Bahuda Yatra 2023: ଶ୍ରୀମନ୍ଦିର ଅଭିମୁଖେ ମହାପ୍ରଭୁ, ରଥ ଟାଣି ନେଉଛନ୍ତି ଭକ୍ତ

ପୁରୀ: ଜନ୍ମବେଦୀରୁ ବାହୁଡିଲେ ଶ୍ରୀଜିଉ । ନବଦିନାତ୍ମକ ଲୀଳାଖେଳା ସାରି ଭାଇଭଉଣୀଙ୍କୁ ସାଙ୍ଗରେ ଧରି ରତ୍ନବେଦୀକୁ ବାହାରି ଯାଇଛନ୍ତି ମହାବାହୁ । ଆରମ୍ଭ ହୋଇଯାଇଛି ଟଥଟଣା । ପ୍ରଥମେ ବଡ଼ ଠାକୁର ବଳଭଦ୍ରଙ୍କ ତାଳଧ୍ବଜ ରଥ ଟଣା ଆରମ୍ଭ ହୋଇଥିଲା । ରଥରେ ବିଜେ କରି ଶ୍ରୀଗୁଣ୍ଡିଚା ମନ୍ଦିରରୁ ଫେରିଛନ୍ତି ହଳଧର । ଲକ୍ଷ ଲକ୍ଷ ଭକ୍ତଙ୍କ ମେଳରେ ଘର୍ଘର ନାଦରେ ଗଡୁଛି ରଥ । ବଡଭାଇଙ୍କ ପଛକୁ ଭଉଣୀ ସୁଭଦ୍ରାଙ୍କ ଦର୍ପଦଳନ ରଥଟଣା ମଧ୍ୟ ହୋଇଛି । 

ଶରଧାବାଲିରେ ଭକ୍ତ ମେଳରେ ଆଗକୁ ବଢୁଛି ରଥ । ବଡ ଭାଇ ପଛେ ପଛେ ଚାଲିଛନ୍ତି ଗେହ୍ଲି ଭଉଣୀ । ହଜାର ହଜାର ଭକ୍ତ ଦେବୀ ସୁଭଦ୍ରାଙ୍କ ରଥକୁ ଟାଣି ନେଉଛନ୍ତି । ଶେଷରେ ଶରଧାବାଲିରେ ମହାପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ ମଧ୍ୟ ଗଡିଛି । ଘର୍ଘର ନାଦରେ ଭକ୍ତ ମେଳରେ ଆଗକୁ ବଢ଼ୁଛି ନନ୍ଦିଘୋଷ । ଜନ୍ମବେଦୀରୁ ବାହାଡୁଛନ୍ତି ବ୍ରହ୍ମାଣ୍ଡ ଠାକୁର । ମହାପ୍ରଭୁଙ୍କ ରଥକୁ ଟାଣି ନେଉଛନ୍ତି ଲକ୍ଷ ଲକ୍ଷ ଶ୍ରଦ୍ଧାଳୁ । ତେବେ ନିର୍ଦ୍ଧାରିତ ସମୟର ପ୍ରାୟ ୩ ଘଣ୍ଟା ଆଗରୁ ରଥଟଣା ଆରମ୍ଭ ହୋଇଛି ।