ରାଜ୍ୟରେ ପ୍ରଥମ, ସମ୍ବଲପୁରରେ ବିରଳ କଳା ଗହମ ଓ କଳା ହଳଦୀ ଚାଷ

ସମ୍ବଲପୁର: ସାଧାରଣତଃ ଗହମ ଓ ହଳଦୀର ରଙ୍ଗ କାହାକୁ ବା ଅଛପା । କିନ୍ତୁ କଳା ହଳଦୀ ଓ କଳା ଗହମ କହିଲେ ହୁଏତ କେହି ଏହାକୁ ବିଶ୍ବାସ କରି ନପାରନ୍ତି । ଶୁଣିବାକୁ ଟିକେ ଅଡ଼ୁଆ ଲାଗୁଥିଲେ ବି ଏମିତି ହଳଦୀ ଓ ଗହମ ଚାଷ ହେଉଛି ଓଡ଼ିଶାର ସମ୍ବଲପୁର ସହରରେ । ଆଉ ରାଜ୍ୟରେ ପ୍ରଥମ ଥର ଏହି ଚାଷ କରି ସଫଳ ହୋଇପାରିଛନ୍ତି ସମ୍ବଲପୁରର ଜଣେ ଉଚ୍ଚ ଶିକ୍ଷିତ ବ୍ୟକ୍ତି । ନିଜ ଫାର୍ମ ହାଉସରେ ଏହି 2 ଟି ଚାଷର ଫିଲ୍ଡ ଟ୍ରାଏଲ କରି ସଫଳ ହେବା ସହ ପ୍ରଶଂସା ସାଉଁଟିଛନ୍ତି ।