ମା' କାଳୀଙ୍କ ରିଭର୍ସ ସ୍ପିଡ୍ ପେଣ୍ଟିଂ କରି ଚର୍ଚ୍ଚାରେ ଚିତ୍ରଶିଳ୍ପୀ ଆୟୁଷ

ପୁରୀ: ଆଜି ପବିତ୍ର କାଳୀ ପୂଜା । ଏହିଅବସରରେ ମା' କାଳୀଙ୍କର ରିଭର୍ସ ସ୍ପିଡ ପେଣ୍ଟିଂ କରି ପୁଣି ଚର୍ଚ୍ଚାରେ ଯୁବ ଚିତ୍ରଶିଳ୍ପୀ ଆୟୁଷ । ଯୁବ ଚିତ୍ର ଶିଳ୍ପୀ ଆୟୁଷ ମହାପାତ୍ର ୫ ଫୁଟର କାନଭାସରେ ମା'କାଳୀଙ୍କର ଏକ ସୁନ୍ଦର ଓଲଟା ଚିତ୍ର ଆଙ୍କିଛନ୍ତି । ମା’ଙ୍କ ପେଣ୍ଟିଂ କରିବାପାଇଁ ଆୟୁଷଙ୍କୁ ୭ ମିନିଟ୍ ସମୟ ଲାଗିଥିଲା ଓ ଏହି ପେଣ୍ଟିଂକୁ ଦୁଇ ହାତରେ ଏବଂ ଓଲଟା କରିଥିଲେ । ମା’ କାଳୀଙ୍କ ଏକ ଭଜନରୁ ସେ ଏହି ପେଣ୍ଟିଂ ଆରମ୍ଭ କରି ଭଜନ ଶେଷ କରିଛନ୍ତି । ପୂର୍ବରୁ ଏହି ନିଆରା କଳା ପାଇଁ ଆୟୁଷ ଇଣ୍ଡିଆ ବୁକ୍ ଅଫ୍ ରେକର୍ଡସ୍ ଓ ନାଇଜେରିଆ ଗଟ୍ ଟ୍ୟାଲେଣ୍ଟରେ ସମ୍ମାନିତ ହୋଇଥିଲେ ।