ଭାରତ-ଆଫଗାନିସ୍ତାନ ତୃତୀୟ ଟି ଟ୍ବେଣ୍ଟି, ବେଙ୍ଗାଲୁରୁରେ ପହଞ୍ଚିଲା ଟିମ ଇଣ୍ଡିଆ

ହାଇଦ୍ରାବାଦ: ବୁଧବାର ଭାରତ ଓ ଆଫଗାନିସ୍ତାନ ମଧ୍ୟରେ ଖେଳାଯିବ ତୃତୀୟ ତଥା ଅନ୍ତିମ  ଟି20 ମ୍ୟାଚ । ଏଥିପାଇଁ ଗୋଟିଏ ଦିନ ପୂର୍ବରୁ ବେଙ୍ଗାଲୁରୁରେ ପହଞ୍ଚିଛି ଭାରତୀୟ ଟିମ । ସେଠାରେ ପହଞ୍ଚିବା ପରେ ଭାରତୀୟ ଖେଳାଳିଙ୍କୁ ସ୍ବାଗତ କରାଯାଇଛି ।  ଟି20 ଶୃଙ୍ଖଳାରେ ଗୋଟିଏ ମ୍ୟାଚ ବାକି ଥାଇ ସିରିଜକୁ ନିଜ ସପକ୍ଷରେ କରିଛି ଟିମ ଇଣ୍ଡିଆ । ଅନ୍ତିମ ମ୍ୟାଚ ପାଇଁ ଭାରତୀୟ ଖେଳାଳିଙ୍କ ମନୋବଳ ଦୃଢ ରହିଛି । ଶେଷ ମ୍ୟାଚ ପାଇଁ ଜୋରଦାର ପ୍ରସ୍ତୁତି କରିଛି ମେନ ଇନ ବ୍ଲୁ । ପ୍ରଥମ ମ୍ୟାଚରେ ଭାରତ ବିଜୟୀ ହୋଇଥିବା ବେଳେ ରବିବାର ଖେଳାଯାଇଥିବା ଦ୍ବିତୀୟ ମ୍ୟାଚରେ ମଧ୍ୟ ଟିମ ଇଣ୍ଡିଆର ବିଜୟ ହୋଇଥିଲା ।  ଦ୍ବିତୀୟ ମ୍ୟାଚରେ ପ୍ରଥମେ ବ୍ୟାଟିଂ କରି ଭାରତ ଆଗରେ 173 ରନର ବିଜୟ ଲକ୍ଷ୍ୟ ଧାର୍ଯ୍ୟ କରିଥିଲା ଆଫଗାନିସ୍ତାନ । ଏହାର ଜବାବରେ  ମାତ୍ର 15.4 ଓଭରରେ 4 ୱିକେଟ୍‌ ହରାଇ ଭାରତ ବିଜୟୀ ରନ ହାସଲ କରିଥିଲା ।