'Bigg Boss ପ୍ରତିଯୋଗୀଙ୍କୁ ଟାର୍ଗେଟ କରୁଥିଲା Raj Kundraଙ୍କ କମ୍ପାନୀ'

ମୁମ୍ବାଇ: ରାଜକୁନ୍ଦ୍ରାଙ୍କ ଉପରେ ଲାଗିଛି ଆଉ ଏକ ସଙ୍ଗୀନ ଅଭିଯୋଗ । ଆଉ ଏଭଳି ଅଭିଯୋଗ ଆଣିଛନ୍ତି ମଡେଲ ସାଗରିକା ସୁମନ । Bigg Boss ପ୍ରତିଯୋଗୀଙ୍କୁ ରାଜ କୁନ୍ଦ୍ରାଙ୍କ କମ୍ପାନୀ ଟାର୍ଗେଟ କରୁଥିଲା ବୋଲି ସେ କହିଛନ୍ତି । ଏଭଳି ପର୍ଣ୍ଣୋଗ୍ରାଫି ଫିଲ୍ମରେ ବିଗ ବସର ପ୍ରତିଯୋଗୀମାନେ ଅଭିନୟ କରିବାକୁ ରାଜ ସେମାନଙ୍କୁ ଦେଉଥିଲେ ଅଫର । ଏଭଳି ଅଫର ବିଗ ବସର ପ୍ରତିଯୋଗୀ ଅର୍ଶି ଖାନଙ୍କ ନିକଟକୁ ମଧ୍ୟ ଆସିଥିଲା । କିନ୍ତୁ ସେ ୫ ଲକ୍ଷ ଟଙ୍କା ଦାବି କରିବାରୁ ସେ ଏହି ସୁଯୋଗକୁ ହାତଛଡା କରିଥିଲେ । ତେବେ ସୂଚନା ଥାଉ କି ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ବାମୀ ତଥା ଫିଲ୍ମ ମେକର ରାଜ କୁନ୍ଦ୍ରାଙ୍କୁ ପର୍ଣ୍ଣେଗ୍ରାଫି ବା ଅଶ୍ଳୀଳ ଫିଲ୍ମ ତିଆରି କରୁଥିବାରୁ ମୁମ୍ବାଇ ପୋଲିସ ତାଙ୍କୁ ଗିରଫ କରିଛି । ଏହି ମାମଲାରେ ରାଜଙ୍କ ସହିତ ଶିଳ୍ପାଙ୍କୁ ମଧ୍ୟ ପଚରାଉଚୁରା କରାଯାଉଛି । ପ୍ରମାଣ ଖୋଜିବା ପାଇଁ ଶିଳ୍ପାଙ୍କ ମୁମ୍ବାଇସ୍ଥିତ ଘର ଉପରେ କ୍ରାଇମବ୍ରାଞ୍ଚ ଚଢାଉ ମଧ୍ୟ କରିଛି । ବ୍ୟୁରୋ ରିପୋର୍ଟ, ଇଟିଭି ଭାରତ