ନଦୀରେ ଗାଧୋଇବା ବେଳେ ବୁଡିଗଲେ ୨ ଯୁବକ

ଯାଜପୁର: ବଡ଼ଚଣା ଥାନା ଅଧୀନ ରାଧାଦେଇପୁର ଅଞ୍ଚଳରେ ଅଘଟଣ । ନଦୀରେ ବୁଡି ଦୁଇ ଯୁବକଙ୍କ ମୃତ୍ୟୁ । ରାଧାଦେଇପୁର ଠାରେ ଥିବା ଗେଙ୍ଗୁଟି ନଦୀରେ ଗାଧୋଇବାକୁ ଯାଇଥିବା ସମୟରେ ବୁଡିଯାଇଥିବା ସୂଚନା ମିଳିଛି । ତିନି ଜଣ ବନ୍ଧୁ ମିଶି ନଦୀରେ ଗାଧୋଉଥିବା ସମୟରେ ହଠାତ ଦୁଇ ଜଣଙ୍କ ଗୋଡ଼ ଖସି ଯିବାରୁ ଗଭୀର ଜଳରେ ବୁଡିଯାଇଥିଲେ । କିଛି ସମୟ ଧରି ପାଣିରୁ ନବାହାରିବାରୁ ସ୍ଥାନୀୟ ଲୋକେ ନଦୀରେ ଖୋଜାଖୋଜି କରିଥିଲେ । ଦୀର୍ଘ ସମୟ ପରେ ଦୁଇ ଜଣଙ୍କୁ ଉଦ୍ଧାର କରି ବଡ଼ଚଣା ମେଡ଼ିକାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ । ମୃତକ ଯୁବକ ଦୁଇଜଣ ସ୍ଥାନୀୟ ଶାସନ ପୁରୁଷୋତ୍ତମପୁର ଗ୍ରାମର ଅମିତ ଖଣ୍ଡାଇ ଓ ମଳୟ ନାୟକ ବୋଲି ଜଣାପଡିଛି l ଏହି ଖବର ଜଣାପଡିବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି  l ସେପଟେ ବଡ଼ଚଣା ପୋଲିସ ଖବରପାଇ ଘଟଣାସ୍ଥଳରେ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି l 

ଇଟିଭି ଭାରତ, ଯାଜପୁର