ଗ୍ରାମବାସୀ

କେନ୍ଦ୍ରାପଡା: ରାଜ୍ୟରେ ଦେଖାଦେଇଛି ବର୍ଷା ବିତ୍ପାତ । ଲଗାଣ ବର୍ଷାରେ ବେହାଲ ସରକାରୀ କାର୍ଯ୍ୟାଳୟ । ଗତ ୧୯ତାରିଖରୁ ହେଉଥିବା ବର୍ଷାରେ ତିନିଫୁଟ ଉପରକୁ ପାଣି ଛିଡା ହୋଇଛି କାର୍ଯ୍ୟାଳୟ ଭିତରେ । ଯେଉଁଥି ପାଇଁ ସମସ୍ତ କାମ ବନ୍ଦ ପଡିଛି ଉଭୟ ତହସିଲ ଓ ଗ୍ରାମ୍ୟ ଉନ୍ନୟନ ବିଭାଗର । କେବଳ ଅଫିସରେ ସମସ୍ୟା ନୁହେଁ ଲଗାଣ ବର୍ଷା ଛଡାଇ ନେଇଛି ଚାଷୀ ଆଖିରୁ ଫସଲର ସ୍ବପ୍ନ। ତେବେ ଏହି ଚାଷୀ ଦୁଃଖରେ ପଡି ଅଭିଯୋଗ କରିବାକୁ ଆସୁଥିବା କାର୍ଯ୍ୟାଳୟ ଗୁଡିକ ବର୍ତ୍ତମାନ ପାଣି ଘେରରେ ଅନ୍ୟପକ୍ଷରେ ଅଧିକାରୀମାନେ ଜଳବନ୍ଦୀ । ଏଭଳି ଦୃଶ୍ୟ ଦେଖିବାକୁ ମିଳୁଛି କେନ୍ଦ୍ରାପଡ଼ା ଗ୍ରାମ୍ୟ ଉନ୍ନୟନ ବିଭାଗ(DRDA) ଓ ତହସିଲ କାର୍ଯ୍ୟାଳୟରେ । କାର୍ଯ୍ୟାଳୟ ଭିତରେ ଆଣ୍ଠୁଏ ପାଣି, ଫାଇଲ ପତ୍ର, ଗଡରେଜ ଇତ୍ୟାଦି ପାଣିରେ ବୁଡି ରହୁଥିବାବେଳେ ଅଫିସ ଭିତରେ ଲହଡି ଭାଙ୍ଗୁଛି । କର୍ମଚାରୀ ଆସୁଛନ୍ତି ହେଲେ ପାଣି ଭିତରେ ରହି କାମ କରିବା କାଠିକର ପାଠ ହୋଇଥିବାରୁ କାମ ବନ୍ଦ କରି ଅନ୍ୟଏକ କୋଠରୀରେ ବସି ରହି ଅତ୍ୟାବଶ୍ୟକ କାମ କରୁଛନ୍ତି ।