Watch Video: ହୋଲି ଖେଳିଲା ଟିମ ଇଣ୍ଡିଆ, ରଙ୍ଗ ମାରିଲେ କୋହଲି, ସେଲଫି ନେଲେ ରୋହିତ

ଗାନ୍ଧୀନଗର: ଦେଶର ଅଧିକାଂଶ ସ୍ଥାନରେ ଆଜି ପାଳିତ ହୋଇଛି ରଙ୍ଗର ପର୍ବ ହୋଲି । ଏହି ହୋଲି ସେଲିବ୍ରେସନରୁ ବାଦ ପଡିନି ଇଣ୍ଡିଆନ କ୍ରିକେଟର ଟିମ । ସାଥୀ ଖେଳାଳିଙ୍କ ସହିତ ହୋଲି ପର୍ବ ପାଳିଛନ୍ତି ଭାରତୀୟ ଦଳର କ୍ରିକେଟର । ହୋଲି ପାଳୁଥିବାର ଦୃଶ୍ୟ ସୋସିଆଲ ମିଡିଆରେ ଏବେ ଘୁରି ବୁଲିଛି । ଯେଉଁଥିରେ ଅଧିନାୟକ ରୋହିତ ଶର୍ମା, ଓପନର ଶୁବମନ ଗିଲ ଓ ବିରାଟ କୋହଲି ହୋଲି ଖେଳୁଥିବା ନଜର ଆସିଛି । ଆଗକୁ ଅଷ୍ଟ୍ରେଲିଆ ବିପକ୍ଷରେ ଟିମ ଇଣ୍ଡିଆ ଚତୁର୍ଥ ଟେଷ୍ଟ ମ୍ୟାଚ ଖେଳିବାକୁ ଯାଉଥିବାରୁ ହୋଲି ଖେଳି ନିଜକୁ ରିଲାକ୍ସ କରିଛନ୍ତି ଭାରତୀୟ ଦଳ ।  ବଲିଉଡ଼ ଫିଲ୍ମ ସିଲସିଲାର ଲୋକପ୍ରିୟ ସଙ୍ଗୀତ 'ରଙ୍ଗ ବରସେ' ସଙ୍ଗୀତ ବାଜୁଥିବା ବେଳେ ସମସ୍ତେ ହୋଲି ଖେଳର ମସଗୁଲ ହୋଇଛନ୍ତି । ଅବିର ଧରି ପରସ୍ପରକୁ ରଙ୍ଗ ଲଗାଇ ହୋଲିର ଶୁଭେଚ୍ଛା ଜଣାଇଛନ୍ତି । ଟିମ ବସ୍‌ ମଧ୍ୟରେ ସମସ୍ତ ଖେଳାଳି ହୋଲି ଖେଳୁଥିବା ଭିଡିଓରେ ଦେଖିବାକୁ ମିଳିଛି । ଗିଲ ଏହି ଭିଡିଓକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଥିବା ବେଳେ କ୍ୟାପସନରେ 'ହାପି ହୋଲି' ବୋଲି ଲେଖିଛନ୍ତି । ଅନ୍ୟପଟେ ଭାରତୀୟ କ୍ରିକେଟର ସୂର୍ଯ୍ୟ କୁମାର ଯାଦବ ମଧ୍ୟ ନିଜ ଇନଷ୍ଟାଗ୍ରାମ ଆକାଉଣ୍ଟରେ ହୋଲି ଖେଳ ସମୟର କିଛି ଫଟୋ ସେୟାର କରିଛନ୍ତି ।  

ଏଥିରେ ଈଶାନ କିଶାନ, କୁଲଦୀପ ଯାଦବ ନଜର ଆସିଛନ୍ତି । ଏହି ଫଟୋ ସହିତ ଭାରତବାସୀ ଓ ନିଜ ଫ୍ୟାନ୍ସଙ୍କୁ ସେ ହୋଲି ଖେଳର ଶୁଭେଚ୍ଛା ବାର୍ତ୍ତା ଦେଇଛନ୍ତି ।  ବର୍ଡର-ଗାଭାସ୍କର ସିରିଜର ଟିମ ଇଣ୍ଡିଆ ଗୁଜୁରାଟ ଅହମ୍ମଦାବାଦ ଅଭିମୁଖେ ବାହାରିଛନ୍ତି । ଅଷ୍ଟ୍ରେଲିଆ ଇନ୍ଦୋରରେ ମ୍ୟାଚ ଜିତି ୱାର୍ଲ୍ଡ ଚେଷ୍ଟ ଚମ୍ପିଆନସିପ ପାଇଁ ଟିକେଟ ପାଇସାରିଛି । ଯଦି ଫାଇନାଲ ଟେଷ୍ଟ ମ୍ୟାଚକୁ ଭାରତ ଜିତେ, ତେବେ ଇଣ୍ଡିଆନ ଟିମ ମଧ୍ୟ ଚମ୍ପିଆନସିପ ଲାଗି ନିଜ ସ୍ଥାନ ପକ୍କା କରିବ । ଏବେ ଭାରତ ୪ ଦିବସୀୟ ଟେଷ୍ଟ ସିରିଜରେ ୨-୧ରେ ଆଗୁଆ ରହିଛି ।